G3081322 - Deseño e Implementación de Plans e Programas de Formación (Planificación e Desenvolvemento da Formación) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 24.00
• Clase Interactiva Laboratorio: 12.00
• Clase Interactiva Seminario: 12.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Didáctica e Organización Escolar, Métodos de Investigación e Diagnóstico en Educación
• Áreas: Didáctica e Organización Escolar, Métodos de Investigación e Diagnóstico en Educación
• Centro: Facultade de Ciencias da Educación
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
CEINOS SANZ, MARIA CRISTINA.	NON
Rego Agraso, Laura.	NON
SANJUAN ROCA, MARIA DEL MAR.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIL_01 (A-Domínguez A)	Ordinario	Clase Interactiva Laboratorio	SI	NON
Grupo CLIL_02 (Domínguez B-Pad)	Ordinario	Clase Interactiva Laboratorio	SI	NON
Grupo CLIL_03 (Pae-Z)	Ordinario	Clase Interactiva Laboratorio	SI	NON
Grupo CLIS_01 (A-González Pa)	Ordinario	Clase Interactiva Seminario	SI	NON
Grupo CLIS_02 (González Pe-Z)	Ordinario	Clase Interactiva Seminario	SI	NON
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON
Grupo TI-ECTS03	Ordinario	Horas de Titorías	NON	NON
Grupo TI-ECTS04	Ordinario	Horas de Titorías	NON	NON
Grupo TI-ECTS05	Ordinario	Horas de Titorías	NON	NON
Grupo TI-ECTS06	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
Esta materia responde de maneira directa á competencia de planificación que constitúe un
compoñente sustantivo do perfil profesional dos graduados/as en Pedagoxía. Trátase, por tanto, dunha materia teórico-práctica que pretende os seguintes obxectivos:

- Capacitar aos estudantes para realizar deseños de plans de formación.

- Coñecer as condicións necesarias para poñer en práctica plans e programas de formación.

- Analizar a realidade específica dos deseños e as prácticas curriculares e formativas de institucións/centros de diferentes contextos de intervención pedagóxica.

- Estudar e identificar os diversos enfoques e modelos de planificación da formación.

- Desenvolver e aplicar as diversas operacións e fases que require o deseño dunha proposta formativa.

- Analizar criticamente a estrutura, as dimensións e fases de propostas formativas valorando a súa coherencia interna.

- Orientar e xestionar a planificación, desenvolvemento e avaliación de plans e programas de formación.
Contidos
Estrutúranse en torno aos seguintes bloques:


1.- O deseño da formación: enfoques e modelos.

2.- A planificación da formación.

3.- Implementación de plans e accións formativas.

4.- Avaliación de plans e programas de formación.


Bibliografía básica e complementaria


BIBLIOGRAFÍA BÁSICA:

- Casanova, M. A. (2006). Diseño curricular e Innovación educativa. Madrid: La Muralla.

- Casarini, M. (2004). Teoría y diseño curricular. México: Trillas.

- Domínguez, R. y Lamata, R. (coords.) (2003). La construcción de procesos formativos en educación no formal. Madrid: Narcea.

- Estebaranz, A. (coord.) (2000). Construyendo el cambio: perspectivas y propuestas de innovación educativa. Sevilla: Universidad de Sevilla.

- Medina, A. y Salvador, F. (2009). Didáctica General. Madrid: Pearson.

- Medina, A. y Sevillano, M. L. (2010). Diseño, desarrollo e innovación del currículum. Madrid: Universitas.

- Tejada, J. y Giménez, V. (2007). Formación de formadores. Madrid: Thomnson.

- Zabalza, M. A. (2007). Diseño y desarrollo curricular. Madrid: Narcea.


BIBLIOGRAFÍA COMPLEMENTARIA:

- López Camps, J. (2005). Planificar la formación con calidad. Barcelona: CissPraxis.

- Monclús, A. (dir.) (2000). Formación y empleo: enseñanza y competencias. Granada: Comares.

- Moriña, A. (2008). ¿Cómo hacer que un centro educativo sea inclusivo?: análisis del diseño, desarrollo y resultados de un programa formativo, Revista de Investigación Educativa, 26 (2), 521-538.

- Paredes, J. y Herrán, A. de la (coords.) (2009). La práctica de la innovación educativa. Madrid: Síntesis.

- Tejada, J. e Torre, S. de la (1995). La innovación en los centros educativos de Cataluña, Innovación Educativa, 5, 99-114.

- Zabalza, M. A. y Álvarez, Q. (1985). Introducción a la comunicación didáctica. Santiago de Compostela: Tórculo.

Competencias
a) Competencias da titulación ás que contribúe a materia

5 T Implicarse activamente na toma de decisións.
2.1 E Deseñar plans, programas e accións adaptadas aos distintos niveis do sistema
educativo nas modalidades presenciais, semipresenciais e virtuais.
2.2 E Deseñar medios e recursos educativos adaptados e contextualizados ás necesidades
educativas.
2.3 E Deseñar plans de formación, programas e propostas innovadoras de formación e
desenvolvemento dos profesionais e dos recursos formativos.
5.1 E Asesoramento a persoas e/ou grupos nos procesos educativos e formativos.
6.3 E Deseñar, desenvolver e avaliar programas orientadores de inserción laboral.

b) Competencias específicas da materia

- Posuír unha visión global do que é o deseño curricular: a súa filosofía, os seus enfoques, as súas ferramentas conceptuais e operativas.
- Realizar as operacións precisas para a construción dun plan de formación
axeitado ao contexto e aos suxeitos aos que vaia destinado.
- Saber analizar e valorar proxectos formativos xa deseñados e implementados.
- Saber empregar diversos modelos (tecnolóxico e comunicacional) na análise de
plans e/ou accións formativas reais a través do visionado de gravacións, o estudo de
casos e/ou de incidentes críticos.
- Coñecer e aplicar as bases teóricas e instrumentais da innovación escolar e a
dinamización das institucións de formación.
Metodoloxía da ensinanza
Esta materia está concibida como un proceso que combina teoría e práctica.

