G3141443 - Experiencias de Aprendizaxe na Era Dixital (Optativas Xerais) - Curso 2013/2014

Información

• Créditos ECTS
• Créditos ECTS: 4.50
• Total: 4.5
• Horas ECTS
• Clase Expositiva: 18.00
• Clase Interactiva Laboratorio: 18.00
• Horas de Titorías: 2.25
• Total: 38.25

Outros Datos

• Tipo: Materia Ordinaria Grao RD 1393/2007
• Departamentos: Didáctica e Organización Escolar
• Áreas: Didáctica e Organización Escolar
• Centro: Facultade de Ciencias da Educación
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
FERNANDEZ DE LA IGLESIA, JOSEFA DEL CARMEN.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	NON
Grupo CLIL_01	Ordinario	Clase Interactiva Laboratorio	SI	NON
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
-Coñecer os servicios e ferramentas da web social e reflexionar sobre a súa contribución nos procesos de ensino-aprendizaxe.

-Ser capaz de definir itinerarios e fontes de formación permanente a través de creación de entornos persoais de aprendizaxe.

-Crear e dinamizar redes e comunidades educativas virtuais.
Contidos
Bloque I. A web como plataforma social para a participación, colaboración e construción colectiva do coñecemento.
. Concepto e características da web social.
. Ferramentas e servizos da web social.

Bloque II. Ámbitos persoais de aprendizaxe.
. Marco teórico
. Composición e estrutura
. Os PLEs na formación contínua do profesorado

Bloque III. Comunidades e redes sociais de aprendizaxe.
. Creación e dinamización de redes e comunidades virtuais.
. Experiencias e proxectos colaboradores apoiados en ferramentas da web social.

Bibliografía básica e complementaria
Básica:

Castañeda, L., & Adell, J. (2013). Entornos Personales de Aprendizaje: claves para el ecosistema educativo en red. Alcoy: Marfil. Recuperado de http://www.edutec.es/sites/default/files/publicaciones/castanedayadelllibrople.pdf (Consultado 03/06/2013)

Castaño, C. (2008). Prácticas educativas en entornos web 2.0. Madrid: Síntesis.

Cobo, C., Pardo Kuklinski, H. (2007). Planeta Web 2.0. Inteligencia colectiva o medios fast food. Barcelona/México DF: Grup de Recerca d'Interaccions Digitals/Universitat de Vic. Flacso México. E-book de acceso gratuito Recuperado (25-5-2013), http://www.planetaweb2.net/)

Silva Quiroz, J. (2011). Diseño y moderación de entornos virtuales de aprendizaje. Barcelona: UOC.

Complementaria:

Castañeda, L. (2007): “Software Social para la escuela 2-0: más allá de los Bogs y las Wikis”, en Inclusión Digital en la educación superior: desafíos y oportunidades en la sociedad de la información, X Congreso Internacional EDUTEC 2007. Edición electrónica. Buenos Aires: Universidad Tecnológica Nacional.

Fernández Morante, M.C. (2009): “Diseño de escenarios educativos en la Web Social. Creación y dinamización de redes y comunidades Virtuales”, en Sevillano García, M.L. y Bartolomé Crespo, D. (Dirs.): Competencias para el dominio de las tecnologías y medios de comunicación en ámbitos formativos. Madrid. UNED.

Salinas, J., Pérez, A. & de Benito, B. (2008). Metodologías centradas en el alumno para el aprendizaje en red. Madrid: Síntesis.

Sloep, P. & Berlanga, A. (2010). Redes de aprendizaje, aprendizaje en red. Comunicar, 37, 55-64. Recuperado de http://dx.doi.org/10.3916/C37-2011-02-05


Revistas online especializadas en la temática:

Pixel BIT. Revista de medios y educación. http://acdc.sav.us.es/pixelbit/

Edutec-e. Revista Electrónica de Tecnología Educativa. http://edutec.rediris.es/Revelec2/Revelec43/

Comunicar. Revista Científica de Comunicación y Educación. http://www.revistacomunicar.com
Competencias
Deseñar ou adaptar experiencias de aprendizaxe que incorporan ferramentas e recursos dixitais para promover a aprendizaxe e a creatividade.

Adaptar, personalizar/individualizar as actividades de aprendizaxe para respectar os distintos estilos de aprendizaxe, estratexias de traballo e capacidades dos estudantes utilizando ferramentas e recursos dixitais.

