G3041225 - Programación e análise da recepción (Organización e producción audiovisual e multimedia) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 24.00
• Clase Interactiva Seminario: 24.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Ciencias da Comunicación
• Áreas: Comunicación Audiovisual e Publicidade
• Centro: Facultade de Ciencias da Comunicación
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
RODRIGUEZ VAZQUEZ, ANA ISABEL.	SI

Horarios

Nome	Tipo Grupo	Tipo Docencia	Horario Clase	Horario exames
Expositivo 1	Ordinario	Clase Expositiva	SI	SI
Seminario 1	Ordinario	Clase Interactiva Seminario	SI	SI
Seminario 2	Ordinario	Clase Interactiva Seminario	SI	SI
Titorizado 1	Ordinario	Horas de Titorías	NON	NON
Titorizado 2	Ordinario	Horas de Titorías	NON	NON
Titorizado 3	Ordinario	Horas de Titorías	NON	NON
Titorizado 4	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
En consonancia co papel que xoga a materia na titulación, o principal obxectivo é o estudio das políticas e técnicas de programación, e dos diversos tipos de audiencias, así como a análise dos fenómenos comunicativos desde o punto de vista da recepción, concepto de público e investigación de audiencias. Enténdense, pois, obxectivos de cara ao alumnado:
a) Coñecemento das técnicas e os modelos de programación
b) Coñecemento das tendencias e a evolución dos contidos (oferta de formatos)
c) Coñecemento dos públicos obxectivos e potenciais, así como dos deseños na oferta dos contidos.
d) Coñecemento das teorías de recepción.
e) Coñecemento das técnicas de análise e investigación das audiencias.

Contidos
Aspectos técnicos e teóricos da función do programador/a en radio e televisión, con profundización e fixación de conceptos, revisión de estruturas e sistemas, interpretación e análise de grellas, así como da súa contextualización en función das cadeas e das estacións, de tipoloxías de mercados, de periodos programáticos, de definición de públicos obxectivos e potenciais, e de sistemas de deseño na aportación de contidos para a súa emisión. Análise da recepción en radio, televisión e Internet.


TEMA 1: Introducción. A audiencia como factor determinante das políticas de programación en radio e televisión
- A audiencia como destinatario. Nocións de públicos e de audiencias: receptores, usuarios, clientes.
- Evolución dos públicos: do “couch potato” ao espectador do século XXI a través das comunidades virtuais.
- Tipoloxía dos públicos.
- Segmentación e estratificación dos receptores: targets
- Actitudes e motivacións do público-usuario-cliente.
TEMA 2: A programación. Definición
- Definición de programación.
- O programa como unidade básica da programación.
- O programador. Estruturas organizativas.
TEMA 3: Factores que determinan a programación.
- A programación como discurso: a lóxica da programación
- Instrumentos para a confección da programación: as grellas e listados-minutados (play-list)
- Convencionalismos e normas en programación. Os conceptos de temporada, tramos de competencia, as franxas horarias, ámbitos.
- A programación dos novos medios: novas ofertas nun entorno multimedia.
TEMA 4: Modelos e políticas de programación
- A construcción da oferta programática: fidelización e continuidade. A imaxe de marca. A importancia da promoción e da continuidade.
- Modelos de programación.
- As leises da programación.
TEMA 5: Técnicas de programación
- Técnicas de programación por sectores, idades e temáticas. Estratexias.
- Os efectos dalgúns formatos do macroxénero info show sobre a programación.
- Pautas sobre a coñecida como enxeñería de emisión
- Novas estratexias cross/transmedia: o posicionamento dos productos según o soporte.
TEMA 6: Investigación de audiencias. Valores cuantitativos e cualitativos
- Instrumentos de medición de audiencias en radio. Análise.
- Instrumentos de medición de audiencias en televisión. Análise.
- Instrumentos de medición de audiencias en Internet. Análise.
- Interpretación cualitativa: máis aló das cifras.
- O valor da medición: responsabilidade e calidade.

