Cátedra de Cultura Cubana "Alejo Carpentier"

Información

Directora: Profa. Dra. Dna. Ana Gloria Chouciño Fernández

Enderezo

Facultade de Humanidades
Campus de Lugo, C.P. 27002
Correo electrónico: anagloria.choucino@usc.es

Descrición

A Cátedra de Cultura Cubana Alejo Carpentier da Universidade de Santiago de Compostela, actualmente integrada no Vicerreitorado de Estudantes e Comunidade Universitaria, e anteriormente nos de Relacións Institucionais, Cultura e Investigación, fundóuse no ano 1994 en virtude dun acordo bilateral da mesma coa Universidade da Habana (Cuba) e a súa Facultade de Artes e Letras. O convenio bilateral foi renovado sucesivamente nos anos 2000 e 2007. A Cátedra mantén contactos con outras institucións culturais e académicas de Cuba por medio da Universidade da Habana: o ISA (Universidade das Artes) a Fundación Alejo Carpentier, a Cátedra Alejo Carpentier, o Instituto de Literatura e Lingüística José A. Portuondo, o ICAIC (Instituto Cubano de las Artes e Industria Cinematográfica), a Biblioteca Nacional José Martí, entre outras. 

Con sede provisional na Facultade de Dereito, foi trasladada á Facultade de Humanidades (Campus de Lugo) en Maio de 2011 por orde reitoral.

A principal finalidade da Cátedra é promover e difundir a cultura cubana máis xenuina nos campos das Humanidades e as Ciencias Sociais.

Patrocina:

Grupo Santander