G3031324 - Xéneros Radiofónicos e Televisivos (Información xornalística e comunicación dixital) - Curso 2013/2014
Información
- Créditos ECTS
- Créditos ECTS: 6.00
- Total: 6.0
- Horas ECTS
- Clase Expositiva: 24.00
- Clase Interactiva Laboratorio: 24.00
- Horas de Titorías: 3.00
- Total: 51.0
Outros Datos
- Tipo: Materia Ordinaria Grao RD 1393/2007
- Departamentos: Ciencias da Comunicación
- Áreas: Comunicación Audiovisual e Publicidade
- Centro: Facultade de Ciencias da Comunicación
- Convocatoria: 1º Semestre de Titulacións de Grao/Máster
- Docencia e Matrícula: null
Profesores
| Nome | Coordinador |
|---|---|
| POUSA ESTEVEZ, JOSE RAMON. | NON |
| RODRIGUEZ VAZQUEZ, ANA ISABEL. | SI |
Horarios
| Nome | Tipo Grupo | Tipo Docencia | Horario Clase | Horario exames |
|---|---|---|---|---|
| Expositivo 1 | Ordinario | Clase Expositiva | SI | SI |
| Laboratorio 1 | Ordinario | Clase Interactiva Laboratorio | SI | SI |
| Laboratorio 2 | Ordinario | Clase Interactiva Laboratorio | SI | SI |
| Laboratorio 3 | Ordinario | Clase Interactiva Laboratorio | SI | SI |
| Laboratorio 4 | Ordinario | Clase Interactiva Laboratorio | SI | SI |
| Titorizado 1 | Ordinario | Horas de Titorías | NON | NON |
| Titorizado 2 | Ordinario | Horas de Titorías | NON | NON |
| Titorizado 3 | Ordinario | Horas de Titorías | NON | NON |
| Titorizado 4 | Ordinario | Horas de Titorías | NON | NON |
| Titorizado 5 | Ordinario | Horas de Titorías | NON | NON |
| Titorizado 6 | Ordinario | Horas de Titorías | NON | NON |
| Titorizado 7 | Ordinario | Horas de Titorías | NON | NON |
| Titorizado 8 | Ordinario | Horas de Titorías | NON | NON |
| Titorizado 9 | Ordinario | Horas de Titorías | NON | NON |
Programa
Existen programas da materia para os seguintes idiomas:
Obxectivos da materia
Estudo en profundidade dos xéneros radiofónicos e televisivos, tanto monologales como dialogales. Estrutura, características e tipoloxía. Técnicas de interrogación e control da dinámica de grupo. Técnicas de investigación e de documentación. Teoría da controversia e do intercambio de información. Técnicas de realización e de produción.
Xéneros Radiofónicos e Televisivos é unha materia incorporada como obrigatoria ó programa de estudos de 3º curso do Grao en Xornalismo, ten como obxectivo principal achegarlles ós alumnos as claves teórico-prácticas necesarias para a análise e o exercicio destes xéneros nos distintos produtos/formatos radiofónicos e televisivos. No caso da radio faise unha énfase especial naqueles xéneros de máis emprego na información diaria (reportaxe, entrevista…). No apartado do programa específico de televisión trabállase ó redor, fundamentalmente, dos xéneros dialogais en relación coas funcións básicas da tele.
Atendendo ó estipulado nos descritores da materia, nos que se dá a entender ésta como un estudo en profundidade dos xéneros radiofónicos e televisivos, definimos os obxectivos da materia. Pasan por:
• Saber analiza-los xéneros radiofónicos e televisivos como medios de comunicación e información que son pero tendo en conta que
forman parte dunha unidade de acción (programación).
• Aprender a aplica-las técnicas dos xéneros (redacción,
deseño, condución…) a través da elaboración dos distintos
tipos.
• Ser quen de integra-los xéneros na realidade radiofónica.
