Inicio >> Área de Filoloxía Románica >> Titulacións >> Materias >> Enlaces

Inglés. Responsable: Brian Imhoff(Texas A&M Univ.). Consiste nun catálogo bibliográfico da producción científica sobre Lingüística Románica. Pódense descargar ó ordenador en formato PDF os catálogos de cada ano, que recollen as referencias bibliográficas, agrupadas por lingua. A páxina web ofrece recursos adicionais: nome dos editores, historia do proxecto, enlaces a páxinas web de lingüística.

Inglés. Responsable: SIL. Base de datos que recolle información sobre máis de 6500 linguas do mundo; practicamente dase unha breve  ficha: número de falantes, situación xeográfica e comentario. O sistema de busca é sinxelo e manexable. O sitio web compleméntase cos apartados "Publicacións" (para compra ou para consultar online), "Software" (inclúe fontes de letra) e "Bibliografía". Conta tamén cunha versión especial da páxina que facilita a impresión do documento. Imprescindible.

Inglés (hai artigos que poden estar noutro idioma). Xornal dixital especializado en noticias relacionadas coas linguas minoritarias europeas.

Catalán, inglés e francés (a páxina); a información específica sobre cada lingua pode non estar nos tres idiomas. Responsable: UE (DGXII). Ofrécese unha completa descrición da situación sociolingüística de 38 linguas faladas no territorio lingüístico europeo; acompáñase a información sobre cada lingua con algún enlace específico e comentado sobre ela. Pódese acceder tamén a unha serie de páxinas relacionadas coas linguas europeas minoritarias; os enlaces, comentados, non son moitos, pero si de óptima calidade. Imprescindible.

Francés. Responsable: Jacques Leclerc (Univ. Labal, Quebec). Esta páxina informa da situación sociolingüística das linguas de 240 estados ou territorios autónomos. A busca pódese facer por continente, lingua, por tipo de política lingüística (fai 9 categorías) ou por país. As referencias que se fan sobre cada lingua son completísimas: situación demográfica, marco legal, historia da lingua, uso da lingua (na administración, nos medios, na escola,...). Por se fose pouco, a páxina complétase con artigos monográficos (a francofonía, historia do francés ou inglés,...). Imprescindible.

Inglés (maioritario). Páxina que contén enlaces comentados a moito material sobre distintos aspectos da realidade sociolingüística europea. Organizado en cinco grandes categorías: As linguas na UE (textos, ensaios,...); A Política Lingüística da UE; Políticas Lingüísticas dos países; Investigación en lingua (e política lingüística); os EEUU monolingües. Os recursos están en varias linguas, cun claro predominio do inglés.

Inglés, galés ou francés (certos apartados poden estar tamén noutras linguas). Responsables: Mercator, Prifysgol Cymru/University of Wales. Información sobre a presencia nos medios de comunicación das linguas minoritarias da Unión Europea. Pódese ir consultando a información lingua a lingua (hai unhas 24 variedades, ofrécese tamén unha pequena descrición sociolingüística) e tamén acceder a unha base de datos de medios de comunicación. Infórmase tamén sobre as investigacións deste grupo de traballo. Presentación algo confusa.

Inglés ou francés. Responsable: UE. (EBLUL/BELMR). Coas súas propias palabras, este organismo europeo é "a voz dos 40 millóns de cidadáns europeos que falan unha lingua diferente á oficial do seu estado". Pódense consultar datos sobre a política lingüística da UE, acceder a información específica sobre cada lingua, saber dos proxectos de incorporación de novas tecnoloxías a estas linguas,... Un buscador axiliza o manexo de información.

Inglés. Aínda que tamén se fala de escolas, traballos e anuncios comerciais, o apartado que máis nos interesa é "Languages", organizado en 11 subcategorías: relación por lingua, coleccións de enlaces, conferencias, diccionarios, traducción, cursos de lingua, lingüística,... De cada lingua ofrécese un elenco de enlaces comentados. Imprescindible.

Aragonés ou castelán. Páxina dunha asociación universitaria destinada á defensa do aragonés. Infórmase sobre as súas actividades, dase unha selección de enlaces e ofrécese a posibilidade de descargar o seu fanzine bimensual "O Lupo", sobre a lingua aragonesa.

Aragonés. Ademais dunha interesante descrición lingüística e histórica do aragonés, pódense consultar convocatorias de concursos literarios, documentos sobre a situación legal da lingua, información sobre publicacións ou acceder á revista Fuellas (en formato PDF).

Aragonés e castelán. Por un lado, ofrécese información institucional sobre o organismo: bibliotecas, publicacións,... Fálase tamén de bolsas, axudas á investigación e fanse enlaces a outros centros afíns. Dedícase tamén un apartado importante á descrición dos progresos e resultados do proxecto "Tresoro d'a Luenga Aragonesa", coordinado por Francho Nagore.

