Departamento de Filoloxía Galega

Benvidos ao Departamento de Filoloxía Galega

O Departamento de Filoloxía Galega está constituído polas áreas de coñecemento de Filoloxías Galega e Portuguesa, Filoloxía Románica e Filoloxía Catalá. Na actualidade, estas tres áreas teñen a responsabilidade da docencia de tres titulacións na Facultade de Filoloxía: Filoloxía Galega, Filoloxía Portuguesa e Filoloxía Románica.

O profesorado da Área de Filoloxías Galega e Portuguesa imparte docencia na Facultade de Filoloxía, onde ten a súa sede, e tamén na Facultade de Humanidades e na Escola Universitaria de Formación do Profesorado de EXB, no campus de Lugo, e mais na Facultade de Ciencias da Información e da Comunicación e na Escola Universitaria de Formación de Profesorado de EXB, no campus de Santiago.