• Coñece-los fundamentos dos xéneros sen esquecer que son unha realidade viva que precisa unha revisión constante.
Contidos
Contidos teóricos
Tema 1: Os xéneros radiofónicos. Definición. Características. Tipoloxía. Os xéneros nas grellas radiofónicas. Os xéneros informativos.
Tema 2: A crónica e a reportaxe. Definición. Características. Tipoloxía. Técnicas de elaboración. A crónica e da reportaxe nas grellas radiofónicas.
Tema 3: A entrevista. Definición. Características. Tipoloxía. Técnicas de elaboración. A entrevista nas grellas radiofónicas.
Tema 4: O comentario e o editorial radiofónicos. Definición. Características. Tipoloxía. Técnicas de elaboración. Os xéneros de opinión nas grellas radiofónicas.
Tema 5: A tertulia, o debate e a mesa redonda na radio. Definición. Características. Técnicas de elaboración.
Tema 6: Os xéneros televisivos. Introdución. Definicións. A difusión de fronteiras: a hibridación. Tipoloxías. Evolución e vixencia: xéneros clásicos e emergentes. Xéneros para xornalistas: os xéneros informativos en televisión. A presenza dos xéneros de programa e dos xéneros informativos nas grellas televisivas. Produción e realización dos xéneros informativos en televisión.
Tema 7: Os xéneros dialóxicos. Retórica dialóxica e discurso televisivo. A intensidade e o interese informativo na lóxica da conversa.Técnicas de interrogación. O fondo e a forma da conversa: linguaxe verbal e linguaxe xestual.
Tema 8: A entrevista informativa en televisión. Tipoloxía segundo a temática, según o obxectivo informativo, segundo o formato e segundo os sistemas de produción e realización. A entrevista de actualidade, a entrevista de carácter, a entrevista en formato roda informativa en plató, as entrevistas en formato magazine, talk show e diálogo en roda ascendente.
Tema 9: Os xéneros coloquiais en televisión. O faladoiro, o coloquio e o debate: criterios de selección, confrontación, presentación, condución e peche.
Contidos prácticos
Estudo de radio: xéneros radiofónicos:
- Elaboración dunha crónica, práctica individual. Audición e análise de crónicas, práctica en grupo.
- Elaboración dunha reportaxe. Audición e análise de reportaxes. Prácticas en grupo.
- Elaboración dunha entrevista informativa. Audición e análise de entrevistas informativas e de carácter. Prácticas en grupo.
- Elaboración dun comentario radiofónico, práctica individual. Audición e análise de comentarios e editoriais, práctica en grupo.
- Elaboración dunha tertulia radiofónica. Audición e análise de tertulias, debates e mesas redondas. Práctica en grupo.
Plató de TV: xéneros televisivos:
- Análise dos materiais recomendados que proporcionará o docente (modelos de escaletas e guións).
- Visionado en clases presenciais e como parte do traballo individual do alumno de gravacións dos distintos xéneros estudiados e análise das mesmas.
- Elaboración dunha entrevista en rolda informativa, de actualidade, podendo elexir o obxectivo informativo pero sobre temática obrigada: a política (guión e comunicación xestual). Gravación no plató. En grupos de 3-4 persoas.
- Guionización e gravación no plató dunha entrevista de carácter. En grupos de 3-4 persoas.
- Elaboración dunha entrevista en formato magazine a dúas fontes (guión e comunicación xestual). Gravación no plató. En grupos de 3-4 persoas.
- Elaboración dun debate (guión e comunicación xestual), podendo seleccionar a temática. En grupos de 3-4 persoas. Ao igual que no resto de actividades prácticas propostas no bloque televisivo, os alumnos deben traballar en directo manexando os contextos e a lóxica da improvisación.
