No
ano 1999 iniciáronse as obras de restauración baixo a dirección
do arquitecto César Portela. O proxecto combinou a nobreza dos materiais
orixinais co deseño vangardista, cores cálidas e austeridade
na súa decoración, e teñen coma resultado final un definitivo
realce do porte señorial e o esplendor dos tempos pasados desta casa.
Sóubose introducir novos valores, compatibles cos herdados, para que
poida adoptar novos usos e dar resposta a novas necesidades. Cun contorno
realmente envexable, ben podemos dicir que o seu extenso e variado xardín
de máis de 36.000 metros cadrados fai honra ó seu sobrenome:
Vista Alegre.
Esta
fermosa finca aparece xa nos planos da cidade no ano 1796, co nome de Horta
de San Martín, o que indica que era propiedade do veciño Mosteiro
de San Martiño Pinario, que aínda está en funcionamento
hoxe en día. A finca é un recinto rodeado en todo o seu perímetro
por un potente muro de pedra que marca unha drástica separación
entre o interior e o exterior, creando o seu propio mundo. O edificio de estilo
colonial que aloxa a Casa de Europa foi erixido coma residencia dunha familia
da burguesía compostelá, no ano 1903.
__
__
__
