G3041226 - Edición audiovisual (Técnicas e procesos creativos de producción, realización e postprodución) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 24.00
• Clase Interactiva Laboratorio: 24.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Ciencias da Comunicación
• Áreas: Comunicación Audiovisual e Publicidade
• Centro: Facultade de Ciencias da Comunicación
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
GARCIA BAAMONDE, PAULINO.	SI

Horarios

Nome	Tipo Grupo	Tipo Docencia	Horario Clase	Horario exames
Expositivo 1	Ordinario	Clase Expositiva	SI	SI
Laboratorio 1	Ordinario	Clase Interactiva Laboratorio	SI	SI
Laboratorio 2	Ordinario	Clase Interactiva Laboratorio	SI	SI
Titorizado 1	Ordinario	Horas de Titorías	NON	NON
Titorizado 2	Ordinario	Horas de Titorías	NON	NON
Titorizado 3	Ordinario	Horas de Titorías	NON	NON
Titorizado 4	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
Ensinar a evolución da montaxe e a composición desde os sistemas de edición lineal ata os non-lineais, e o avance que supuxo a dixitalización.
• Describir os roles e competencias dos recursos humanos relacionados con todos os aspectos da montaxe, edición e posprodución desde as súas orixes ata a actualidade.
• Capacitar ao alumno na execución de todas as fases da montaxe e posprodución audiovisual, e nas dinámicas do traballo en equipo.
• Establecer os criterios de linguaxe audiovisual e narrativos útiles para que a montaxe contribúa ó relato cos seus recursos expresivos e as súas estratexias comunicativas, e evite terxiversalo ou desvirtualo, respectando así a intencionalidade do guión.
• Ensinar as técnicas e procesos de integración e compaxinación de elementos gráficos, visuais e sonoros que conflúen na edición, as de corrección de cor (etalonado) e a conformación das pistas sonoras.
• Transmitir a necesidade de un acabado profesional nos procesos de finalización e masterización do produto editado.
• Fomentar o estudo e análise de diferentes produtos, tanto cinematográficos, videográficos, televisivos, como das novas xanelas de difusión, co fin de desenvolver no alumno unha actitude crítica que lle axude a forxar o seu propio estilo e a xerar as súas propias formulacións estéticas e formais ás propostas que se lle presenten.

Contidos
Análise das escolas estilísticas e estéticas relacionadas coas principais técnicas de edición e montaxe audiovisual. Instrución para a conformación de produtos audiovisuais, a partir da sutura de imaxes e sons, en función dos canons narrativos de cada xénero ou estilo. Capacitación no uso das aplicacións que habilitan en distintas técnicas de edición, posprodución, composición e etalonado, destinadas á realización de produtos audiovisuais en función, tanto da súa tipoloxía, como da xanela de difusión.

CONTIDOS TEÓRICOS:

Tema 1 - INTRODUCIÓN: A EDICIÓN AUDIOVISUAL

• O concepto de montaxe e edición audiovisual. O deseño e a planificación da edición entendidos como realización. A edición na produción e na posprodución
• Evolución da tecnoloxía da edición, desde os seus inicios á actualidade
• Os estándares do son, da luz e da cor na produción, posprodución e reprodución
• O proxecto, os documentos do editor, os fluxos de traballo
• A edición nos distintos ámbitos do sector audiovisual. A edición segundo formatos, soportes e plataformas. A edición en tempo real
• Dimensións multimedia da edición audiovisual.
• Principais escolas e movementos relacionados coa edición audiovisual. Os xéneros


Tema 2 - FUNDAMENTOS DA EDICIÓN AV

• Semántica, sintáctica. Posibilidades expresivas, estéticas e creativas da montaxe
• A montaxe sincrónica e a diacrónica. A montaxe continua, a descontinua e a ideolóxica..
• O espazo e o tempo. Elipsis, analepsis e prolepsis
• A compaxinación previa á montaxe: O guión técnico, o guión gráfico e a rodaxe
• O raccord: Continuidade visual e sonora. A fluidez e a claridade expositiva.
• Ritmo interno e externo
• Recursos narrativos
• Montaxe sonora e ambientación musical


Tema 3 - A EDICIÓN NON LINEAL

• Características.
• Deseño, configuración e adecuación do proxecto
• Preparación, captura e organización dos materiais
• Edición: Transicións e efectos
• A liña de tempos, a sincronía
• Ferramentas de transformación e axuste
• Estratexia na edición de diferentes produtos en función da súa tipoloxía
• Procesamento, masterización e empaquetado do produto para a difusión e distribución