Manexarse autonomamente no uso dos sistemas tecnolóxicos e na transferencia do coñecemento actual a novas tecnoloxías e situacións.
Metodoloxía da ensinanza
A metodoloxía está deseñada con dous niveis ben diferenciados, pero interrelacionados estreitamente:

1. Sesións expositivas: realizaranse para todo o grupo de alumnos da materia e corresponden aos créditos teóricos. Os procedementos utilizados para traballar os bloques dentro destas sesións serán os seguintes:
- Exposición dos contidos nunha dinámica que permita a relación entre as propostas conceptuais, os avances das investigacións, os problemas da práctica e a reconstrución da experiencia persoal dos alumnos
- Dossiers bibliográficos: son unha selección de documentos representativos do contido preparados polo profesor. Serven de complemento e afondamento aos contidos expostos nas clases, é dicir, permiten a lectura e estudo individualizado sobre un tema.
-Análise de casos e documentos audiovisuais de experiencias representativas de boas prácticas.

2. Sesións interactivas (prácticas de laboratorio). Desenvólvense na aula 31. As actividades son propostas amplas de acción onde converxen aprendizaxes, contido, intencións, e os coparticipantes achegan á actividade as súas experiencias previas, o seu ámbito social e cultural, e as súas características individuais (formulacións ou esquemas sobre a sociedade, intereses persoais e profesionais, compromisos cuns valores, ideoloxía, etc.). Nelas propiciarase a implicación dos alumnos en tarefas de análise de medios, utilización dos soportes audiovisuais e informáticos e reflexión sobre as tecnoloxías da información e comunicación na educación infantil. Nestas sesións requírese a participación de forma continuada.

Utilizarase un entorno formativo en rede (Campus virtual) no que estarán dispoñibles os materiais de traballo das sesións, materiais dixitais complementarios e as producións do alumnado. Para iso, é necesario que todos os alumnos/ás teñan activo o seu correo electrónico institucional dá USC (imprescindible ao comezo da materia).

As actividades prácticas da materia materializaranse na realización de actividades nas sesións de laboratorio, das cales dous terán carácter obrigatorio na avaliación:

PRÁCTICA OBRIGATORIA 1: Dedicada a ferramentas da web social.
PRÁCTICA OBRIGATORIA 2. Dedicada á creación dun ámbito persoal de aprendizaxe.

A USC é unha Universidade presencial, polo que a asistencia ás sesións de clase é obrigatoria. Nos casos considerados na normativa da Facultade, os alumnos/ás poderán solicitar exención oficial de docencia teórica (expositiva). A comisión de docencia do centro establecerá para estes casos os protocolos necesarios para realizar un Plan titorial. Para os efectos de avaliación nestes casos faise constar que o sistema de avaliación na materia será o mesmo para alumnado con exención de docencia e alumnado asistente. O alumnado con exención de docencia debe presentarse á profesora ao inicio da materia e coordinar con ela o plan de traballo e seguimento.

Asistencia a clases e control de asistencia:
O programa inclúe clases teóricas e prácticas.
. Os profesores levarán a cabo un control de asistencias dos seus alumnos ás súas clases. As faltas de asistencia xustificadas ás clases tanto teóricas coma prácticas non eximirán o alumno do cumprimento dos requisitos establecidos no programa. Se existe un impedimento á asistencia ás clases teóricas e/ou prácticas o alumno deberá comunicalo ás profesoras.
. Dado o carácter colaborador das prácticas e a unión entre teoría e práctica, a "non asistencia" reiterada ás sesións prácticas -mesmo xustificada- que supón non participar nas actividades de aprendizaxe e tarefas deseñadas levará consigo a obriga de realizala individualmente, logo de negociación coa profesora e supervisión continuada destas.
Sistema de evaluación
A avaliación formal e a avaliación continua na nosa práctica únense no proceso de avaliación. A cualificación recolle o informe individual de progreso do alumno (tarefas realizadas nas prácticas de laboratorio e as prácticas obrigatorias), as observacións da profesora relacionadas coa práctica da aula e a proba de exame institucionalizada. As estratexias empregadas na avaliación continua, integrada de forma natural no ensino, están ligadas ás actividades da aula, ás propostas de traballo e son un rexistro do seguimento deste.

Como pode observarse, despois da lectura da proposta metodolóxica, os alumnos terán realizado actividades diversas para as cales se propoñen dous tipos de avaliación:

1. Avaliación formativa. Valorarase a participación do alumno en todas e cada unha das tarefas implicadas no seguimento continuo da materia: estudo dos materiais que fundamentan o traballo na aula, manexo e utilización de distintos medios, participación nas actividades da aula (preguntas e suxestións) e nas propostas de actividade fóra dela, seguimento continuo das clases teóricas e prácticas, asumindo as tarefas derivadas delas.

