Grao en Comunicación Audiovisual - G3041V01 - 2013/2014

Denominación do título: Grao en Comunicación Audiovisual

Rama de coñecemento: Ciencias Sociais e Xurídicas

Centro onde se imparte:
Facultade de Ciencias da Comunicación
Avda de Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia: Decreto 385/2009 do 27 agosto (DOG 16/09/09)

Data de publicación no BOE: Publicado no BOE de 5 de marzo de 2010

Data da última acreditación: 22/06/2010

Responsable do título:

Coordinador do título: PEREIRA FARIÑA, JOSE

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego Inglés

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE / Corrección de erros

Memoria da titulación

Obxectivos

1. Fomentar a capacidade crítica, analítica e reflexiva en relación ao feito audiovisual, cun coñecemento técnico e estético das formas, procesos e tendencias da comunicación audiovisual da nosa contorna
2. Adquirir coñecementos básicos e xeralistas dos principais acontecementos e mensaxes que configuran o panorama actual dos medios audiovisuais, das representacións icónicas e acústicas e da súa evolución
3. Proporcionar un coñecemento exhaustivo das técnicas e procesos de creación e difusión audiovisuais nas súas diversas fases, así como interrelacións entre os suxeitos da comunicación audiovisual.
4.Coñecemento das metodoloxías e conceptos aplicables nas diferentes ramas de investigación, desenvolvemento e innovación da comunicación audiovisual e as futuras contornas tecnolóxicas
5. Capacidade de expresarse con claridade e coherencia nas linguas propias da súa comunidade, así como ter coñecemento doutros idiomas, en particular o inglés.

Competencias xerais

- Que os graduados e graduadas posúan e comprendan os conceptos, métodos e resultados máis importantes das distintas ramas da comunicación, con perspectiva histórica do seu desenvolvemento.
- Que sexan capaces de reunir e interpretar datos, información e resultados relevantes, obter conclusións e emitir informes razoados.
- Que poidan aplicar tanto os coñecementos teóricos-prácticos adquiridos como a capacidade de análise e de abstracción na definición e formulación de problemas e na procura das súas solucións tanto en contextos académicos como profesionais.
- Que teñan capacidade de comunicar, tanto por escrito como de forma oral, coñecementos, procedementos, resultados e ideas de comunicación tanto a un público especializado como non especializado.
- Que sexan capaces de estudar e aprender de forma autónoma, con organización de tempo e recursos, novos coñecementos e técnicas en calquera disciplina científica ou tecnolóxica.

Competencias específicas

Competencias específicas:
A adquisición equilibrada deste conxunto de saberes e destrezas garantirá ao titulado en Comunicación Audiovisual unha adecuada preparación para a súa posterior vida laboral. Un profesional especializado e tecnicamente preparado para a creación audiovisual, o deseño de produción integral e as funcións consultivas, organizativas e directivas en todo tipo de medios e soportes audiovisuais e tecnolóxicos:
1.- Director, guionista e realizador audiovisual: Profesional especializado en tarefas de guión e direción-realización nos distintos medios audiovisuais- cinematográfico, televisivo, videográfico, publicitario, radiofónico, de infografía e multimedia- con coñecementos dos procesos técnicos e artísticos. Profesional polivalente capacitado para pór en escena un proxecto, un plan de traballo e un orzamento previo.
2.- Produtor e xestor audiovisual: Profesional que deseña, planifica e organiza os recursos humanos, medios técnicos e orzamentarios para a produción de obras audiovisuais nos seus diversos formatos. Coñecer as técnicas e procesos de creación audiovisual e os mecanismos lexislativos e políticos da comunicación. En calidade de produtor executivo crea, compra dereitos, desenvolve e comercializa proxectos. Está capacitado para dirixir e xestionar unha empresa de produción audiovisual e multimedia.
3.-Deseño de produción e postprodución visual e sonora: Profesional experto no deseño de todos os aspectos vinculados ao son, a imaxe e o grafismo nas diversas fases da produción audiovisual. O seu perfil profesional tamén abarca as contornas interactivas para a creación de producións orientadas a Internet, videoxogos e contornas dixitais.
4.- Investigador, docente e experto en estudos audiovisuais: Especialista en investigación e análise de fenómenos e procesos de comunicación audiovisual. Analista das políticas e a economía do sector audiovisual, tanto a escala nacional como global. Docente nos ensinos superiores ou medias para impartir materias de comunicación e novas tecnoloxías do audiovisual

Saídas profesionais

A titulación de grao en Comunicación Audiovisual atende á formación universitaria inicial dun ámbito de coñecemento científico e académico e dun campo de exercicio profesional consolidado e amplamente estendido. Capacita para as profesións de director, guionista e realizador audiovisual; produtor e xestor audiovisual; deseñador de produción e posprodución visual e sonora, e investigador en estudos audiovisuales.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Recoñecemento actividades transversais:
Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Comunicación Audiovisual [pdf - 1138 kb][Actualizado: 8/9/10]

Número de prazas de novo ingreso: 40

Demanda do ano anterior: 9.958 nota de corte en preinscrición curso 2012-2013

Perfil de ingreso: Aínda que non se esixe ningunha formación previa específica, para o ingreso no grao en Comunicación Audiovisual recoméndase que a formación do alumno sexa a propia do perfil das Ciencias Sociais (R.D. 1467/2007, BOE do 6 de novembro, polo que se establece a estrutura do bacharelato e fíxanse as ensinanzas mínimas).

Calidades desexables do futuro estudante do grao de Comunicación Audiovisual:

-Interese polos produtos audiovisuais e polos mecanismos necesarios para a súa produción e difusión.
-Interese polas artes visuais e pola creación de obras artísticas audiovisuais.
-Interese polos medios de comunicación e polo coñecemento da actualidade.
-Capacidade de observación da contorna.

Criterios de acceso e admisión: Os xerais para as Titulacións de grao
Recoméndase que a formación do alumno sexa a propia do perfil das Ciencias Sociais

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O Traballo de fin de grao prográmase para o último cuadrimestre. Concíbese como unha materia na que cada ano a Facultade deberá ofertar as liñas referenciales dos traballos a realizar, en función das dinámicas propias dun sector en cambio e renovación constantes como é o da comunicación, os seus formatos, os seus produtos e os seus contidos; e en función, tamén, das liñas de investigación desenvolvidas desde os Departamentos adscritos ao Centro.

Prácticas en empresas: Hai un Módulo de Prácticas en empresas do sector audiovisual que se trata de períodos formativos complementarios en empresas do sector audiovisual, vinculadas á Universidade a través do convenio de prácticas USC-Empresa que regula esta actividade. As competencias que adquirirán os estudantes son as relacionadas co propio desenvolvemento da súa estancia formativa nas empresas convidas. Xunto a estas competencias específicas, os estudantes coñecerán a modo experimental a casuística do mercado laboral. O alumno realizará prácticas en empresas do sector audiovisual.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: En relación co Programas Erasmus, existen intercambios, na actualidade, coas seguintes universidades: Paris 8 (Franza), Alborg (Dinamarca), Lodz (Polonia), Tesalónica e Atenas (Grecia), Palermo (Italia) e Lisboa (Portugal). A difusión destas prazas faise por medio de reunións informativas e o sistema de taboleiro electrónico de que dispón a Facultade para todo tipo de anuncios ao alumnado. Cada ano participan na convocatoria unha media de 15 alumnos. En canto á distribución das becas Sicue-Séneca, séguese un proceso similar, téndose establecido acordos coas seguintes universidades: Autónoma de Barcelona, Sevilla, Pompeu Fabra de Barcelona, Málaga, La Laguna de Canarias, Rei Juan Carlos de Madrid, Carlos III de Madrid e País Vasco. A Facultade admite cada ano 2 alumnos dos programas de intercambio bilateral con Iberoamérica para a licenciatura de Comunicación Audiovisual. O curso 2007/08 o Centro recibiu estudantes da Universidade Federal de Pernambuco (Brasil).

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 97.7
• Taxa de éxito 10-11: 95.5
• Taxa de éxito 11-12: 96.6
• Taxa de rendemento 09-10: 93.1
• Taxa de rendemento 10-11: 90.0
• Taxa de rendemento 11-12: 89.4
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.72 (rango de valoración entre 1 e 7)
• Resultados enquisas 10-11: 4.89 (rango de valoración entre 1 e 7)
• Resultados enquisas 11-12: 3.56 (rango de valoración entre 1 e 5)