Asturiano. Páxina web institucional deste organismo, que ofrece información de contacto, datos sobre cursos e outras actividades e as últimas publicacións.

Asturiano. Responsable: Asturia Activa. Xornal electrónico escrito integramente en asturiano que, ademais da sección de actualidade, conta con apartados como Guia d'Ociu ou Mundu Astur. A sección Llingua é particularmente interesante, con información sobre actividades relacionadas coa lingua ou os Bilordios Filolóxicos, a cargo do Prof. Ramón d'Andrés. De destacar o enlace ó buscador asturiano Ulos.

Asturiano. Responsable: Carlos González Espina. A parte máis importante da páxina consiste nun diccionario biográfico dos autores máis importantes da literatura asturiana (con especial atención á actualidade). Acompáñase dunha breve antoloxía de textos, de referencias bibliográficas xerais sobre a literatura asturiana ou dunha "Revista Virtual de Creación Literaria".

Asturiano. Utilísimo punto de partida para coñecer mellor a lingua asturiana. Estructurado en catro categorías: Curso de lingua asturiana; O asturiano na rede; Dominio lingüístico e Fueya viva (enlace ó diario Asturies.com, reseñado máis arriba). Acolle no seu servidor o interesantísimo proxecto Archivu Oral de la Llingua Asturiana, unha recolla de gravacións en formato MP3 cunha introducción, ficha técnica, descrición de fenómenos significativos e, por veces, transcrición.

Catalán, castelán ou ingles. Responsable: Univ. de Barcelona. Creada para facilitar a inmersión lingüística dos estudiantes de intercambio nesta universidade, esta páxina é unha utilísima selección de enlaces comentados a páxinas web catalanas e cursos de lingua. Estructurada en oito categorías: cursos de iniciación, diccionarios, buscadores, recursos sobre o catalán, cursos de nivel medio e avanzado, bibliotecas, medios de comunicación, entretemento. Perfecto punto de partida.

Catalán (o texto de determinadas seccións pode consultarse noutras linguas: castelán, inglés,...). Responsables: Univ. de Alicante e Institut Joan Lluís Vives. Nace como unha biblioteca da cultura catalana, en paralelo ó proxecto da Bibl. Virtual Miguel de Cervantes (isto é, recollendo non só obras literarias, senón tamén ensaios científicos, teses de doutoramento, obras de áreas culturais próximas,...). As obras pódense buscar por autor, título ou tema. Hai seccións adicionais (Videoteca, Biblioteca de Autor,...) en proxecto, pero aínda non levadas a cabo.

Inglés. Responsable: Brian Imhoff (Texas A&M Univ.). Consiste nun catálogo bibliográfico da producción científica sobre Lingüística Románica. Pódense descargar ó ordenador en formato PDF os catálogos de cada ano, que recollen as referencias bibliográficas, agrupadas por lingua. A páxina web ofrece recursos adicionais: nome dos editores, historia do proxecto, enlaces a páxinas web de lingüística.

Catalán. Responsable: Gran Enciclopedia Catalana. Versión online do Gran Diccionari desta editorial. O manexo é moi sinxelo: introdúcese a palabra que se quere buscar (se a forma non é a exacta, o programa ofrece distintas opcións para que o usuario revise a grafía) e obtense unha entrada que recolle a etimoloxía, unha sinxela definición e un exemplo de uso.

Catalán. Impresionante portal deste Instituto. Dividido en 10 categorías: A Institución, Fundacións, Lingua Catalana, Investigación, Sociedades Filiais, Axenda, Novidades, Publicacións, IEC e Sociedade (consultas lingüísticas, onomástica,...) e Enlaces (a outras institucións relacionadas directa ou indirectamente co catalán). A cantidade de información que se ofrece é excepcional, e debería servir de exemplo a moitas institucións. Imprescindible.

Catalán, español ou ingles (selecciónase movendo o rato ó redor do boneco da presentación). Responsable: Generalitat de Catalunya. Pensado para axudar á integración de estudiantes universitarios alófonos no ámbito lingüístico catalán. Consta de nove categorías: ¿Que é Intercat?, Curso de iniciación ó catalán, Guía de conversa no ámbito universitario, Práctica do catalán oral, Guía de acollida cultural para o estudiante estranxeiro, Repaso á situación sociolingüística do catalán, Voluntariado (actividades de Tandem para aprendizaxe da lingua con outros estudiantes), Testemuños de estudiantes que aprenderon catalán, Cuestionario (opinión sobre a páxina).