2. Avaliación sumativa. Realizarase a través dun proba escrita a nivel individual e os informes das prácticas:

A) Asistencia e participación en clase supoñen un 10% da nota o que supón 1 punto.
B) Os informes relativos ás prácticas obrigatorias e a valoración sobre o seguimento e participación en tarefas e actividades formuladas nos créditos teóricos e prácticos, supoñen un 40% da nota da materia e puntuaranse de 1 a 4. Para que a cualificación obtida se sume á da proba escrita, deberase obter polo menos unha puntuación de 2.
C) Un exame (na data prevista no calendario oficial de exames) onde os alumnos serán avaliados cunha proba escrita. Esta proba correspóndese co 50% da nota da materia e cualificaranse de 0 a 5. Para que a nota obtida se lle sume a nota das prácticas, o alumno deberá obter unha cualificación mínima de 2,5.

Os traballos individuais ou grupais dos estudantes deberán ser orixinais. Calquera traballo copiado supoñerá o suspenso da materia e a avaliación do estudante na convocatoria correspondente.

Para os efectos de avaliación, un mesmo traballo non pode ser utilizado para varias materias, agás nas actividades programadas de forma coordinada.



Tempo de estudo e traballo persoal
A aprendizaxe na materia apóiase en diferentes tipos de actividades formativas presenciais que requiren unha dedicación por parte dous alumnos fóra da aula:

As sesións expositivas requiren horas de estudo persoal do alumnado. A unión teoría e práctica nas sesións de clase esixe un esforzo de revisión e traballo sobre os materiais da sesión expositiva que se realiza o primeiro día da semana para realizar a tarefa e as actividades das prácticas de laboratorio que se realizan posteriormente na sesión interactiva.

As sesións interactivas están orientadas á adquisición de habilidades prácticas que requiren un adestramento posterior para incorporalas ao saber facer de cada alumno/a. Todas as actividades prácticas preparan o alumnado para a realización exitosa da práctica obrigatorias da materia. Ao final de cada sesión práctica o alumnado deberá consolidar mediante o adestramento e repaso das ferramentas, procedementos e habilidades adquiridas.

TITORÍAS INDIVIDUAIS E/OU DE GRUPO: desenvolveranse no despacho da profesora e en seminarios do centro e aulas especializadas (nos casos nos que fose necesario). As titorías estarán orientadas á formulación-resolución de dúbidas, resolución de problemas e revisión de tarefas ou reelaboración de informes de prácticas.
Recomendacións para o estudo da materia
- Recoméndase previo a realización da materia ter cursado a materia "Procesos de mellora e usos das TIC" (alumnos grao de educación Infantil) ou "Escola, comunidade e TIC" (alumnos grao de educación Primaria)

- Constancia no traballo ao longo do semestre: se a dedicación é continuada o alumno/a chegará ao final do semestre coa preparación necesaria para superar a materia.

- Asistencia regular ás sesións de clase que asegura ao alumno/á orientación no seu estudo por parte da profesora e a guía necesaria para abordar os bloques de contido. Tamén constitúe un espazo importante para a negociación das actividades de grupo. Nas sesións de todo o grupo formúlanse os aspectos a traballar nas prácticas de laboratorio.

- Seguimento e dedicación en todas as prácticas de laboratorio e nas prácticas obrigatorias xa sexan individuais e/ou de grupo. Velar pola calidade dos informes finais que se entrega.

- Colaboración e participación equilibrada no equipo de traballo. Planificación axeitada das tarefas de grupo (distribución de tempos, esforzos e dialogo constante coa profesora)

- Uso axeitado das titorías ao longo do semestre (revisión e seguimento de prácticas, apoio ao estudo individual)
Observacións
RESPONSABILIDADE MEDIOAMBIENTAL
En relación aos traballos persoais ou de grupo que se realicen para a materia cómpre ter en conta as seguintes indicacións:
- Evitar tapas de plástico ou outros envoltorios externos innecesarios.
- Sempre que sexa posible, empregar grampas en lugar de encanutillados.
- Imprimir a dúas caras en calidade “aforro de tinta”.
- Non empregar folios en branco como separadores de capítulos ou partes.
- Evitar anexos que non teñan referencia directa cos temas desenvolvidos.