Tema 4 - A POSPRODUCIÓN E A COMPOSICIÓN

• O proceso da posprodución.
• Principais aplicacións e entornos de traballo.
• A composición. Concepto de capa. Axustes
• Animación e fotogramas chave. Os seguimentos (tracking)
• Métodos de incrustación de elementos gráficos e visuais
• Fluxos de traballo entre distintas aplicacións da posprodución, Os metadatos, os formatos enriquecidos
• O grafismo. A identidade visual


Tema 5 - O TRATAMENTO DA COR

• Sistemas ou modelos e espazos da cor
• O traballo de etalonado
• Elementos e parámetros de axuste. Rodas de cor e curvas de luminosidade
• Límites técnicos da corrección de cor. A legalidade da cor
• Correccións primarias e secundarias
• Adecuación do cromatismo da peza aos intereses estéticos ou narrativos da produción
• Filtros e efectos


Tema 6 - O TRATAMENTO DO AUDIO

• Arquivos de audio
• Aplicacións específicas para a posprodución de audio
• A posprodución de audio na plataforma de vídeo
• Conformación das pistas
• Keyframes, axustes puntuais e globais
• Filtros e efectos
• Conformación da banda sonora en función do seu destino


Tema 7 - OUTROS ÁMBITOS NA POSPRODUCIÓN AUDIOVISUAL

• As paletas gráficas. A rotoscopia
• Técnicas de Motion Graphics: Stop Motion, animación de interpolación, cell animation, collage, pastiche
• Os efectos especiais dixitais
• Ferramentas: Sistemas de partículas, rutas de cámara, capturas de movemento
• Animación 2D e 3D



CONTIDOS PRÁCTICOS:

1 - XENERALIDADES

• Proceso de axuste do monitorado
• Conceptos prácticos básicos da imaxe e o son dixitais
• A captura
• Ficheiros audiovisuais, compatibilidades, conversións
• Sistemas de almacenaxe dixital


2 - O ENTORNO DE COMPOSICIÓN E POSPRODUCIÓN ADOBE AFTER EFFECTS

• Axustes de proxecto e de composición. A interface de usuario
• Importación e administración de elementos de material de arquivo
• Creación, disposición e composición de capas. Incrustacións, fusións
• Modificación e animación das propiedades de capa. Estilos de capa
• Cor, debuxo, pintura e trazado. Retoque de imaxes e gráficos en Adobe Photoshop
• Incorporación de efectos e modificación das súas propiedades
• Secuencias de comandos, expresións
• Etalonado e tratamento da cor
• Tratamento das pistas de audio
• Previsualización
• Procesamento e exportación


3 - EDICIÓN DOS SEGUINTES PROXECTOS:

• Gráfico animado
• Cabeceira e lufadas dun programa
• Promoción dun programa: “a total” e para sobreimpresión

Bibliografía básica e complementaria
Bibliografía básica e complementaria
BIBLIOGRAFÍA BÁSICA
• BORRÁS, Jesús y COLOMER, Antoni. El lenguaje básico del film. Ed. Nido, 1977.
• FERNÁNDEZ CASADO, José Luis. Posprodución digital : cine y vídeo no lineal. San Sebastián : Escuela de Cine y Vídeo, 1999
• FERNÁNDEZ DÍEZ, F. y MARTÍNEZ ABADÍA, J. Manual básico de lenguaje y narrativa audiovisual. Paidós. Barcelona 1999
• MCGRATH, D., Montaje & posprodución, Océano, Barcelona 2001
• SÁNCHEZ, Rafael C. El Montaje cinematográfico arte de movimiento. Buenos Aires: La Crujia, 2008.
• SÁNCHEZ-BIOSCA, V., El Montaje cinematográfico: teoría y análisis, Paidós, Barcelona 1996
• OHANIAN, T.A, Edición digital no lineal, IORTVE, Madrid 1996
• REISZ, Karel. Técnica del montaje cinematográfico. Madrid : Plot 2003
• THOMPSON, Roy. Manual de montaje : gramática del montaje cinematográfico. Madrid : Plot, 2001.
• VILLAIN, Dominique: El montaje. Cátedra, Madrid, 1994