Práctica.- O temario teórico compleméntase coas sesións prácticas que servirán ós alumnos para a elaboración dos traballos relacionados cos contidos da materia.
- Prácticas 1 e 6: relacionadas especialmente co primeiro e último temas da asignatura, consisten na captación continuada dos datos de consumo dos productos e das cadeas necesarios para a elaboración dos correspondentes informes semanais, mensuais e final nos que se observará a evolución da capacidade analítica e interpretativa que os alumnos adquiran durante o curso. Compleméntanse coa elaboración dunha enquisa e dun focus group cos que se elaborarán as conclusións finais dos exercicios relacionados coa análise da recepción.
- Prácticas 2, 3, 4 e 5: directamente relacionadas coa programación audiovisual, realizaranse estudos de casos e análises específicas da oferta programática das distintas emisoras e cadeas –incorporando os soportes multimedia-, co fin de estudiar varios periodos e diferentes modelos según o material e as explicacións aportadas polo docente. Os alumnos trasladarán estas aprendizaxes ós distintos exercicios nos que deberán aplicar os seus coñecementos elaborando grellas, analizando as ofertas programáticas das cadeas, detectando e interpretando as técnicas de programación en franxas horarias e consumos VOD, facendo un seguemento das rutinas de programación das operadoras e elaborando novas propostas programáticas.

Bibliografía básica e complementaria
Bibliografía básica:
- Arana, E.: Estrategias de programación televisiva. Síntesis. Madrid. 2011
- Blanch, M., Cómo se miden las audiencias en radio, Cims, Barcelona, 1998.
- Contreras, J.M.; Palacio, M., La programación de televisión, Síntesis, Madrid, 2001.
- Huertas Bailén, A., La audiencia investigada, Gedisa, Barcelona, 2002.
- Martí Martí, J. M., Modelos de programación radiofónica, Feed-back Ediciones, Barcelona, 1990.
- Martínez-Costa, Mª Pilar; Moreno, Ela (coords.): Programación radiofónica. Arte y técnica del diálogo entre la radio y su audiencia. Ed. Ariel. Barcelona. 2004.
- Vaca Berdayes, R., Quién manda en el mando. Comportamiento de los españoles ante la televisión, Ed. Visor, Madrid, 1997.

Webs obrigadas: www.formulatv.com, www.vertele.com, www.aimc.es, www.kantarmedia.es, www.ojdinteractiva.es, www.impulsatdt.es/observatorio

Bibliografía complementaria:
- Abruzzese, Alberto; Miconi, Andrea, Zapping. Sociología de la experiencia televisiva. Cátedra, Madrid, 2002
- Aguilera Moyano, Miguel de; Meere, Marco (coord.): Una tele en el bolsillo. La televisión en el teléfono móvil. Círculo de Estudios Visuales Ad Hoc. Málaga. 2009.
- Arnanz, Carlos M., Negocios de televisión. Transformaciones del valor en el modelo digital. Gedisa, Barcelona, 2002.
- Bustamante, E. (coord.): Hacia un nuevo sistema mundial de comunicación. Las industrias culturales en la era digital. Gedisa. Barcelona. 2003.
- Bustamante, Enrique, La televisión económica. Financiación, estrategias y mercados. Gedisa. Barcelona. 1999.
- Callejo, J., La audiencia activa. El consumo televisivo: discursos y estrategias, Centro de Investigaciones Sociológicas (CIS), Madrid, 1995.
- Callejo, J., Investigar las audiencias. Un análisis cualitativo, Paidós, Barcelona, 2001.
- Cebrián Herreros, M., La radio en la convergencia multimedia, Gedisa, Barcelona, 2001.
- Cebrián Herreros, M., Modelos de televisión: Generalista, temática y convergente con Internet, Paidós, Barceona, 2004.
- Cortés, José Ángel, La estrategia de la seducción. La programación en la neotelevisión, Eunsa, Pamplona, 1999.
- Cubells, Mariola: ¿Quién cocina la televisión que comemos? La dieta televisiva y sus cocineros. Ed. Carroggio. Barcelona. 2006.
- Dayan, D., En busca del público, Gedisa, Barcelona, 1997.
- García García, A.; Vinader Segura, R.; Galiano Sansegundo, R.: “Televisión personal: propuesta metodológica para una medición de audiencias adaptada a los nuevos formatos”. Trípodos Extra 2009, Nº 9. pp. 497-505. http://cicr.blanquerna.url.edu/conclusions/data/Ambit_3.pdf
- Geca, El anuario de la televisión, Geca, Madrid.
- Gómez-Escalonilla, G., Programa televisión. Análisis de los primeros cuarenta años de programación televisiva en España, Dykinson. Madrid. 2003.
- Huertas Bailén, A., Cómo se miden las audiencias en televisión, Cims, Barcelona, 1998.
- Huertas Bailén, A., La audiencia investigada, Gedisa, Barcelona, 2002.
- Jenkins, H.: Convergente Culture: la cultura de la convergencia en los medios de comunicación. Paidós. Barcelona. 2008
- Lacalle, Charo, El espectador televisivo, Gedisa, Barcelona, 2001.
- Orozco, G., Televisión y audiencias. Un enfoque cualitativo, Ediciones de la Torre, Madrid, 1996.
- Pérez de Silva, J., La televisión ha muerto. La nueva producción audiovisual en la era de Internet: la tercera revolución industrial, Gedisa, Barcelona, 2000.
- Vaca Berdayes, R.: El puzle de la audiencia televisiva. Fundación Ex Libris. 2009.

