Servizo de correo electronico

Manual de configuración de Outlook Express

O programa "Outlook Express" é un xestor de correo sinxelo subministrado de balde nas diversas versións do sistema operativo Windows. É o programa axeitado se soamente desexamos acceder a contas de correo electrónico e non precisamos de características adicionais tales como ferramentas colaborativas (xestión de calendario, tarefas e notas).

Imos ver cales son os parámetros básicos para poder enviar/recibir correo electrónico con este programa e para elo será necesario dispor da seguinte información:

• Nome da conta e contrasinal
• Nomes dos servidores de correo entrante e saínte

No caso das contas de correo subministradas pola USC, poderemos atopar estes datos na carta de resposta que a Área TIC envía ao usuario cando se lle da de alta.

Procedemento de configuración:

A continuación detallamos o procedemento para configurar a súa conta de correo do dominio usc.es a través do Outlook Express:

Abra o Outlook Express e seleccione "Herramientas" - "Cuentas", tal e como se indica na seguinte ventá:

Prema en "Agregar" e seleccione "Correo":

Teclee en "Nombre para mostrar" o seu nome completo. Este dato amosarase no remite das mensaxes saíntes. A continuación prema en "Siguiente":

No campo "Dirección de correo electrónico" debemos introducir o enderezo electrónico completo. No caso das contas subministradas pola USC, poderá atopar este dato na carta de resposta á solicitude de alta:

A continuación, seleccione "POP" para determinar o tipo de servidor de correo entrante e indique os nomes dos servidores entrante e saínte. Este dato tamén pode atopalo na carta de resposta á solicitude de alta ou na páxina de axuda do servizo:

http://www.usc.es/atic/correo

Escriba o nome da súa conta e o contrasinal, subministrados pola Área TIC, nos campos "Nombre de cuenta" e "Contraseña" respectivamente. Pulse en "Siguiente":

Remateremos o proceso premendo no botón "Finalizar":

Opcións do programa recomendadas:

• Activación de conexión segura
  
  

  Unha vez configurada a conta de correo do dominio usc.es, suxerimos activar a opción "El servidor requiere una conexión segura SSL". Detallamos a continuación o procedemento:

  Abra o Outlook Express e seleccione "Herramientas" - "Cuentas".

  Seleccione a conta de correo "pop.usc.es" e prema en "Propiedades":

  

  Prema na pestana de "Opciones avanzadas" e marque a casiña "El servidor requiere una conexión segura SSL":

  

  Finalmente prema en "Aceptar"

  
  
• Enviar e recibir mensaxes ao inicio - Comprobar mensaxes novas cada X minutos
  
  

  Para poder acceder a estas opcións do programa ten que ir a "Herramientas" - "Opciones" - "General". A continuación indicámoslle o procedemento para activalas e a súa utilidade:

  "Enviar y recibir mensajes al inicio" : Ao iniciar o programa fai que automáticamente se envíen e reciban as mensaxes.

  "Comprobar mensajes nuevos cada X minutos": Ao activar esta opción o Outlook Express comprobará cada X minutos se ten mensaxes novas. Si non activa esta opción deberá facer a comprobación manualmente premendo no botón "Enviar y recibir".

  Dende a Área TIC recoméndase que o o intervalo de descarga automática de mensaxes sexa de 15 minutos. En cal quera caso nunca debe ser inferior a 5 minutos.

  

Comentarios ou suxestións a cau@usc.es