BIBLIOGRAFÍA COMPLEMENTARIA

• ARIJÓN, D., Gramática del lenguaje audiovisual, Escuela de cine y video. San Sebastián 1988
• BROWN, Blain. Cinematografía. Teoría y Práctica. Omega. Barcelona 2008
• BROWNE, Steven E. Posprodución en Alta Definición : edición y finalización del vídeo en HD. Andoáin: Escuela de Cine y Vídeo, 2008
• BURROWS, Thomas. Produción de Vídeo. Disciplinas y técnicas. Mc Graw Hill. México 2003
• CEBRIAN HERREROS, M. Información audiovisual. Concepto, técnica, expresión y aplicaciones. Síntesis, Madrid, 1995
• DEL REY DEL VAL, Pedro. Montaje, una profesión de cine. Barcelona : Ariel, 2002
• EISENSTEIN, Serguei M, Hacia una teoría del montaje. Barcelona : Paidós 2001
• JONES, Chris. The guerilla film makers movie blueprint. Continuum. London, 2003
• JONES, S., Corrección de color para edición de vídeo no lineal : guía paso a paso. Escuela de Cine y Video, Guipúzcoa 2003
• KELLER, Teresa. Television news: a handbook for writing, reporting, shooting, and editing. Scottsdale (Arizona) : Holcomb Hathaway, 2005
• MILLERSON, G., Realización y Produción en televisión, Instituto oficial de Radio y Televisión, Madrid 2001
• MORENO, R., Vídeo Digital, Anaya Multimedia, Madrid 2009
• MORENO, R., Avid: Edición de vídeo, Anaya Multimedia, Madrid 2009
• MURCH, Walter. En el momento del parpadeo : un punto de vista sobre el montaje cinematográfico. Ocho y Medio, Madrid 2003.
• NOHALES ESCRIBANO, Tirso. Proceso digital de imágenes. Escuela de Cine y Vídeo Andoáin, Guipúzcoa 2009
• PERKINS, Todd. Flash CS3 Professional : curso práctico. Madrid: Anaya Multimedia, 2008
• SOLER, Llorenc. La realización de documentales y reportajes para televisión. CIMS. Barcelona 1998
• SHUFFLEBOTTOM, Roger. Edición de video con Avid : Media Composer, Symphony, Xpress. Andoain, Guipúzcoa : Escuela de Cine y Vídeo, 2005
• TORRADO MORALES, Susana. Manual teórico-práctico para la realización de noticias y reportajes en televisión. Murcia : DM, 2007
• ÚBEDA I CARULLA, Joan. Reportaje en TV : el modelo Americano. Barcelona : Ixia, 1993
• WATKINSON, John, Compresión en vídeo y audio , Instituto Oficial de Radio Televisión Española, Madrid 1996
• WRIGHT, Steve: Efectos digitales en cine y vídeo. Escuela de Cine y Vídeo, Andoain. 2003
• WOOTTON, C., Compresión de audio y video, Anaya Multimedia, Madrid 2006
• YORKE, Ivor. Principios básicos del reportaje televisivo. Madrid : IORTV. 1991

Competencias
• Coñecemento das rutinas de traballo na edición e posprodución de produtos. audiovisuais, e das funcións do realizador, guionista ou editor de textos, editor de vídeo, editor de audio, deseñador gráfico e etalonador .
• Capacidade para a realización de edicións audiovisuais mediante a utilización de distintas técnicas narrativas e plataformas de edición.
• Competencia para elaborar edicións audiovisuais de calquera tipoloxía para difusión e distribución, en calquera xanela e cumprindo estándares de calidade.
• Control dos informes e materiais fonte que nutren a fase de posprodución dun produto audiovisual, e dos recursos necesarios desde o inicio ata a conformación do master.
• Control total da sala de posprodución para estar en disposición de contribuír técnica e artisticamente ó proxecto, co fin de lograr que o produto teña os máximos parámetros de excelencia na súa conformación.
• Coñecemento de novas tendencias así como espazos alternativos para traballos de edición e posprodución audiovisual.


Metodoloxía da ensinanza
As clases expositivas tratarán exhaustivamente os conceptos, regras, teorías e técnicas nas que se sustenta a edición audiovisual.
Ademais de clases maxistrais haberá visionados, debates, postas en común e, en paralelo, iranse aplicando os coñecementos nas clases interactivas a través das prácticas, con apoio docente. Proporanse exercicios individuais, para resolver na clase ou fora de ela.
O alumno editará persoalmente os seus produtos a través de aplicacións informáticas da facultade relacionadas especificamente coa edición, composición e posprodución. Ademais conformaranse grupos de traballo co fin de gravar imaxes que serán necesarias para algunhas das prácticas planificadas no presente programa.
Utilizaráse a plataforma virtual da USC como instrumento central de soporte dos grupos, para o intercambio (textos, vídeos, gráficos) dos contidos teóricos e prácticos da materia, así como para a presentación dos traballos e proxectos propostos.
Preténdese un seguimento constante do alumno e da súa evolución na materia.


