O Senado aprobou unha moción pola cal galego, catalán e eusquera poderán ofrecerse como materias optativas na ESO e nos estudios universitarios de todo o Estado. Disque coñecer é imprescindible para amar; oxalá a realidade plurilingüística en que vivimos sexa apreciada.

Pola contra, os estudiantes do Bierzo seguen atopando problemas para aprender unha lingua que lles é propia, o galego, mesmo cando hai un acordo de cooperación para o seu ensino asinado polos conselleiros de Educación da Junta de Castilla-León e da Xunta de Galicia.