E ás 18:00h, tamén no CM Fonseca, o poeta, recopilador e contador de historias,  Celso Sanmartín, faranos pasar un bo rato cun bo exemplo de recuperación da tradición oral.

·Obradoiro de REUTILIZACIÓN E DESEÑO DE COMPLEMENTOS

Impartido por Paula Tubío de A Gata Moscovita

1ª edición: 10 a 12h.

2ª edición: 17 a 19h.

http://agatamoscovita.blogspot.com.es/

·Obradoiro de LABOR DE GANCHO

Impartido por Lucía Ruíz de Yarnobombing Coruña

Edición única: 10 a 12h.

http://yarnbombingcoru.blogspot.com.es/

·Obradoiro de CALCETA

Impartido por Rocío Candales de As Dúas

1ª edición: 10 a 12h.

2ª edición: de 17 a 19h.

-INSCRÍBETE mandando un correo a plands@usc.es, incluíndo NOME COMPLETO, COLECTIVO AO QUE PERTENCES (externo á USC, estudante, PDI, PAS), ENDEREZO ELECTRÓNICO, TELÉFONO DE CONTACTO e OBRADOIRO E EDICIÓN NA QUE QUERES PARTICIPAR.

-As prazas son limitadas (mínimo 5 máximo 12 participantes por sesión).

-Prioridade aos membros da USC. Prazo de inscrición: ata o 6 de maio ás 12h.

-Todos os obradoiros son de balde.

-Colabora a Biblioteca Concepción Arenal                

Anímate e participa!!

AINDA PODEN SER ÚTILES PARA OUTRAS PERSOAS.
VENTE A TROCALAS Á NOSA FEIRA DO TROQUE!!!
O martes 7 de maio de 17 a 20h na entrada ao pavillón central da Facultade de Veterinaria.

Agardámoste!!

Este mércores día 24 ás 17h no Salón de Actos do CM Fonseca, A VIDA DOS MOBLES A DEBATE con UnDoReDo.

Achégate e participa!!

No país dun millón de vacas, sabes realmente de onde ven o leite que consumes?. E que se emprega para facer o queixo e os iogures?. Estas e outras moitas preguntas que poderiamos facernos sobre os produtos lácteos que consumimos teñen unha gran repercusión sobre a economía e o desenvolvemento de moitas zonas do agro galego. Coñecer esta situación de primeira man e aprender a facer queixo dun xeito artesanal son os obxectivos que nos fixamos para este obradoiro.

Dando continuidade ao Plan Formativo do Proxecto de Hortos Urbanos da USC, no mes de abril a Oficina de Desenvolvemento Sostible da USC organiza dous obradoiros de elaboración de queixos en ecolóxico nos que elaborar estes produtos.Os obradoiros levaranse a cabo nas cociñas do Colexio Maior Fonseca, en Santiago, e da Residencia Universitaria Bal e Gay, en Lugo, os días 25 e 30 de abril ás 17:00 h, respectivamente.

A inscrición será de balde (achega voluntaria de 2€ para material), e para facela efectiva haberá que enviar un correo a entransicion@usc.es, indicando nome completo, colectivo ao que se pertence (estudante, PDI ou PAS), centro de estudos ou traballo, enderezo electrónico e teléfono móbil de contacto. As prazas serán limitadas e cubriranse por orde de inscrición, dando prioridade aos membros da comunidade universitaria (data límite de inscrición en Santiago: 24 de abril ás 12.00h, en Lugo: 29 de abril ás 12.00h).

Enténdense por este calquera uso, costume, remedio, truco, xeito de facer, pasatempo, invención ou semellante, propios da tradición popular galega e que acostumaban a ser de transmisión interxeracional e que supoña un aforro de recursos ou un menor impacto no medio ambiente en xeral.

Prazo de presentación: ata o 20 de maio de 2013 ás 14.00 h

Descarga aquí as BASES DO CONCURSO e a FOLLA DE INSCRICIÓN

Premios:

-1º premio de 300 euros

-2º premio de 200 euros

-2 accésit de 100 euros

“FALAMOS CON PEDRO DE LLANO”

Dende a Oficina de Desenvolvemento Sostible da USC convidámoste a participar no relatorio sobre Arquitectura tradicional galega e a súa utilidade no contexto no que vivimos, impartido por PEDRO DE LLANO, catedrático de Teoría e Representación da Arquitectura da UDC.

O relatorio terá lugar este xoves día 18 de abril ás 18h no Salón de Actos da Facultade de Ciencias Políticas e Socias (Campus de Santiago) dentro do ciclo de actividades sobre recuperación de Saberes Tradicionais de USC en Transición. A entrada será libre ata completar aforo.

Queres compartir con nós o teu coñecemento sobre:

-Recuperación de mobles

-Coiro

-Xastrería

-Calceta

-Arquitectura tradional

-Agricultura tradicional

-Fabricación de instrumentos

-Saúde e coidados

-Alimentación

-Tradición oral

-Meteoroloxía

-Cerámica

-Xogos tradicionais

-ou calquera outro tipo de temática??.

Se es coñecedor dalgún saber tradicional galego e gustaríache compartilo,  contacta con nós en bolsausc.transicion@gmail.com ou chamando ao 667 357 921.

O PROGRAMA USC EN TRANSICIÓN ORGANIZA UN NOVO SEMINARIO SOBRE A CREACIÓN E ORGANIZACIÓN DE GRUPOS DE CONSUMO NO MARCO DO PROXECTO DE HORTOS URBANOS NA USC

O seminario celebrarase simultaneamente en Santiago e Lugo o 19 de marzo por videoconferencia.

Acudir a unha tenda e comprar un produto ecolóxico, sexa leite, conservas, hortalizas frescas ou mesmo produtos de hixiene, deixou de ser un acto minoritario a normalizarse como hábito para moitas persoas. Se ben, este tipo de consumo segue resultando en moitas ocasións un acto economicamente custoso, unha vez que, fronte os custes non visíbeis dos produtos do supermercado –polo seu impacto ambiental, polas condicións laborais nas que se elaboran, ou polo lixo que xeran–, é de supor que o maior prezo dos produtos ecolóxicos tradúcese nun salario digno para o/a productor/a ou unhas prácticas de produción de baixo impacto ambiental, entre outras cousas.

Teoricamente, a aposta polo consumo de produtos ecolóxicos a un prezo asumíbel é unha das principais motivacións na creación de grupos de consumo. Mais isto non é todo; repartirse as tarefas, coñecer directamente ás persoas produtoras, compartir tempo de traballo ou mesmo celebrar comidas colectivas son acontecementos que van xeralmente unidos á transición a un/ha consumidor/a activo/a e comprometido/a.

Os grupos de consumo son unha realidade en franca extensión nos últimos anos e o seu impulso e promoción consideramos encaixa nos principios reitores do Proxecto de Hortos Urbanos do Programa USC en Transición. Co obxectivo de coñecer que experiencias existen en Galicia e cales son os pasos para a súa posta en marcha (como organizarse?, como contactar cos produtores/as?, como facer o reparto?), o vindeiro 19 de marzo celebrarase en Santiago e Lugo, simultaneamente, un seminario sobre Grupos de Consumo, en colaboración coa cooperativa de consumo Eirado e a asociación A Cova da Terra.

O seminario impartirase ás 19:30 h. dende Lugo, na Sala de Xuntas  da Facultade de Formación do Profesorado, e dende Santiago na Sala de Xuntas da Facultade de Farmacia, en Santiago; unha forma de poñer en práctica as medidas de aforro enerxético que queremos impulsar dende o Programa USC en Transición.

A entrada será libre ate completar aforo.