Ámbitos de actuación

A primeira das aplicacións implantadas na USC é a relativa á sinatura das actas académicas das distintas convocatorias. O proxecto piloto desenvolvido durante o segundo cuatrimestre e setembro do curso 2006-2007 na Facultade de Dereito e o Departamento de Matemática Aplicada, ten prolongación durante o curso 2007-2008 ao resto da Facultade de Matemáticas e á Escola Universitaria de Formación do Profesorado de Lugo. Progresivamente vaise estender o proxecto a todos os centros da USC.

Na convocatoria do primeiro cuatrimestre do curso 2008-2009 vanse incorporar tres centros novos:  Facultade de Medicina e Odontoloxía, Escola Politécnica Superior e a Facultade de Ciencias Ecónómicas e Empresariais. O noso obxectivo é que no segundo cuatrimestre a totalidade da USC asine electrónicamente as actas.

Está previsto introducir proximamente a sinatura electrónica na presentación vía telemática de documentos no rexistro, no correo electrónico de especial importancia, en solicitudes de diversa índole e en calquera outra aplicación onde sexa posible substituír a presentación en papel dun documento polo seu envío asinado con certificado dixital.