Catalán, español ou inglés. Responsable: Universitat Oberta de Catalunya. Impresionante portal sobre literatura catalana e en catalán. Múltiples categorías: Autores; Obras; Períodos e Movementos; Xéneros; Edicións; Revistas; Premios e Galardóns; Temática; Varia (congresos e simposios, enlaces a outras páxinas sobre lingua e literatura catalana, asociacións de escritores,...). A cantidade de información sobre cada autor é abraiante, incluíndo unha biografía (ou autobiografía), lista das súas obras nas bibliotecas públicas catalanas, posibilidade de comprar libros, producción inédita, consultar artigos científicos escritos polo ou sobre o autor,... Imprescindible.

Catalán. Como o seu nome indica, é un directorio de recursos en Internet relacionados co catalán. Organizado en 3 categorías: Lingua (dentro dela, as seguintes subdivisións: cursos, gramática, diccionarios xerais e temáticos, terminoloxía, sociolingüística e outras linguas), Entidades (institucións, servicios lingüísticos, solucións de dúbidas, entes relacionados coa lingua, outros entes), Internet en catalán (campañas, xogos e pasatempos, revistas, portais, buscadores, informática). Os enlaces están brevemente comentados e puntuados do 1 ó 5 segundo a súa calidade. Moi bo punto de partida para introducirse no catalán.

Italiano. Responsable: Univ. Federico II de Nápoles. Completa páxina web, que non só presenta os textos (organizados por autor, por título ou por incipit) acompañados de breves referencias bibliográficas, senón que ofrece tamén unha bibliografía xeral, un taboleiro de anuncio de actividades, enlaces a outras páxinas,...

Catalán, español, francés e inglés. Completa páxina web desta institución. Os recursos disponibles online son moitos e de interese: Neoloteca (neoloxismos técnicos e científicos normalizados en catalán, coa definición e a equivalencia noutras linguas; pódese usar un buscador, unha clasificación temática, por lingua,...), Vocabularios específicos de diversos ámbitos (novas tecnoloxías, comunicación,...). A súa colección de enlaces a outras páxinas relacionadas coa terminoloxía é completa, aínda que os enlaces non están comentados. Moi recomendable.

Varios idiomas (incluído o galego), aínda que non todos os contidos están traducidos a todos os idiomas. Responsable: Institut d'Etudes Britto-Romanes. Completísima páxina para se achegar a esta lingua. Ten un vocabulario, bibliografía, gramática, toponimia, literatura, documentos (linguaxes sectoriais, fonética histórica,...) e enlaces a outras asociacións de promoción da lingua. Exemplo para as páxinas web que se ocupan de linguas minorizadas.

Francés. Sociedade fundada en Liège en 1856 que edita dúas revistas e varias coleccións de libros sobre o valón e outras linguas rexionais belgas e que realiza funcións de Academia. Na súa páxina web pódese consultar o currículo dos seus membros, o catálogo de publicacións, algúns artigos e unha listaxe de enlaces a páxinas sobre variedades da valonia.

Italiano. Responsable: Luciano Simonelli. Completa páxina orientada en dúas liñas: por unha banda, a problemática lingua-dialecto en Italia; pola outra, na producción dialectal: diccionario dos dialectos de Italia, adiviñas, literatura en dialecto (a popular e a de autores máis consagrados, como D'Annunzio). Achéganse ademais estudios monográficos sobre dialectos específicos ou propostas máis arriscadas: textos con misturas dialectais, recordos de tempos pasados,... Moi recomendable para introducirse no tema.

Italiano. Ofrécese un curso de milanés, pero tamén distintos recursos relacionados coa cultura lombarda: cancións, fotos antigas, proverbios,...

Piamontés. Responsable: Gioventura Piemonteisa. Introducción a distintos aspectos da cultura piamontesa e información sobre as actividades da asociación. Faise unha descrición do dialecto piamontés ou da literatura. Tamén se tratan aspectos musicais, ou noticias de actividades culturais.

Inglés. Sinxela páxina sobre a variedade véneta falada na Istria. Dase unha breve panorámica da historia externa do istrovéneto e do piranés, que se completan cunha antoloxía de contos populares nesas linguas. Fai parte do portal Istrianet.org, onde se pode ampliar información sobre esta rexión europea.

Piamontés. Responsable: La Lòsna. Revista dixital desta asociación cultural que trata distintos aspectos: grafía do piamontés, publicacións, informacións sobre a lingua,... Complétase con enlaces a outras páxinas piamontesas ou que tratan a situación lingüística da República Italiana.

