PRESENTACIÓN
O Congreso Galego de Investigación en Ciencias da Educación
(COGALICE) nace das inquedanzas, desexos, motivacións e intereses
dun grupo de alumnos de Terceiro Ciclo da Facultade de Ciencias da
Educación da Universidade de Santiago de Compostela.
A través deste evento quérese crear un espazo de formación e
participación do alumnado de Posgrao e dos últimos anos das
diferentes titulacións de Educación. O propósito é construír un
espazo aberto para a promoción, intercambio e discusión de
experiencias e investigacións desenvolvidas nas diferentes áreas de
coñecemento do ámbito educativo.
Convidámosvos a sumarvos a esta iniciativa coas vosas achegas e
traballos, dando cabida ao conxunto dos distintos campos de
coñecemento e investigación das Ciencias da Educación. O COGALICE
queda, polo tanto, aberto a calquera temática obxecto de estudo da
nosa realidade socioeducativa, procurando así nutrir o encontro e
enriquecer o acervo investigador e institucional das Ciencias da
Educación.
