Estadías  e bolsas nas Institucións e Organismos Europeos

Estadías (prácticas profesionais, e viaxes de estudo)

As Institucións e organismos europeos permiten aos xoves europeos facer estadías e prácticas nas súas oficinas centrais ou nas delegacións e representacións nos Estados membros ou asociados. Cada Institución ou Organismo segue unha vía lixeiramente distinta para a selección de estudiantes, diplomados ou licenciados. Non obstante, case todas ofertan unha convocatoria aberta de xeito que as candidaturas presentadas son obxecto de revisión dúas veces ao ano (febreiro e en outono). É recomendable ler a Guía da Comisión Europea sobre o proceso de solicitude, concesión, e desenvolvemento das Estadías.

Velaí os principais enlaces aos programas de estadías concretos:

• Estadías na Comisión Europea.

• Estadías e visitas de estudio no Parlamento Europeo.

• Estadías no Defensor do Pobo Europeo

• Estadías no Consello Europeo

• Estadías no Comité Económico e Social Europeo

• Estadías no Comité das Rexións

• Estadías no Tribunal de Contas Europeo.

• Estadías no Tribunal de Xustiza da UE

Financiamento das estadías, profesionais e viaxes de estudo:

Algunhas das estadías son remuneradas pola Institución de acollida. Ademais, os estudiantes galegos ou provenientes de Universidades galegas teñen a oportunidade de solicitar unha axuda económica da Fundación Galicia Europa (a través do seu programa de bolsas) no caso en que sexan invitados a facer unha estadía non remunerada nas Institucións e organismos Europeos

Existen outros programas de becas e axudas para realizar estadías en determinados organismos como as Bolsas de Estudio Francois Staedelin (do Comité Económico e Social Europeo)