O desenvolvemento desta materia implica a realización de clases expositivas dirixidas a todo o grupo de alumnos/as nas que se presentará e expoñerán os contidos (20 h. aprox.). Nestas sesións, presentaranse tamén as fontes bibliográficas e documentais necesarias para o estudo autónomo do alumno/a.

Nas sesións interactivas, da materia levaranse a cabo diferentes actividades individuais e/ou grupais cun carácter práctico e aplicado, entre as que destacan: análise de documentos e de experiencias, así como a elaboración de proxectos formativos (20 h. aprox.).

Realizaranse prácticas de campo (fundamentalmente, visitas a centros), as cales serán unhas de carácter obrigatorio e outras voluntarias. O desenvolvemento destas sesións terá lugar fora do horario de clase establecido.

As titorías terán un carácter fundamentalmente personalizado ou en pequenos grupos e realizaranse no horario especificamente dedicado a tal fin polas profesoras da materia.

Entre as actividades de titoría e avaliación investiranse 10 h. de dedicación.
Sistema de evaluación
Tomando como referencia os obxectivos e as competencias do programa, así como a preparación inicial do alumnado, a avaliación terá un carácter procesual e formativo ao longo do semestre.

Para a avaliación final, teranse en conta os seguintes elementos:

1.- Realización dunha proba final sobre os contidos desenvolvidos nas sesións de clase, que representará o 50% da cualificación global. Será imprescindible alcanzar unha nota mínima nesta proba de 2,5 puntos para ter en consideración os outros compoñentes da avaliación.

2..- Realización de traballos prácticos:
2.1.- Deseño dun proxecto formativo en pequeno grupo (5 persoas). Representará un 30% da cualificación. A realización deste traballo requirirá un seguimento deste por parte das profesoras da materia.
2.2.- Actividades prácticas de aula (análise de documentos, estudos de casos..). Representarán un 20% da cualificación.
NOTA: A realización de traballos, de ser o caso, poderá implicar outras materias.

O carácter presencial desta materia implica a asistencia asidua ás sesións de clase, salvo os supostos oficialmente considerados (exención de docencia). Neste suposto, os alumnos/as con exención de docencia realizarán o proxecto formativo e as prácticas de aula de xeito individual.

Para obter unha valoración positiva na materia será preciso ter realizado e entregado en prazo todas as actividades de avaliación especificadas e superar cada unha das partes que constitúen a avaliación da materia.

Os traballos individuais ou grupais deberán ser orixinais. Calquera traballo copiado suporá o suspenso da materia na correspondente convocatoria. Para efectos avaliativos, un mesmo traballo non pode ser utilizado para varias materias, salvo que se programasen de forma coordinada.

Os proxectos formativos e prácticas entregadas na convocatoria ordinaria que obtiveran unha calificación positiva manterán dita calificación para a convocatoria de Xullo. Nembargantes, aqueles alumnos/as que non realizasen ditos traballos e/ou obtivesen unha calificación de suspenso nos mesmos, serán avaliados, na convocatoria de Xullo, a partir dunha proba escrita, a cal representará o 100% da avaliación.

Tempo de estudo e traballo persoal
Actividades presenciais (50 horas):

- Clases expositivas: 20 horas
- Sesións interactivas: 20 horas
- Titorías e avaliación: 10 horas

Traballo persoal do estudante (100 horas):

- Estudo: 30 horas
- Realización de traballos prácticos: 50 horas
- Titorías e avaliación: 20 horas.
Recomendacións para o estudo da materia

Para poder acadar os propósitos formativos desta materia é preciso que os estudantes cursasen antes a materia de Didáctica que senta as bases conceptuais precisas para as operacións de deseño e implementación de plans de formación.
Observacións
SISTEMA DE AVALIACIÓN DA APRENDIZAXE:

Os traballos individuais ou grupais deberán ser orixinais. Calquera traballo copiado suporá o suspenso da materia na correspondente convocatoria. Para efectos avaliativos, un mesmo traballo non pode ser utilizado para varias materias, salvo que se programasen de forma coordinada.

ASISTENCIA A CLASE:

O Consello de Goberno de 25 de marzo de 2010 aprobou a Normativa de asistencia a clase nas ensinanzas adaptadas ao EEES
(http://www.usc.es/export/sites/default/gl/normativa/descargas/normaasistenclase.pdf).
Na mesma, expóñense os beneficios da asistencia á clase, entre eles facilita unha “mellor comprensión da materia, a adquisición de competencias en grupos e individuais, a aprendizaxe continua, a interacción directa con outros alumnos e alumnas ou a posibilidade dunha metodoloxía docente-discente máis participativa”. Cabe lembrar que a USC é unha universidade presencial, polo que a asistencia a un mínimo do 80% das sesións de clase é obrigatoria. Nos casos contemplados na normativa da Facultade, os/as alumnos/as poderán solicitar exención oficial de docencia.

RESPONSABILIDADE MEDIOAMBIENTAL:

En relación aos traballos persoais ou de grupo que se realicen para a materia teranse en conta as seguintes indicacións:
- Evitar tapas de plástico ou outros envoltorios externos innecesarios.
- Sempre que sexa posible empregar grampas en lugar de encanutillados.
- Imprimir a dúas caras en calidade “aforro de tinta”.
- Non empregar folios en branco como separadores de capítulos ou partes.
- Evitar anexos que non teñan referencia directa cos temas desenvolvidos.