Por fin a USC empeza a incentivar o uso do galego na docencia con medidas de fomento directo. Ademais de formación e de asesoramento, contamos coa transversalidade de ferramentas como a avaliación docente ou os plans estratéxicos dos departamentos.

Cómpre seguir implementando o Plan de Normalización Lingüística de xeito integral, para que todas as medidas formativas, de sensibilización e de fomento de uso do galego que abrangue se leven adiante de xeito complementario e globalizador.