Máster Universitario en Medio Ambiente e Recursos Naturais - P1111V01 - 2013/2014

Denominación do título: Máster Universitario en Medio Ambiente e Recursos Naturais

Rama de coñecemento: Ciencias

Centro onde se imparte:
Facultade de Bioloxía
Rúa Lope Gómez de Marzoa, s/n. Campus sur.
15782
Santiago de Compostela

Data da autorización de implantación do título pola Xunta de Galicia: 434/2009 do 3 de decembro (DOG 15/12/2009)

Data de publicación no BOE: 24/08/2010

Data da última acreditación: 12/03/2010

Responsable do título:

Coordinador do título: CALVO DE ANTA, ROSA MARIA

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Memoria da titulación

Obxectivos

1.- Formar investigadores, docentes e profesionais que coñezan os métodos de estudo e caracterización dos sistemas e recursos naturais, con especial atención aos medios edáficos, hídricos e bióticos e as súas interacións en medios terrestres e litorais influenciados ou non polas actividades humanas.
2.- Identificar e dar a coñecer os diferentes tipos de impactos ambientais e os seus efectos, determinando a sensibilidade á degradación natural ou antrópica de solos e augas, así como as pérdidas de biodiversidade e o deterioro dos hábitats asociados.
3.- Establecer métodos obxectivos e precisos de identificación de impactos ambientales con especial énfase nos bioindicadores, procesos ecotoxicológicos e a súa evolución no tempo.
4.- Profundizar no coñecemento dos factores de formación, compoñentes, propiedades, xénese, clasificación, cartografía e usos adecuados dos suelos, así como dos seus procesos de contaminación ou degradación física y as alternativas de recuperación.
Dentro destes obxectivos plantearase como prioritaria a adquisición por parte dos estudantes dunha formación avanzada, de carácter especializado e multidisciplinar, orientada á especialización académica e a promover a iniciación en tarefas investigadoras e actividades profesionais en temáticas ambientais e cun enfoque multidisciplinar.

Competencias xerais

COMPETENCIAS XERAIS:
1. Identificar e dar a coñecer os diferentes tipos de impactos ambientais e os seus efectos, determinando a sensibilidade á degradación natural ou antrópica de chans e augas, así como as pérdidas de biodiversidade e a deterioración dos hábitats asociados.
2. Establecer métodos obxectivos precisos de identificación de impactos ambientais con especial énfase nos bioindicadores, procesos ecotoxicolóxicos e a súa evolución no tempo.
3. Profundizar no coñecemento dos factores de formación, compoñentes, propiedades, clasificación, cartografía e usos adecuados dos chans, así como dos procesos de contaminación ou degradación física e as alternativas de recuperación.
4. Estudar os principais métodos de recuperación dos sistemas naturais afectados polos procesos contaminantes e outros procesos de degradación.
5. Analizar os principais métodos de ordenación, planificación e xestión sostida dos recursos xeolóxicos, edáficos, hídricos e bióticos.

COMPETENCIAS ESPECÍFICAS:

- Adquisición por parte dos estudantes dunha formación avanzada, de carácter especializado e multidisciplinar, orientada á especialización académica e a promover a iniciación de tarefas investigadoras e actividades profesionais en temáticas ambientais e cun enfoque multidisciplinar.
- Os estudantes deberán saber aplicar os coñecementos adquiridos, solucionar problemas en contextos
novos ou pouco coñecidos dentro de contextos máis amplos relacionados coa súa área de estudo.
- Integrar coñecementos e enfrontarse á complexidade de formular xuízos a partir dunha información que, aínda incompleta ou limitada, inclúa reflexións sobre as responsabilidades sociais e éticas vinculadas á aplicación dos coñecementos e xuízos.
- Saber comunicar as súas conclusións, coñecementos e razóns últimas que as sustentan a públicos
especializados e non especializados dun modo claro e sen ambigüedades.
- Posuír as habilidades de aprendizaxe que lles permitan continuar estudar de forma autónoma, pero en continua conexión co avance do coñecemento da materia.
- Dispor dun coñecemento global dos principais problemas ambientais.
- Coñecer as bases científicas dos procedementos aplicados na Tecnoloxía Ambiental.
- Coñecer a lexislación ambiental a diferentes niveis espaciais e sectoriais.
- Coñecer os sistemas e ferramentas de xestión ambiental.
- Identificar, enunciar e diagnosticar problemas ambientais.
- Xestionar de forma eficiente os recursos e enerxía fomentando a sustentabilidade na súa xestión.
- Realizar estudos bibliográficos e sintetizar os resultados comparando e relacionando alternativas técnicas.
- Identificar tecnoloxías emerxentes.
- Organizar, planificar e dirixir servizos ambientais na empresa e na administración.
- Dispor de coñecementos e capacidades de raciocinio, flexibilidade e consenso.
- Coñecer e propor alternativas á situación ambiental de Galicia e ao uso sostible dos seus recursos naturais.

