Proposta de nomeamento de membros do Consello Asesor do Centro de Tecnoloxías para a Aprendizaxe

Consello de Goberno do 5 de febreiro de 2004 (extracto)
Documento en PDF [191Kb]

O vicerreitor de Terceiro Ciclo e Extensión Docente recordou que segundo o artigo 8 do Regulamento do CETA, aprobado polo Consello de Goberno o 22 de decembro de 2003, “Constituirase un consello asesor formado polo reitor, ou vicerreitor no que delegue, que o presidirá; o director do centro, que actuará de secretario; o vicerreitor de Terceiro Ciclo e Extensión docente; o director da área TIC da USC; o xerente; dous profesores por cada unha das grandes áreas de coñecemento; dous membros do PAS, nomeados polo reitor, oído o Consello de Goberno, por un período de catro anos, asegurando a representación dos dous campus; e dous estudiantes de primeiro e segundo ciclo e un estudiante de terceiro ciclo, nomeados polo reitor, oído o Consello de Goberno, por un período dun ano.

Tendo en conta o anterior, o reitor propuxo os seguintes nomes de profesores e PAS: A) Ciencias da Saúde: D. José Manuel López-Rivadulla Lama (Medicina) e dona Ana Bravo del Moral (Veterinaria); B) Ciencias Experimentais: D. Víctor Mosquera Tallón (Física) e D. Manuel Ladra González (Matemáticas); C) CC. Sociais: D. José Díez de Castro (ADE); e dona Beatriz Cebreiro López (CC. Educación); D) Humanidades: D. Luis Iglesias Rábade (Filoloxía) e D. Alejandro Sobrino Cerdeiriña (Filosofía); E) Ensinanzas Técnicas: D. Eduardo Zurita de la Vega (EPS) e D. Antonio Mosquera González (Física); PAS: D. Xosé Manuel Velo (SAUS) e dona Pilar González Novoa (Biblioteca Xeral). Ademais os representantes dos estudantes no Consello de Goberno deberían designar os dous representantes dos estudantes.

O secretario xeral deu conta así mesmo da proposta para designación dos representantes dos estudantes no Consello Asesor do Centro de Tecnoloxías para a Aprendizaxe (CeTA), que fora nomeado polo reitor oído o Consello de Goberno na reunión do 5 de febreiro de 2004, de conformidade co Regulamento do CeTA, pero quedaran pendentes de nomear os estudantes á espera da proposta da representación dos estudantes no Consello de Goberno. Os nomes propostos, sobre os que houbo asentimento, foron:

• Estudantes de 1º e 2º ciclo: Alberto Pérez Cotos e José María Cid Guede.
• Estudante de 3º ciclo: Xesús Feás Sánchez.