Grao en Lingua e Literatura Inglesas
O Grao en Lingua e Literatura Inglesas ten por obxecto formar profesionais que posúan unha óptima competencia en lingua inglesa, así como un coñecemento especializado da lingua, historia, cultura e literatura dos países de fala inglesa.
O núcleo da titulación está constituído polo Maior en Lingua e Literatura Inglesas, que está formado por 20 materias de 6 créditos agrupadas nos seguintes módulos:
Por outra parte, o Módulo de Formación Básica, ademais de homoxeneizar o nivel inicial de lingua inglesa e de proporcionar unha formación básica nunha segunda e nunha terceira lingua, está concibido para proporcionar os coñecementos e as ferramentas metodolóxicas necesarios para abordar, en xeral, o estudo das linguas e das literaturas.
Finalmente, a través dos Módulos Complementario e Optativo os estudantes poderán adquirir unha formación de nivel básico ou medio nunha segunda e mesmo nunha terceira lingua e a súa literatura, en Lingüística Xeral, en Teoría da Literatura ou en Filoloxía Románica, ou ben combinar a formación inicial nunha destas disciplinas coa profundización nos contidos estudados no Maior.
Ver memoria completa
Estrutura do Grao
PRIMEIRO CURSO
Para cursar as materias Lingua B1 e B2 e Lingua C1 e C2 o estudante pode elixir unha das seguintes opcións: Lingua alemá 1 e Lingua alemá 2, Lingua española 1 e Lingua española 2, Lingua francesa 1 e Lingua francesa 2, Lingua galega 1 e Lingua galega 2, Lingua grega 1 e Lingua grega 2, Lingua italiana 1 e Lingua italiana 2, Lingua latina 1 e Lingua latina 2, e Lingua portuguesa 1 e Lingua portuguesa 2. As opcións elixidas como Lingua B2 e C2 deben ser continuación das cursadas como Lingua B1 e C1, respectivamente. Por outra banda, téñase en conta que, como máximo, só unha das dúas pode pertencer ao grupo das linguas modernas (alemán, francés, italiano, portugués).
SEGUNDO CURSO
TERCEIRO CURSO
CUARTO CURSO
Modalidades para cursar os Módulos Complementario e Optativo
O Grao en Lingua e Literatura Inglesas permite configurar os estudos segundo tres modalidades diferentes:
a. Modalidade Maior / Minor
Esta modalidade é recomendable para aqueles estudantes que desexen combinar a formación avanzada en Lingua e Literatura Inglesas que proporciona o Maior (120 créditos) co estudo dunha segunda disciplina, que dará lugar a unha mención Minor (48 créditos) no Suplemento Europeo ao Título. Esta é a relación dos Minor que se ofrecen para o Grao en Lingua e Literatura Inglesas. Clicando sobre cada un deles pódense ver as materias que os forman:
b. Modalidade Maior Plus
Especialmente indicada para aqueles estudantes que desexen afondar máis nos estudos de Lingua e Literatura Inglesas, esta modalidade pódese cursar complementando o Maior (120 ECTS) cun Módulo Optativo de especialización en Lingua e Literatura Inglesas (24 ECTS). Para completalo os estudantes deberán elixir catro das seguintes materias:
- Introdución ao inglés para fins académicos (3º curso, 1º semestre) (6 ECTS)
- Literatura inglesa e outras expresións artísticas (3º curso, 1º semestre) (6 ECTS)
- Cultura e tradición nas Illas Británicas (3º curso, 1º semestre) (6 ECTS)
- Introdución á metodoloxía de ensino do inglés (3º curso, 2º semestre) (6 ECTS)
- Variedades do inglés (3º curso, 2º semestre) (6 ECTS)
- Cultura e tradición en USA e Commonwealth (3º curso, 2º semestre) (6 ECTS)
- Sociolingüística inglesa (4º curso, 1º semestre) (6 ECTS)
- Tradución especializada (inglés) (4º curso, 1º semestre) (6 ECTS)
- Narrativa breve inglesa e norteamericana (4º curso, 1º semestre) (6 ECTS)
- Análise de textos do inglés antigo e medio (4º curso, 2º semestre) (6 ECTS)
- Romanticismo inglés e norteamericano (4º curso, 2º semestre) (6 ECTS)
- Teatro inglés (4º curso, 2º semestre) (6 ECTS)
Ademais, terán que cursar un dos seguintes Módulos Complementarios (24 ECTS). Clicando sobre cada un deles pódense ver as materias que os forman:
c. Modalidade Mixta
A través desta modalidade, os estudos realizados no Maior en Lingua e Literatura Inglesas (120 ECTS) pódense combinar co estudo de dous dos Módulos Complementarios (24 ECTS) mencionados na opción anterior, ou ben cun destes Módulos Complementarios e un dos seguintes Módulos Optativos:
|