Bibliografía básica e complementaria
BIBLIOGRAFÍA BÁSICA
- Balsebre, A.; Mateu, M.: La entrevista en radio, televisión y prensa. Editorial Cátedra. Madrid. 1998
- Barroso García, J.: La realización de los géneros televisivos. Síntesis. Madrid. 1996
- Cebrián Herreros, M.: Géneros informativos audiovisuales. Editorial Ciencia 3. Madrid. 1992
- García Jiménez, J.: Información audiovisual. Vol. I-II. Paraninfo. Madrid. 1999
- Martínez Costa, P. e Herrera, S.: La crónica radiofónica. RTVE Instituto. Madrid. 2008
- Martínez Costa, P. e Herrera, s.: “Qué son los géneros radiofónicos y por qué deberían importarnos” en Global Media Journal en español, vol.2, nº3. Na dirección electrónica http://gmje.mty.itesm.mx/articulos3/articulo_7.html
- Morán Torres, E.: La tertulia, un nuevo género del periodismo. Jornadas Internacionales de CC de la Información de Navarra. Pamplona. 1990
- Rodero, E.: Manual práctico para la realización de entrevista y reportajes
en la radio. Editorial Cervantes. Salamanca. 2001
- Sánchez, Ch.: Las tertulias de la radio. La plaza pública de los 90. Publicaciones Universidad Pontificia de Salamanca. Salamanca. 1994
BIBLIOGRAFÍA COMPLEMENTARIA
- Arfuch, L: La entrevista, una invención dialógica. Paidós. Barcelona. 1995
- Cantavella, J.: Manual de la entrevista periodística. Cap. 6 “Aplicación a la radio y la televisión”. Pax 169-180. Ariel Comunicación. Barcelona. 1996
- Cebruián Herreros, M.: La información en televisión. Obsesión mercantil y política. Gedisa. Barcelona. 2004
- Echevarría LLombart, B.: Las w´s de la entrevista. Fundación Universitaria San Pablo Ceu. Valencia. 2002
- Echevarría Llombart, B.: Las w´s del reportaje. Fundación Universitaria San Pablo Ceu. Valencia. 1998
- Faus Belau, A.: La radio: introducción a un medio desconocido. Editorial Latina. Madrid. 1981
- García Jiménez, J.: Información audiovisual. Vol I-II. Paraninfo. Madrid. 1999/2000
- Halperin, J.: La entrevista periodística. Paidós. Buenos Aires. 1995
- Hills, G.: Los informativos en radiotelevisión. IORTV. Madrid. 1981
- Lacalle, Ch.: El espectador televisivo. Gedisa. Barcelona. 2001
- Marín, C.: Periodismo audiovisual. Gedisa. Barcelona. 2006
- Martí y Martí, J.M.: Modelos de programación radiofónica. Feed-back Ediciones. Barcelona. 1991
- Marín, C.: Periodismo audiovisual. Gedisa. Barcelona. 2006
- Martínez Costa, P.: Información radiofónica. Ariel. Barcelona. 2002
- Martínez Costa, P. e Díez, J.R.: Lenguaje, géneros y programas de radio. Ediciones Universidad de Navarra. Pamplona. 2005
- Martínez Vallvey, F.: La entrevista periodística desde el punto de vista conversacional. Universidad Pontificia de Salamanca. 1995
- Merayo, A.: Para entender la radio. Ediciones Universidad Pontificia de Salamanca. Salamanca. 1992
- Munsó Cabús, M.: Joaquín Soler Serrano. A fondo. Planeta. 2003
- Ortiz, M.A. e Volpini, F.: Diseño de programas en radio. Guiones, géneros y fórmulas. Paidós. Barcelona. 1995
- Rodríguez Borges: Radio e información. Elementos para el análisis de los mensajes radiofónicos. Universidad de La Laguna. 2006
- Saló, G.: ¿Qué es eso del formato? Cómo nace y se desarrolla un programa de televisión. Gedisa. Barcelona. 2003
- Santamaría, L.: El comentario periodístico. Los géneros persuasivos. Editorial Paraninfo. Madrid. 1990
- Soengas, X.: Informativos radiofónicos. Cátedra. Madrid. 2003
- Tapia Fernández, J.: Formatos para noticias en radio. Instituto de Radio y Televisión. Barcelona. 1986
Competencias
Coñecemento das características dos diferentes xéneros radiofónicos e televisivos, particularmente a estrutura e o estilo de cada modalidade. Coñecemento das técnicas de redacción, de diálogo e de consulta propias destas modalidades informativas. Coñecemento da evolución dos diferentes formatos informativos en radio e televisión. Aplicación das técnicas de deseño, produción, realización e presentación propias dos diferentes xéneros informativos.