PRÁCTICAS

• Conformación de dous grandes grupos de traballo con entre tres e catro subgrupos cada un para acometer a realización das actividades prácticas nas que levarán a cabo os seguintes procesos:
• Utilización das aplicacións informáticas específicas para a edición, retoque de imaxes, composición e posprodución
• Elaboración de todas as rutinas, procesos e actividades loxísticas relacionadas coa edición
• Utilización das técnicas e programas auxiliares necesarios para a conformación dos materiais co fin de adaptalos ao proxecto de traballo.
• Finalización do produto, adaptado para a súa distribución en soportes e formatos homologados pola industria audiovisual.

Sistema de evaluación
A avaliación farase de forma continuada. Haberá varias probas, por escrito, no cuadrimestre con preguntas (tipo test, de desenvolvemento ou mixtas) sobre aspectos teóricos, prácticos e operativos da materia, e isto inclúe os contidos das clases expositivas e interactivas e tamén os contidos das actividades académicas dirixidas. As persoas que aproben todas as probas parciais e teñan feito un seguimento continuado da materia estarán liberadas da presentación ao exame final do calendario oficial.
Avaliaranse tamén as prácticas salientadas no epígrafe contidos prácticos. A asistencia ás clases prácticas é obrigatoria. Nas prácticas que implican traballo en grupo, é imprescindible a comparecencia de tódolos membros, así como o cumprimento das tarefas que xurdan.
A nota final obterase como a media das dúas partes: teórica e práctica (cada unha delas achegaría o 50% da cualificación). En calquera caso, será imprescindible ter ámbalas partes aprobadas para superar a materia. No caso de teren aprobada a parte práctica pero non a teórica na convocatoria de Xuño, manterase aquela ata a convocatoria de Xullo e computarase co mesmo criterio. A suspensión da parte práctica en Xuño imposibilita ó alumno para superar a materia dentro desa matrícula.

Tempo de estudo e traballo persoal
O Estudante dedicará para a adquisición dos coñecementos, capacidades e destrezas correspondentes un total de 150 horas, incluíndo as de estudo e traballo persoal, das cales:

• Dedicará 51 horas a actividades lectivas con presencia do profesor:

- 24 horas de clase expositiva
- 24 horas de clase interactiva
- 3 horas de titorías
- exames e outras actividades

• Dedicará 99 horas a actividades académicas dirixidas:

- Traballos requiridos nas clases
- Preparación de prácticas
- Lecturas e Navegación web
- visións
- Horas de estudo

Recomendacións para o estudo da materia
Aconséllase o seguimento continuado das distintas actividades docentes, pois constitúen unha cadea de nocións e de aplicacións prácticas que se van complementando, enlazando ou xustificando unhas ás outras.
Por outra banda, convén co alumno, analice e xulgue todo tipo de produtos nos medios de comunicación na busca dos mecanismos que está a estudar. Ademais de axudarlle a entendelos, facilitaralle o ir forxando un criterio propio sobre a edición audiovisual.
Ha de reflexionar sobre a pertinencia e eficacia dos recursos utilizados polos diversos directores e editores para lograr determinados fines, e valoralas. Deste xeito, poderá construír as súas propias opinións e imaxinar alternativas. Poderá formularse as súas propias solucións técnicas e estilísticas, e experimentalas nos seus traballos.
Nas clases interactivas todos os alumnos deben por en común e cotexar as súas diferentes opinións, versións e métodos resolutivos, para enriquecerse mutuamente.
O seu coñecemento progresará, ademais de pola acumulación de teoría, pola posta en práctica da mesma. As tarefas concretas iranlle imprimindo capacidade creativa e habilidades executivas.

Observacións
O profesor facilitará un lugar en plataforma virtual da USC para desenvolver de forma interactiva todo o intercambio de materiais co alumnado.
Neste lugar haberá todo tipo de documentos: textuais, gráficos, sonoros, videográficos…
O intercambio de traballos dos alumnos poderase realizar sempre a través da platarforma virtual.