|
|
Máster en Renovación Urbana e Rehabilitación
Código: M867
| Núm. de créditos: |
50 |
|
Data Inicio: |
17/10/08 |
|
Inicio Preinscrición: |
08/09/08 |
| Edición: |
4 |
|
Data Finalización: |
10/07/09 |
|
Fin Preinscrición: |
03/10/08 |
| Duración cursos: |
1 |
|
Aprobación: |
22/05/08 |
|
|
|
| Mínimo alumnos: |
17 |
|
Prezo Euros: |
1.500,00 |
|
Inicio Matrícula: |
15/10/08 |
| Máximo alumnos: |
38 |
|
Prazos Pago: |
3 |
|
Fin Matrícula: |
24/10/08 |
| Departamento / Centro Organizador: |
| Centro de Posgrao, Terceiro Ciclo e Formación Continua |
| Directores: |
Taín Guzmán, Miguel
Camiruaga Osés, Idoia |
| Sé e enderezo do curso: |
|
Información: |
Facultade de Xeografía e Historia
Praza da Universidade s/n
15782 Santiago de Compostela |
|
Abelleira Méndez, Sagrario
Facultade de Xeografía e Historia
Secretaría do Master en Renovación Urbana e Rehabilitación
Praza da Universidade s/n 15782 Santiago de Compostela
Teléfono: 981 56 31 00 ext. 12604 / móvil: 664 000 463
Fax: 981 55 99 41
renovacionurbana@gmail.com
http://www.renovacionurbana.net
|
| Obxectivos do curso: |
Unha intervención contemporánea na Cidade Histórica require dunha política global que coordine as distintas accións, co obxectivo de promover a organización, transformación e renovación do tecido urbano, realizar as operacións de rehabilitación arquitectónica, e fomentar a revitalización do tecido social. Sabedores do grande valor dos Centros Históricos e conscientes de que a súa conservación e potenciación depende, en forte medida, da cualificación técnica e cultural dos axentes sociais implicados nos mesmos, así como tamén da información e sensibilización dos seus habitantes, consideramos imprescindible a formación especializada de profesionais no ámbito da "Renovación e Rehabilitación Urbana".
Para manter a vitalidade dos centros históricos -algúns xa ocupados por sectores de poboación marxinal ou desfavorecida, ou iniciando un proceso de aburguesamento ou "gentrifycation"- evitando ao mesmo tiempo a masificación ou abusivo uso turístico, precísase o apoio á recuperación das condicións de habitabilidade das vivendas e edificios para fixar á poboación residente, a mellora da contorna e a creación e dotación de equipamentos e servizos que faciliten a convivencia e a vida nos mesmos. A conservación efectiva dos centros históricos precisa de técnicos e empresas cualificadas e con coñecementos especializados en virtude das características propias da cidade e a arquitectura que se pretende rehabilitar. E, tamén, a existencia de xestores públicos capaces de atender as demandas dos residentes, individualizando cada caso e asesorando e encauzando cada unha das demandas de asistencia na renovación da cidade.
Os obxectivos que se perseguen, a grandes rasgos son:
1.- A conservación dos centros históricos. Non se considera só desde o punto de vista da restauración ou conservación da súa materia, é dicir, os seus edificios de valor especial. Enténdese o centro histórico como peza vital no conxunto da cidade, como cidade completa e complexa que foi e aínda hoxe é, cos seus edificios, espazos, ambientes e, especialmente, os seus cidadáns. A rehabilitación para os cidadáns.
2.- Emprego de técnicas e sistemas axeitados. Desde o punto de vista da rehabilitación, dase valor prioritario ao desenvolvemento e emprego de materiais e técnicas respetuosos, lixeiros e compatibles. O uso de técnicas actuais de seguemiento dos procesos de rehabilitación e renovación.
3.- Considerar a renovación urbana como proceso solidario do que deben participar todos os implicados: todos os cidadáns e cada un desde a súa posición, técnicos, urbanistas, usuarios.... Os centros históricos seguen formando parte das nosas cidades e son, en moitos casos, se xa non o centro económico, si o noso estandarte cultural, a referencia que fai que nos sintamos representados como colectivo diferenciado.
4.- A conciencia de que o proceso debe ser sostible e exportable.
O Máster preténdese principalmente práctico, desenvolvendo os alumnos, en equipo e de xeito individual, proxectos de renovación urbana que respondan a problemas actuais dos distintos centros históricos de Galicia. Os proxectos poderán versar sobre:
- Rehabilitación de edificios de valor ou catalogados habitados e/ou baleiros;
- Rehabilitación de conxuntos de edificios de valor cultural;
- Estudo e proposta de renovación de tecidos históricos;
- Proposta de renovación e integración de tecidos residenciais do S. XX incluídos nos centros históricos;
- Estudos de accesibilidade e relación entre os centros históricos e o resto da cidade;
- Rehabilitación de elementos ou conxuntos integrados en paisaxe natural ou urbano;
- Estudo da evolución actual de sectores de poboación -nenos, anciáns, xoves, mulleres-, e económicos -mercado, comercio-usos dos espazos públicos ás distintas horas do día -terciarización- nos centros históricos e as súas áreas de influencia ou as cidades xeradas a partir deles.
O desenvolvemento destes proxectos complementarase cunha serie de cursos, seminarios e charlas que tocarán as disitintas disciplinas necesarias nos complexos procesos de renovación urbana. Preténdese que cada equipo non sexa homoxéneo, é dicir, que esté integrado por técnicos e/ou profesionais distintos.
Este Máster está dirixido a arquitectos, aparelladores, historiadores da arte, xeógrafos, economistas, avogados, arqueólogos, técnicos da administración pública e de empresas dos distintos sectores da construción afíns.
|
| Requisitos de acceso: |
| Arquitectos, arquitectos técnicos, historiadores, historiadores da arte, xeógrafos e outros licenciados e diplomados en titulacións relacionadas coa renovación urbana e a rehabilitación. |
| Sistema de selección: |
Currículo, expediente académico, perfil profesional, breve memoria de intencións.
Un 70 % das plazas están reservadas para arquitectos e arquitectos técnicos. |
| Procedemento de Avaliación: |
Elaboración dun proxecto.
Asistencia |
| Calendario: |
Días da semana:
Xoves, venres e sábado (segundo calendario).
Horario:
Xoves de 16,00 a 20,30 h
Venres de 10,00 a 14,30 h e de 16,00 a 20,30 h
Sábado de 10,00 a 14,30 h (segundo calendario) |
| Programa: |
1. Construción e Aplicación de Técnicas. Créditos: 13
2. Vivenda, Cidade e Territorio . Créditos: 9,5
3. Xestión e Políticas Urbanas . Créditos: 4,5
4. Visitas, proxectos e obras. Conferencias complementarias. Créditos: 3
5. Taller Obradoiro. Traballo práctico sobre proxectos reais. Créditos: 20 |
|
