Bolsas e Axudas da USC

O Consello de Goberno da USC, na súa reunión do 27 de maio de 2010, aprobou os criterios de reparto, segundo a proposta acordada pola Comisión de Doutoramento desta Universidade na reunión do 20 de maio de 2010, que quedan recollidos no documento  Convocatoria para o reparto do presuposto da USC destinado á mobilidade e criterios de reparto das axudas nos estudos de doutoramento (27-05-2010).

Na presente convocatoria a oferta de estudos de doutoramento veñen regulados polo Real Decreto 778/1998, de 30 de abril, polo Real Decreto 56/2005, de 21 de xaneiro, e polo Real Decreto 1393/2007 de 29 de outubro

Nos criterios deste ano, auméntase ata un 60% (do total da partida prevista para Accións de Terceiro Ciclo) a cantidade que se reserva para apoiar aos estudos de doutoramento que teñan vixente a Mención de Calidade, incluíndo aqueles programas que non puideran renovala pola extinción das convocatorias de Mención de Calidade do Ministerio.

Convocatoria para o reparto do presuposto destinado a  mobilidade nos estudos de doutoramento no curso académico 2009-2010

O documento mencionado inclúe a Convocatoria de mobilidade nos estudos de  doutoramento curso 2009-2010. O prazo de presentación de solicitudes destas axudas finalizará o 22 de xuño de 2010.

Para poder acceder a axudas de esta convocatoria por parte de aqueles estudos de doutoramento que xa a recibiran na anterior convocatoria é requisito indispensable que o coordinador/a dos mesmos presentara o informe académico e económico  correspondente á concesión nesa anterior convocatoria.

As solicitudes das axudas á mobilidade do profesorado universitario español ou estranxeiro, deberán presentarse no Rexistro Xeral da USC ou no Rexistro auxiliar do CPTF, segundo o modelo modelo normalizado   T70 que deberá ir asinado polo/a coordinador/a dun programa de doutoramento da USC co visto e prace da dirección do departamento, centro ou instituto universitario responsable do programa, e dirixidas ao Vicerreitor de Oferta Docente e Espazo Europeo de Educación Superior.