A TODA A COMUNIDADE UNIVERSITARIA

Está dispoñible na páxina Web do Ministerio de Educación e Ciencia o resultado da avaliación dos programas de doutoramento que optaban á Mención de Calidade, tanto de renovación como de nova adxudicación.

Para a convocatoria deste ano a Universidade de Santiago de Compostela enviou 15 programas de doutoramento, que tramitamos de forma centralizada dende o vicerreitorado de Terceiro Ciclo e Extensión Docente.

Os resultados obtidos, consonte á información dispoñible ata o de agora, son os seguintes:

NOVAS ADXUDICACIÓNS

1. Lingüística

2. Química

3. Investigación e desenvolvemento de medicamentos

4. Medicina molecular

5. Interuniversitario en tecnoloxías da información

6. Neurociencia

RENOVACIÓNS

1. Química orgánica

2. Endocrinoloxía

3. Enxeñería Química e ambiental

4. Métodos matemáticos e simulación numérica en enxeñería e ciencia aplicada

5. Teoría da Literatura e Literatura comparada

6. Química teórica e computacional (interuniversitario coordinado por Girona)

7. Ciencia e Tecnoloxía de Coloides e interfaces (interuniversitario coordinado por Barcelona)

8.-Edición e Anotación de Textos Literarios Españois e Hispanoamericanos (aceptado o recurso outubro 04)

Aproveito a ocasión para transmitir o agradecemento da Universidade de Santiago de Compostela e do Vicerreitorado de Terceiro Ciclo e Extensión Docente, en particular, a todos os Departamentos e Institutos de Investigación responsables de programas de doutoramento que optaron á Mención de Calidade, así como para felicitar ós programas que obtiveron a devandita Mención, ben por renovación ou por nova concesión.

A oferta de Terceiro Ciclo da nosa Universidade consolídase entre as principias universidades españolas e a consideración dos nosos programas de doutoramento medra significativamente como unha formación da máis alta calidade. Un avance que se debe ó esforzo e dedicación que todas as persoas implicadas poñedes na boa marcha dos nosos programas de doutoramento.

Santiago de Compostela, 24 de xuño de 2004

Marcelino Agís Villaverde

O vicerreitor de Terceiro Ciclo e Extensión Docente

  Listado total por Universidades segundo o número de programas de doutoramento  acadaron Mención de Calidade