Máster Universitario en Neurociencia - P2012V01 - 2013/2014

Denominación do título: Máster Universitario en Neurociencia

Rama de coñecemento: Ciencias da Saúde

Centro onde se imparte:
Facultade de Bioloxía
Rúa Lope Gómez de Marzoa, s/n. Campus sur.
15782
Santiago de Compostela

Data da autorización de implantación do título pola Xunta de Galicia: Decreto 13/2007 de 1 de febreiro (DOG 8/02/2007)

Data de publicación no BOE: null

Data da última acreditación: 15/04/2011

Responsable do título:

Coordinador do título: RODICIO RODICIO, MARIA CELINA

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Catalán Galego

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Información adicional (memoria, publicación BOE, etc.)

Obxectivos

O Máster Universitario en Neurociencia garante a formación básica que todo profesional da neurociencia debe posuír, así como a especialización nos distintos campos nos que se realiza investigación nas tres universidades de Galicia. Consiste nun programa orientado á formación avanzada de investigadores, para que sexan capaces de dar resposta aos retos que plantexa o Espacio Europeo de Educación Superior no ámbito posgraduado e proporcionar as bases teóricas e experimentais necesarias para a realización da Tese de Doutoramento nos campos da Neurociencia.

Competencias xerais

COMPETENCIAS XERAIS:

1.- Coñezan os fundamentos da neurociencia e as materias da mesma obxecto do seu interese.
2.- Coñezan e saiban utilizar as técnicas experimentais dos campos da neurociencia obxecto do seu interese.
3.- Posúan un grao de especialización, o que significa o coñecemento de problemas, teorías e técnicas específicas, en polo menos un campo da neurociencia.
4.- Saiban ler e obter información relevante de publicacións científicas.
5.- Saiban aplicar os coñecementos adquiridos e a súa capacidade de resolución de problemas en contornas novas ou pouco coñecidas dentro de contextos máis amplos. (ou multidisciplinares) relacionados coa neurociencia.
6.- Sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuizos.
7.- Saiban traballar en grupos de carácter multidisciplinar.
8.- Posúan as habilidades de aprendizaxe que lles permitan continuar estudando dun modo que haberá de ser en gran medida autodirixido ou autónomo.

COMPETENCIAS ESPECÍFICAS:

Competencias específicas: Neurobioloxía celular e molecular
1.- Identificar e explicar a organización celular e funcional das principais estruturas do sistema nervioso central e periférico.
2.- Describir o proceso de desenvolvemento do sistema nervioso.
3.- Explicar o proceso de cambio adaptativo do sistema nervioso dentro do marco evolutivo.
4.- Explicar o funcionamento das neuronas desde o nivel molecular ao celular.
5.- Describir a relación entre as canles iónicas e o comportamento neuronal.
6.- Explicar os mecanismos de interacción de fármacos e toxinas co sistema nervioso.
7.- Explicar os principios de integración neuroendocrina como base para o control do comportamento.
8.- Deseñar e realizar experimentos coas técnicas electrofisiolóxicas, anatómicas e de bioloxía molecular máis utilizadas no estudo do sistema nervioso.
Competencias específicas: Neurociencia cognitiva (NC)
1.- Comprender as bases biolóxicas da cognición e das emocións con especial énfase en procesos de atención, aprendizaxe, memoria e control executivo, tendo en conta os cambios que se producen coa idade.
2.- Coñecer os principais métodos empregados pola neurociencia cognitiva actual, con especial acento nas técnicas psicofisiolóxicas, neuropsicolóxicas e de neuroimaxe.
3.- Familiarizarse coas posibles aplicacións da neurociencia cognitiva tanto para o estudo dos procesos normais como dalgunhas patoloxías.
4.- Integrar as bases conceptuais e metodolóxicas da psiquiatría na investigación básica e clínica das patoloxías psiquiátricas e das condutas adictivas.
5.- Alcanzar competencia específica no manexo da técnica dos potenciais evocados no estudo dos procesos psíquicos.

Saídas

SAÍDAS PROFESIONAIS:

No ámbito profesional, o posgrao en Neurociencias proporciona aos estudantes os coñecementos teóricos e técnicos necesarios para traballos en empresas e industrias relacionadas con este campo.
Aos profesionais da clínica permítelles a actualización do coñecemento das bases biolóxicas do funcionamento do sistema nervioso, así como dos trastornos neurolóxicos e mentais.
O máster caracterízase pola súa interdisciplinariedade, abarcando áreas de neurociencia básica, aplicada e clínica ofertando tamén formación en novas tecnologías como xenómica e bioinformática.
Ten perfís investigador e académico, xa que fundamentalmente está dirixido á formación de investigadores, dando acceso aos estudos de doutoramento en Neurociencia, pero constitúe unha especialidade por sí mesma.