Italiano. Responsable: Umberto de Fabio. Como tantas outras páxinas, máis que falar unicamente do dialecto, tenta recrear un "mundo  tradicional perdido" a base de fotos antigas, guías turísticas,... Os recursos máis relacionados coa lingua que ofrece esta páxina son: Napulitanamente (gramática da lingua), vocabularios, recolla de refráns tradicionais, antoloxía literaria,...

Véneto, italiano ou inglés. Responsables: R. Astuni e M. Brunelli. Información sobre a lingua e a cultura vénetas. Dividida nas seguintes categorías: Escribir en véneto, Textos, Cancións, Amigos de Sitoveneto, Recetas vénetas, Proverbios vénetos, Programas en véneto, Enlaces. Actualízase frecuentemente e ofrece información sobre actividades culturais en dialecto no Véneto.

Véneto. A principal utilidade desta páxina é a escolma que ofrece de literatura en dialecto véneto, moi completa e que abrangue dos primeiros textos no Duecento ata a producción poética actual; tamén hai relatos populares, adiviñas, biografías dos autores,... Outras seccións da páxina son "Sistema gráfico" e "Enlaces".

Mirandés e Portugués. Responsable: Escola EB2 de Miranda do Douro. Aproximación a distintos aspectos da lingua e cultura mirandesas: orixe e evolución histórica, literatura popular,... Conta tamén con enlaces a páxinas en mirandés.

Italiano. Responsable: Massimiliano De Conca. Preséntase como un catálogo bibliográfico da producción científica sobre occitano nas súas distintas vertentes (literaria e lingüística). Anúnciase a próxima aparición de dous apartados adicionais, un dedicado a recoller estudios orixinais sobre occitanística e outro que consistirá nunha base de datos, Concordance de l'Occitan Médiéval (COM).

Inglés. Responsable: Brian Imhoff (Texas A&M Univ.). Consiste nun catálogo bibliográfico da producción científica sobre Lingüística Románica. Pódense descargar ó ordenador en formato PDF os catálogos de cada ano, que recollen as referencias bibliográficas, agrupadas por lingua. A páxina web ofrece recursos adicionais: nome dos editores, historia do proxecto, enlaces a páxinas web de lingüística.

Occitano, francés ou inglés. Completa páxina sobre lingüística e sociolingüística do occitano. Combina artigos de divulgación relacionados coa sociolingüística con artigos máis técnicos de lingüística descritiva. Ofrece tamén enlaces a outras páxinas web occitanas. Última actualización, maio de 2001.

Francés. Responsable: Comité Culturel Occitan.  Web que recolle enlaces  a páxinas particulares ou institucionais que traten aspectos da realidade cultural occitana. O sistema de busca é moi completo e permite discriminar por tipo de asociación, rexión, actividades que desenvolve,... De cada páxina ofrécese unha ficha coa descrición do contido, direccións de contacto, páxina web,...

Italiano e Francés. Responsable: Costanzo di Girolamo (Univ. Federico II de Nápoles). Dividida en cinco seccións (Trobadores. Poesía Epistolar. Poesía Narrativa. Poesía Relixiosa. Prosa Relixiosa), é unha utilísima e completa ferramenta para a consulta de textos occitanos. De sinxela estructura, non se limita a unha reproducción da mellor edición do texto, senón que se ofrece tamén unha selección de bibliografía, análise métrica ou apartado de notas.  Pódeselle reprochar a falta dun motor de búsqueda que axilice a consulta de tanta información. Imprescindible.

Sardo (algúns contidos en italiano ou inglés). Responsables: Univ. Libre de Berlín / Univ. de Colonia. Esta páxina web ofrece distintos recursos para aproximarse ó estudio do sardo. Aínda que tamén hai artigos sobre a grafía ou a situación das minorías lingüísticas en Italia, interesan especialmente a antoloxía de textos sardos (orixinais ou traducción), a versión experimental do diccionario da lingua sarda ou os datos de historia externa e dialectoloxía.

Sardo. Responsable: Nanni Falconi. Interesante páxina que se achega a distintos aspectos da lingua sarda. Está dividida en  5 seccións: Grafía (que recolle boa parte das propostas e un estado da cuestión sobre a polémica ortográfica), Lingüística, Literatura, Gramática e Curiosidades. Hai bastante material, aínda que un pouco disperso.

Friulano. Responsables: Indrì Pironio e Ricart Urban. Completísima páxina web desta revista. Estructurada en varias seccións: Lexislación; Libros, música e cine; Lingua, Varios. O material co que conta o sitio é moi numeroso e de gran calidade. Destacamos: diccionario italiano-friulano (25000 palabras), diccionario multilingüe (3600 palabras, entre os idiomas inclúe o español), ...Un buscador permite recuperar contidos por palabra clave e hai tamén a posibilidade de subscribirse para recibir as novidades. Imprescindible.