Metodoloxía da ensinanza
Na primeira parte da materia hanse achega-las claves teóricas sobre os xéneros radiofónicos e televisivos. Háselle explicar ó alumno en que consisten cada un dos xéneros, as súas características, as tipoloxías… e sempre procurando contextualizalos na realidade radiofónica ou televisiva actual, é dicir, que se lles achegarán exemplos e casos reais sobre os conceptos teóricos explicados.
A segunda parte da materia afondará na práctica dos xéneros. A partir dos conceptos teóricos explicados previamente proporanse unha serie de traballos de execución de xéneros e análises que os alumnos deberán realizar individualmente ou en grupo dependendo do caso. Esas prácticas serán comentadas posteriormente pola profesora. O propósito desta parte práctica é que os alumnos adquiran coñecementos sobre as técnicas de investigación, documentación, realización, produción… e que, ó mesmo tempo, naza neles un espirito crítico cara ós xéneros.
Sistema de evaluación
Á hora de avalia-la materia teranse en conta tanto os coñecementos teóricos como os prácticos. Os teóricos hanse ter que demostrar nun exame final que suporá o corenta por cento da nota final, os prácticos hanse avaliar a través de tódolos traballos que se vaian facendo ó longo do curso, cada un deles será cualificado cunha nota e xuntos suporán o sesenta por cento da cualificación final da materia. A parte referida á radio e a referida á da televisión serán avaliadas independentemente por cada un dos profesores que imparten a asignatura: as súas notas finais sumaranse e farase unha media, ó cincuenta por cento. É necesario ter aprobadas as catro partes de xeito independente para poder facer esta media (é dicir, o alumno debe ter aprobadas as prácticas e a teoría -tanto en radio como en televisión- para poder facer a nota media e superar a totalidade da materia).
Tamén é preciso ter feitas todas as prácticas para poder presentarse ao exame teórico da asignatura, tanto na primeira como nas seguintes convocatorias.
Tempo de estudo e traballo persoal
O traballo dos alumnos nesta materia é en parte presencial e en parte persoal, cálculase que necesitará ó redor de 150 horas para poder superala. As horas de traballo presencial (48) consistirán en clases expositivas nas que se presentarán e explicarán os temas, traballos con textos para analizar e discutir, prácticas de laboratorio, titorías, actividades de avaliación e exame final. As horas de traballo persoal do alumno (102) consistirán no estudo individual ou en grupo, lecturas recomendadas, preparación de exposicións e debates, preparación de material de apoio e planificación e execución da práctica.
Recomendacións para o estudo da materia
Para optimiza-lo rendemento do alumno na superación desta materia recoméndase, ademais da asistencia ás clases teóricas e prácticas, o seguimento dos xéneros nas producións audiovisuais actuais. É preciso escoitar radio e ver televisión cun afán crítico que mesmo dea pé a comentarios e novas liñas de traballo nas clases. O mesmo á hora de le-la bibliografía recomendada.
Observacións
Os xéneros radiofónicos e televisivos son unha realidade viva, cambiante, e por iso é preciso ter un ollo sempre posto na actualidade mediática. Os casos reais, os exemplos prácticos, serán a clave desta materia e tentarase implica-lo alumno nesta observación e crítica continua