Xustificación

O Master de Neurociencia no seu conxunto garante a formación básica que todo profesional da Neurociencia debe posuír, así como a especialización nos distintos campos nos que se realiza investigación nas tres Universidades de Galicia.
Por iso, o posgrao caracterízase pola súa interdisciplinariedade, abarcando áreas de neurociencia básica, aplicada e clínica ofertando tamén formación en novas tecnoloxías como xenómica e bioinformática. Neste sentido, o programa inclúe a un número importante de investigadores implicados nas áreas de Neurobioloxía Celular, Neuroquímica e Neurobioloxía Molecular, Neuroxenética, Neuroanatomía, Neurobioloxía do Desenvolvemento e o Envellecemento, Neurofisioloxía, Neuroendocrinoloxía, Neurobioloxía Comparada, Neurofamacoloxía, Psicobioloxía, Neurociencia Cognitiva, Neurobioloxía da Enfermidade, Neuropsiquiatría, Neurociencia Computacional e Técnicas Experimentais en Neurobioloxía.
Ten perfís investigador e académico, xa que fundamentalmente está dirixido á formación de investigadores, dando acceso aos estudos de doutoramento en Neurociencia, pero constitúe unha especialidade por si mesma. Así:
a.- No ámbito académico presenta os coñecementos actualizados e as técnicas experimentais
dos diferentes campos da Neurociencia, así como a capacidade de obter información de xeito
autónomo, procesala e transmitila.
b.- No ámbito investigador o máster en Neurociencia permite a iniciación á investigación.
c- No ámbito profesional o posgrao en Neurociencia proporciona aos alumnos os coñecementos teóricos e técnicos necesarios para traballos en empresas e industrias relacionados co ámbito da neurociencia. Aos profesionais da clínica permítelles a actualización do coñecemento das bases biolóxicas do funcionamento do sistema nervioso así como dos trastornos neurolóxicos e mentais.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 27

Demanda do ano anterior: null

Perfil de ingreso: Non se contempla

Criterios de acceso e admisión:

1.- Titulacións preferentes
a. Titulados en Bioloxía, Farmacia, Medicina, Psicoloxía e Veterinaria.
b. Titulados en Odontoloxía, Enfermaría, Fisioterapia, Logopedia, Podoloxía e Terapia Ocupacional.
c. Titulados en Biotecnoloxía, Física, Química, Matemáticas, Ciencias do Mar, Técnicas Estatísticas, Estatística, Nutrición Humana e Dietética, Óptica e Optometría.
2.- Titulacións non preferentes
Outras titulacións.

Consultar a información actualizada en cada convocatoria anual de matrícula.

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O Traballo de Fin de Máster (TFM) consta de 19 créditos e poderá consistir nun traballo empírico ou nun traballo teórico relacionado con calquera das liñas de investigación que se ofertan no Máster. Este traballo inclúe actividades tanto presenciais (asistencia a sesións de titorización individual, realización do traballo de investigación, presentación e defensa pública dos proxectos expostos) como non presenciais (revisión bibliográfica actualizada e completa en referencia a un tema, deseño da investigación, tratamento estatístico dos datos, interpretación e discusión de resultados, elaboración de conclusións, redacción do informe final, ensaios para a defensa oral do traballo). Dependendo do carácter de cada traballo, as horas asignadas a cada tipo de actividade poden variar lixeiramente.
O/a estudante deberá realizar e presentar un traballo de investigación que debe constar das seguintes partes: Introdución, obxectivos, materiais e métodos, resultados, discusión, conclusións e bibliografía.
O contido pode ser calquera temática do ámbito da neurociencia ofertada nas liñas de investigación
vinculadas a este Máster.

Plan de Acción Titorial: Os estudantes teñen titorias obrigatorias en todas as materias e titores para o Traballo Fin de Master, como se explica nas guías docentes correspondentes.
O desenvolvemento das materias se complementa con titorías individualizadas (presenciais e online) nas que os membros do equipo docente orientan e supervisan o traballo dos alumnos.
As titorías individualizadas están destinadas ao desenvolvemento de actividades presenciais de orientación, dinamización e seguimento do traballo dos/as estudantes: orientación para a realización de informes,
preparación de exposicións, procura e selección de material bibliográfico, e guía na resolución de problemas.

Prácticas en empresas: No se contemplan

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade