G3041343 - Cine de autor (Teoría e Historia dos medios audiovisuais e multimedia) - Curso 2013/2014
Información
- Créditos ECTS
- Créditos ECTS: 6.00
- Total: 6.0
- Horas ECTS
- Clase Expositiva: 24.00
- Clase Interactiva Laboratorio: 24.00
- Horas de Titorías: 3.00
- Total: 51.0
Outros Datos
- Tipo: Materia Ordinaria Grao RD 1393/2007
- Departamentos: Ciencias da Comunicación
- Áreas: Comunicación Audiovisual e Publicidade
- Centro: Facultade de Ciencias da Comunicación
- Convocatoria: 2º Semestre de Titulacións de Grao/Máster
- Docencia e Matrícula: null
Profesores
| Nome | Coordinador |
|---|---|
| LEDO ANDION, MARGARITA MARIA. | SI |
Horarios
| Nome | Tipo Grupo | Tipo Docencia | Horario Clase | Horario exames |
|---|---|---|---|---|
| Expositivo 1 | Ordinario | Clase Expositiva | SI | SI |
| Laboratorio 1 | Ordinario | Clase Interactiva Laboratorio | SI | SI |
| Laboratorio 2 | Ordinario | Clase Interactiva Laboratorio | SI | SI |
| Titorizado 1 | Ordinario | Horas de Titorías | NON | NON |
| Titorizado 2 | Ordinario | Horas de Titorías | NON | NON |
| Titorizado 3 | Ordinario | Horas de Titorías | NON | NON |
Programa
Existen programas da materia para os seguintes idiomas:
Obxectivos da materia
Estudo dos principais directores-autores europeos de cine.
Características e contexto do autor cinematográfico. Propostas
intelectuais, concepción estética, crítica de arte e debate social.
O principal obxectivo da materia é facer pensar no filme como responsabilidade dun cineasta, na súa evolución e usos da linguaxe cinematográfica e a súa representación en imaxes da época na que foi creador ou creadora. En relación con isto último, un segundo obxectivo céntrase na análise do cinema como aparato ideolóxico, como industria e como cultura que representa o estado-nación e as distintas culturas que comparten o territorio. Fillmes de diferentes correntes cinematográficas asociadas ao concepto de autor, imprescindible para a súa realización, serán tamén obxecto de análise exhaustiva, tendo en conta a súa representatividade.
Contidos
2.- Contidos
Os contidos da materia estarán artellados nun dobre eixe teórico-práctico, de xeito que cada sesión expositiva teña unha clase interactiva na que se exemplifiquen os contidos. O sentido da experimentalidade ten que ver coa idea de establecermos unha reflexión sobre como moita da teoría desenvolvida no eido cinematográfico tivo o seu correlato en imaxes.
2.1.- Contidos teóricos
1. A Política de autores, evolución e actualidade. O cinema como proceso industrial, aparato ideolóxico e operador cultural.
2. Linguaxe, atmosfera, realidade e clase. A anticipación no pensamento de Jean Epstein. A atmosfera no cinema moderno.
3. O cinema coma arte moderna: o inacabado. O cinema clásico e as súas fendas
4. A xeración Cahiers: da ‘caméra-stylo’ á desaparición do autor. Subxectividade, compromiso e a relación coa verdade. Manifestos no cinema.
5. A representación do real e as súas figuras. O ‘natural’ e o ‘cultural’. A posta en escena.
6. A imaxe-tempo e a imaxe-movemento. O invisible como outro xeito de ollar.
7. O dispositivo cinematográfico como forma ideolóxica. Cinema experimental e a procura dos límites da linguaxe cinematográfica.
8. Os pequenos cinemas da Europa. Os terceiros cinemas e o proceso poscolonial. Cinema de mulleres, mulleres no cinema.
2.2.- Contidos prácticos
1. Traballo co libro La política de los autores, lectura e debate. Visionado e análise de La régle du jeu de Jean Renoir
2. Lectura e debate do pensamento de Jean Epstein. Visionado e análise da atmosfera en La chute de la maison Usher de Jean Epstein
3. Visionado e análise de Torero de Carlos Velo.
4. Visionado e análise de Les quatre cents coups de François Truffaut.
5. Visionado e análise da posta en escena de Rear window de Alfred Hitchcock.
6. Visionado e análise de Un condamné à mort s'est échappé de Robert Bresson e My Winnipeg de Guy Maddin.
7. Visionado e análise de Maya Deren.
8. Visionado e análise de Le Havre de AKï Kaurismakï e de India song de Marguerite Duras.
Bibliografía básica e complementaria
3.- Bibliografía
3.1.- Bibliografía básica
Aumont, Jacques.- Las Teorías de los Cineastas, Paidós, Barcelona, 2002
Baecque, Antoine de (comp.).- La política de los autores, Paidós, Barcelona, 2003
Balázs, Bela.- El Film. Evolución y esencia de un arte nuevo, GG, Barcelona, 1978
Ledo Andión, Margarita.- Cine de fotógrafos, GG, Barcelona, 2005
Magny, Joël.- Vocabularios del Cine, Paidós, barcelona, 2005
Quintana, Àngel .- Fábulas de lo Visible, Acantilado, Barcelona, 2003
3.2.- Bibliografía complementaria
AA.VV.- La Nouvelle Vague, Paidós, Barcelona, 2004
Arnheim, Rudolf.- A arte do cinema, Ediçoes 70, Lisboa, 1989
El cine como arte, Paidós, Barcelona, 1992
Baecque, A. y Tesón, Ch.- Una cinefilia a contracorriente, Paidós, Barcelona, 2003
Belloir, Raymond.- L’Entre-Images, La Différence, París, 2002
Bresson, Robert.- Notas sobre o Cinematógrafo, Positivas, Santiago, 1993
Bresson, Robert et alt.- La política de los autores, Paidós, Barcelona, 2003
Bordwell, David.- El significado del Filme, Paidós, Barcelona, 1005
Bordwell et alt.- El cine clásico de Hollywood, Paidós, Barcelona, 1997
Comolli et alt.- Les années pop, Centre Georges Pompidou, París, 2001
Chion, Michel.- Technique et création au cinéma, ESEC, París, 2002
Collas, Gérald.- Le défi de la réalité, Festival Tous Courts, 1997
El desafio de la realidad, Festival Internacional de Cine de Valladolid,
1997
Deleuze, Gilles.- La imagen-tiempo, Paidós, Barcelona, 1994
La imagen-movimiento, Paidós, Barcelona, 1994
Epstein, Jean.- Écrits sur le cinéma, 1 et 2, Seghers, parís, 1975
Ledo Andión, Margarita.- Del Cine-Ojo a Dogma95, Paidós, Barcelona, 2004
Magny, Joël.- Le Point de vue, Cahiers de Cinéma, París, 2001
Mulvey, Laura.- Placer visual y cine narrativo, Centro de Semiótica y Teoría del Espectáculo, Valencia, 1988
Pagan, Alberto.- Introdución aos clásicos do cinema experimental (1945-1990), CGAI, Compostela, 1999
Rancière, Jacques.- La Fábula Cinematográfica, Paidós, Barcelona, 2005
Rees, A.L.- A History of experimental Film and Video, BFI, Londres, 1986
Ropars-Wuilleumier, M-C.- Le texte divisé, PUF, París, 1981
Stam, Robert, et alt.- Nuevos conceptos de la teoría del cine, Paidós, Barcelona, 1999
Stevenson, Jack.- Lars von Trier, Paidós, Barcelona, 2005
Tudor, Andrew.- Teorías do Cinema, Ediçoes 70, Lisboa, 1985
Zunzunegui, Santos.- Robert Bresson, Cátedra, Madrid, 201
Competencias
Coñecemento xeral da noción de “autoría” na obra cinematográfica e a súa relación coa creación cultural en cada época e coas políticas cinematográficas contemporáneas.
Metodoloxía da ensinanza
As clases expositivas compleméntanse coas sesión interactivas de xeito que a teoría fica ilustrada cun exemplo cinematográfico. A escolla dos filmes para analizar é, neste sentido, a procura de textos significativos das marcas da autoría e dos conceptos que se abordan en cada tema. Ao tempo, como parte do método de aprendizaxe, o alumnado terá que traballar con textos emblemáticos da teoría cinematográfica e aplicar os seus contidos a visionados e exercicios.
Tanto nas clases teóricas coma nas experimentais o traballo do alumnado na aula é fundamental, na medida en que se esixirá unha actividade crítica e analítica con respecto do material presentado. A implicación do alumnado como espectadores activos suporá parte da cualificación final.
Sistema de evaluación
Na avaliación da materia terase en conta a asistencia, participación e a entrega puntual dos traballos encargados ao alumnado que formarán parte da cualificación final. Neste sentido, o profesorado da materia fará asignacións semanais, correspondentes a cada tema impartido, xunto con dous traballos finais. Un deles consistirá nunha presentación nas aulas interactivas dun determinado autor ou aspecto relacionado coa materia. O outro será un ensaio breve sobre un tema a escoller dos contidos da materia. Este traballo terá que servir como exercicio de reflexión sobre aspectos do temario, así como un exercicio de relación do visto como espectadores e o aprendido na aula.
Tempo de estudo e traballo persoal
Horas presenciais: 51
Horas destinadas á realización de traballos asignados na aula, lecturas e preparación do exame final (se é precisa a proba): 99
Recomendacións para o estudo da materia
Asistencia sistemática ás sesións expositivas, interactivas e titorías da materia. Así mesmo, desenvolver unha actividade constante e activa como espectadores, tanto nas salas de cinema convencional coma en ciclos organizados por distintas institucións culturais, así como a participación nas sesión do Cineclube Compostela. Lectura de publicacións especializadas.