|
|
Programa de doutoramento
Investigación e Desenvolvemento de Medicamentos
|
2153-06-1 Investigación e Desenvolvemento de Medicamentos |
| Depto. de Farmacia e Tecnoloxía Farmacéutica |
| Co-responsables científicos: |
| Inst. de Farmacia Industrial |
| Depto. de Farmacoloxía |
| Obxectivos xerais do programa: |
Como reflicte fielmente o título deste programa, preténdese que o alumno adquira a formación necesaria, tanto teórica como práctica, para desenvolver traballos de investigación no ámbito de I+D dos medicamentos.
Para acadar este obxectivo global, o programa estructurouse nun considerable número de cursos, nos que se pretende conseguir unha maior profundización en aspectos de especial interese. Desta forma o alumno poderá seleccionar facilmente o conxunto de cursos mellor adaptado ó curriculo previsto.
De maneira concreta, no campo da investigación farmacolóxica, preténdese conseguir que o alumno adquira:
1. Coñecemento dos aspectos xerais da experimentación actual na área de farmacoloxía, así como a súas aplicacións no ámbito da industria farmacéutica.
2. Capacidade para analizar e difundir os resultados dos traballos da investigación neste campo.
3. Coñecementos para deseñar, desenvolver ou adaptar a metodoloxía adecuada para levar a cabo un estudio experimental en farmacoloxía.
4. Formación básica e suficiente sobre diversos aspectos relativos a funcións celulares (tanto en condicións normais como patolóxicas) e a súa regulación farmacolóxica.
Adicionalmente, os cursos específicos sobre sistema cardiovascular, sistema nervioso central e sistemas sanguíneo e inmunitario, deben permitir que o alumno poida afrontar a avaliación de fármacos con potencial utilidade terapéutica (en humanos ou en animais) nalgún dos sistemas indicados.
Paralelamente, no ámbito da Tecnoloxía Farmacéutica e Biofarmacia preténdese que os alumnos do programa poidan:
1. Coñecer e utilizar os procedementos de caracterización das materias primas e dos principais sistemas de interese farmacéutico.
2. Planificar e desenvolver estudios de avaliación e cuantificación dos efectos de distintas variables sobre as propiedades de formas de dosificación.
3. Adquirir un coñecemento en profundidade, tanto no plano teórico como no metodolóxico, dos criterios de biodispoñibilidade e estabilidade no deseño de formas de dosificación e a súa aplicación ó desenvolvemento galénico.
4. Coñecer as características dos novos sistemas terapéuticos e as perspectivas futuras neste campo.
5. Acceder a e difundir os resultados das investigacións desenvolvidas no ámbito da Tecnoloxía Farmacéutica e da Biofarmacia. |
| Titulacións que dan acceso ó programa: |
| Licenciatura en Farmacia, Medicina, Veterinaria, Bioloxía, Química e Tecnoloxía dos Alimentos |
| Áreas de coñecemento que outorgan o diploma de estudios avanzados: |
| (310) |
Farmacia e Tecnoloxía Farmaceútica |
| (315) |
Farmacoloxía |
| Criterios de admisión: |
- Expediente académico
- Curriculum vitae
- Entrevista persoal, se fose necesaria |
| Procedemento de valoracion do tribunal unico |
- Os alumnos convocados farán unha presentación dos cursos de Terceiro Ciclo realizados dentro e fóra do programa, e do contido da memoria do traballo de investigación
- Os membros do tribunal realizarán as preguntas que estimen necesarias co fin de valorar os coñecementos adquiridos polos alumnos |
|