Competencias
- Coñecemento das técnicas e os modelos de programación
- Coñecemento das tendencias de consumo e da evolución dos contidos nas programacións
- Coñecemento dos públicos obxectivos e potenciais, así como dos diseños na oferta dos contidos.
- Coñecemento das teorías de recepción.
- Coñecemento das técnicas de análise e investigación das audiencias.

Metodoloxía da ensinanza
- Clases teóricas para a explicación de conceptos en torno á programación, recepción e audiencias.
- Sesións prácticas na aula destinadas á análise de programacións e productos audiovisuais, así como a resposta dos públicos ante a oferta programática en radio e televisión. Estas clases servirán de base para a realización dos traballos propostos.
- Apoio do docente na elaboración por parte dos alumnos dos traballos requeridos para a superación da parte práctica da materia e que os alumnos deberán defender en público (exposición) nas últimas clases do curso

Sistema de evaluación
Os criterios xerais de avaliación contemplan, pois, un exame teórico (50% da nota final), presentación dos traballos propostos nas prácticas correspondentes e fixados no temario (40%) e asistencia e participación en clase (10%). Para poder acudir ao exame é obrigado ter presentados os traballos (o que non implica o aprobado da parte práctica que terá que someterse aos criterios de avaliación fixados polo docente), según as pautas estipuladas nas clases, e demostrado un seguemento continuado da materia a través, tamén, da asistencia a clase (en virtude do regulado na Normativa de Asistencia a Clase nas Ensinanzas adaptadas ao EEES aprobada en Consello de Goberno da USC o 25 de marzo de 2010). O docente só permitirá a realización de traballos con pautas distintas das marcadas na clase (tanto no que se refire aos contidos como a organización das prácticas en grupos ou individuais) en casos moi específicos e debidamente xustificados. NF = E -50%- + T -40%- + A -10.

En caso de non superar a materia, o alumno só deberá reforzar aqueles aspectos da avaliación que fosen deficitarios (teórica ou traballos prácticos, ou ámbalas dúas no caso de non ter superado nin o exame nin os exercicios), seguindo as recomendacións do docente segundo os criterios de avaliación fixados. Esta posibilidade só se contempla no caso da convocatoria correspondente á matrícula do curso académico en vigor (convocatorias e xuño e de xullo). De non superar a materia, nas seguintes convocatorias que correspondan a un novo curso académico o alumno deberá aprobar a totalidade dos contidos da materia de novo (teóricos e prácticos).


Tempo de estudo e traballo persoal
Os alumnos deben realizar traballos de análise sobre modelos de programación e medición de audiencias, xunto coa asistencia ás clases e a lectura da bibliografía complementaria necesaria para a elaborar dos traballos prácticos. O tempo de traballo presencial do alumno é de 48 horas; o tempo de estudo e traballo persoal estimado por alumno –incluídos os aspectos mencionados- é de 102 horas.
Recomendacións para o estudo da materia
Analizando os tres requisitos básicos que conforman os criterios de avaliación da materia, e de cara a un mellor aproveitamento dos recursos e dos esforzos, recomendase ao alumnado:
a) No caso dos conceptos teóricos da materia: plantexar tódalas dúbidas existentes ao docente durante as clases ou a través das titorías (presenciais ou por e-mail) e consultar a bibliografía recomendada en cada tema (especialmente aqueles materiais de apoio que, á marxe da bibliografía presentada, poida entregar directamente o docente debido ó seu interese para o mellor entendemento da materia). Tamén é aconsellable a asistencia e participación nos debates organizados na clase.
b) Para a elaboración dos traballos prácticos: recomendase ao alumnado a asistencia ás clases prácticas na aula onde se presentarán as pautas e os materiais precisos para a posterior utilización nos traballos; a recolleita dos materiais de apoio que se porán a dispor do alumnado en distintos soportes e que, maioritariamente, correspóndense con instrumentos de traballo profesional que se deberán manexar e incorporar nas prácticas; e constante e rigurosa consulta e extracción de datos (logo reflexados nos traballos) das páxinas web que o docente recomende no curso. Tamén neste caso é recomendable plantexar ao docente tódalas dúbidas e suxestións que lle xurdan ao alumno co fin de mellora-lo resultado final.

Observacións
Non se precisan observacións específicas, agás do xa exposto.