O Estatuto de Autonomía de 1981 consagra o galego como lingua propia de Galicia, a súa oficialidade e o deber dos poderes públicos de potenciaren o seu emprego e de dispoñeren os medios necesarios para facilitar o seu coñecemento.

Os estudos sociolingüísticos (tamén o MSG-04), sinalan que se seguen perdendo galegofalantes, tanto monolingües como bilingües, cando menos ata 2004, malia que o coñecemento do galego é xeneralizado e elevado. O problema, evidentemente, non é ese.