Exames

Na Facultade de Filoloxía adoita haber tres convocatorias de exames ordinarios ao ano:

En febreiro o estudantado examínase das materias cuadrimestrais impartidas no primeiro cuadrimestre. Nalgunhas materias anuais tamén se celebran exames parciais extra-oficiais.
En xuño e xullo teñen lugar os exames das materias cuadrimestrais do segundo cuadrimestre e mais os das materias anuais.
En setembro celébranse os exames de recuperación tanto das materias anuais, como das cuadrimestrais de primeiro e segundo cuadrimestre.

Ademais destas tres convocatorias ordinarias, en xaneiro hai unha cuarta convocatoria extraordinaria, chamada de fin de carreira, para os estudantes que están a piques de remataren os estudos de 2º ciclo.

Para pescudar a data, hora e lugar de exame dunha materia en concreto consulta os horarios de exames no portal da USC.