Saídas

Trátase, dun máster aberto e evolutivo, que foi adaptándose ás necesidades e posibilidades de estudar o Medio Ambiente e os Recursos Naturais e que foi xerme de importantes derivacións docentes e investigadoras, pero que conserva a súa esencia inicial, o interese pola ampliación dos coñecementos dos medios físicos e bióticos, con especial atención aos aspectos edáficos e ecolóxicos así como ás interacións entre eles e con outras áreas temáticas afíns.
Así mesmo, os aspectos ambientais propios da xeoquímica dos sistemas superficiais, a evolución paleoclimática, a prevención dos impactos, o desenvolvemento de novas técnicas de medida dos parámetros ambientais, os aspectos ecotoxicolóxicos, a xestión de residuos a través de solos, o secuestro de carbono en solos e biomasa, os procesos bioquímicos, a interacción do patrimonio monumental co medio ou a recuperación de solos, auga e biota afectados por procesos degradativos naturais ou por actuacións contaminantes permiten, entre outros aspectos, ampliar a panorámica tanto da docencia a diferentes niveis como a aplicación a problemas ambientais propios das nosas sociedades.
O Programa cobre un campo de coñecementos imprescindibles para a comprensión científica e as posibilidades de actuación tecnolóxica sobre o Medio Ambiente e os Recursos Naturais e desenvolve métodos de estudo e traballo, tanto a nivel de campo como de laboratorio, que son básicos nas Ciencias do Solo e a Ecoloxía, así como nos campos propios doutras áreas de coñecemento que teñen obxectivos próximos ou relacionados cos solos, auga e ecosistemas.
As liñas investigadoras son frutíferas e están ben subvencionadas non só polas institucións educativas senón cunha alta porcentaxe de participación empresarial.

Xustificación

O Programa deste máster cobre un campo de coñecementos imprescindíbeis para a comprensión científica e as posibilidades de actuación tecnolóxica sobre o Medio Ambiente e os Recursos Naturais e desenvolve métodos de estudo e traballo, tanto a nivel de campo como de laboratorio, que son básicos nas Ciencias do Solo e a Ecoloxía, así como nos campos propios doutras áreas de coñecemento que teñen obxectivos próximos ou relacionados cos solos, auga e ecosistemas.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 25

Demanda do ano anterior: null

Perfil de ingreso: Non se contempla

Criterios de acceso e admisión:

Modalidade: con límite de prazas e criterios xerais

Licenciatura ou Grao en Bioloxía ( 12 prazas) (48%)

Resto das titulacions 52% (13 prazas):
Licenciatura ou Grao en Química,
Licenciatura ou Grao en Ciencias Ambientais
Licenciatura ou Grao en Física
Licenciatura ou Grao en Xeografía
Licenciatura ou Grao en Farmacia
Enxeñaría Agrónoma
Enxeñaría Forestal
Enxeñaría Química
Licenciatura ou Grao en Ciencias do Mar
Licenciatura ou Grao Xeoloxía

Información actualizada en cada convocatoria de matrícula

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O Traballo fin de máster consta de 12 créditos e consiste nun proxecto de investigación dirixido.

Plan de Acción Titorial: Todos os estudantes contarán cun titor que pode ou non ser o seu director de proxecto. Así mesmo, os estudantes terán acceso á documentación relevante de cada unha das materias podendo contar co asesoramento e apoio por parte dos profesores nas correspondentes clases de tutorías e prácticas

Prácticas en empresas: Non se contemplan

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade