Servizos de carácter interno

Obradoiro de Restauración de libros e documentos

Dado que a documentación do arquivo é moi abondosa acordouse xa no proxecto de obra do edificio o deixar unha parte para adicala a obradoiro de Restauración. Situado na planta baixa do edificio conta con tódolos aparatos necesarios para os diferentes procesos de restauración e encadernación. Se realizan traballos de consolidación de documentos así como os xa ditos de restauración exclusivamente para documentos do Arquivo da Universidade.

Creación de base de datos e imaxes

A necesidade de describir fondos documentais nos novos soportes e incorporarse así ás novas tecnoloxías da información fixo que o Arquivo encetase no ano 1997 unha base de datos e imaxes que ten varios fins. Entre eles salvagardar os fondos documentais en mal estado, os de consulta frecuente para evitar o seu deterioro e facilitar copias de documentos que de non estar dixitalizados non se lle poderían facilitar ó investigador.