Prácticas en Empresas

Para referenciar esta páxina, utilice: http://www.usc.es/etse/practicasempresas

O programa de prácticas en empresas/institucións é un complemento formativo para os estudantes que lles permite poñer en práctica os coñecementos e destrezas adquiridos na titulación e ter unha primeira experiencia profesional que os prepare para o futuro laboral.
Este programa diríxese a todos os alumnos que teñan superados, no momento de inicialas, o 50% dos créditos da súa titulación e se ampara nun convenio de cooperación educativa, polo que non hai vinculación laboral coa empresa onde se realizan as prácticas.

As prácticas en empresa son un medio de adquirir coñecementos, experiencia laboral e obter créditos optativos (GrEI) ou de libre elección (EQ). Para EQ, por cada 30 horas de prácticas, se obtén 1 crédito de libre elección. Para GrEI e GrEQ, por cada 25 horas de prácticas, se obtén 1 ECTS optativo ou obrigatorio, respectivamente.

» Información para estudantes              » Información para empresas

Presentación do programa de prácticas

(7 de febreiro ás 12 horas no Salón de Actos da ETSE)
Ao final do primeiro cuadrimestre ou inicio do segundo, e antes do remate do prazo de solicitude, organizarase unha sesión informativa para presentar en cada titulación o programa e resolver as dúbidas que poida haber. A difusión destas sesións se realizará mediante a web, as pantallas informativas e os taboleiros.
Presentación 2012/13 (09/02/2013)

Xestión do programa de prácticas en empresas da ETSE

Normativa de prácticas externas en empresas e institucións USC

Titulacións non adaptadas ao EEES:
A xestión administrativa do programa está en xeral a cargo do Consello Social da USC mentres que a parte académica (oferta de prácticas, selección de estudantes e titorización dos mesmos) é responsabilidade da ETSE.
Poden inscribirse no programa do Consello Social os estudantes de EQ.
Información prácticas en empresas xestionadas polo Consello Social

Titulacións adaptadas ao EEES:
MATRÍCULA DA MATERIA PRÁCTICAS EXTERNAS
Para a titulación de Grao en Enxeñaría Química, dado que é unha materia obrigatoria, hai que matricularse no período ordinario ou no período de modificación/ampliación de matrícula do segundo cuadrimestre. Para a titulación de Grao en Enxeñaría Informática, dado que é unha materia optativa, pode matricularse no período ordinario, no período de modificación/ampliación do segundo cuadrimestre ou no momento en que se resolvan as convocatorias e se asignen as prazas.
A xestión (administrativa e académica) do programa está a cargo da ETSE, que realizará un mínimo de 2 convocatorias para realización de prácticas: durante o curso (prácticas a tempo parcial) e no verán.

Responsables de prácticas en empresas

O programa de prácticas en empresas conta para cada titulación cun coordinador que se encarga de dinamizar a oferta, supervisar a selección e velar polo bo funcionamento do mesmo. Os coordinadores están asistidos por un equipo de titores que actúan como interlocutores máis directos coas empresas e asisten aos estudantes no que sexa preciso durante a realización das prácticas.
Oficina de prácticas en empresas: Dna. Iria García Becerra
Correo-e: etse.empresas@usc.es
Teléfono: 8818 16781
Responsable xeral do programa: Prof. D. Francisco Omil Prieto
Correo-e: etse.subdireccion@usc.es
Teléfono: 8818 16733
Coordinador Enxeñaría Informática: Prof. D. Eduardo Sánchez Vila
Correo-e: eduardo.sanchez.vila@usc.es
Teléfono: 8818 13572
Coordinador Enxeñaría Química: Prof. D. José Luis Campos Gómez
Correo-e: joseluis.campos@usc.es
Teléfono: 8818 16777