Edificio

O Arquivo nos primeiros momentos non tivo edificio propio. Era como todolos Arquivos de Institucións. A súa documentación estaba gardada nunha Arca ou arcas. Pero ó longo da súa vida tivo varios emplazamentos. Na visita de Molina e Medrano nos anos 1635 e 1636 dícese que é necesario para a garda de tódolos documentos da Universidade facer una arquivo público como teñen os cabidos e mosteiros. Como resultado desta visita fíxose o arquivo na parte da sacristía do Colexio de Fonseca onde quedan postos tódolos papeis para a sua custodia.

Cando o 21 de setembro de 1769 a Universidade toma posesión do edificio dos Regulares expulsos, traslada tamén o arquivo da Universidade no mesmo acto solemne. Os papeis saíron cara o novo edificio nunha procesión na que ian tódolos graduados coas súas insignias.

Nos derradeiros anos estivo no 3º piso da Facultade de Xeografía e Historia, na Praza da Universidade, onde os locais non reunían as condicións necesarias tanto para a conservación como para a consulta dos fondos.

Dende hai tempo, a Universidade sentía a necesidade de dotalo dun edificio que reunise as condicións necesarias para a consulta e difusión dos documentos acollidos e servir así de apoio á docencia e á investigación.

Para elo, logo de varios estudios, elexiuse o actual emplazamento sito no antiguo edificio da Casa Simeón, no casco histórico da cidade, na rúa das Casas Reais, 3 e 5. O edificio foi rehabilitado dacordo á función e uso a que se ía adicar. O solar ten 465 m 2 e a superficie edificada está perto dos 2.590 m 2 . Consta de 6 plantas, das que 3 están totalmente adicadas a depósito de documentos.

Na planta de acceso está Recepción, a Sala de Conferencias e Exposicións, que conta cunha capacidade para 50 persoas, e o obradoiro de Restauración perfectamente equipado.

A terceira planta está dividida entre despachos, sala de xuntas, e Biblioteca. Asimesmo hai un depósito de documentación, que se atopa ben aillado das zonas anteriores.

Na última planta están as Salas de Consultas cunha capacidade de 40 plazas e unha sala de traballo para o persoal do centro.