G3081329 - Prácticum en Pedagoxía I. Deseño de Proxectos Educativos (Prácticum) - Curso 2013/2014

Información

• Créditos ECTS
• Créditos ECTS: 12.00
• Total: 12.0
• Horas ECTS
• Clase Interactiva Seminario: 186.00
• Total: 186.0

Outros Datos

• Tipo: Prácticum Grao RD 1393/2007
• Departamentos: Psicoloxía Evolutiva e da Educación, Didáctica e Organización Escolar, Teoría da Educación, Historia da Educación e Pedagoxía Social, Psicoloxía Social, Básica e Metodoloxía, Métodos de Investigación e Diagnóstico en Educación, Socioloxía
• Áreas: Psicoloxía Evolutiva e da Educación, Didáctica e Organización Escolar, Teoría e Historia da Educación, Psicoloxía Social, Métodos de Investigación e Diagnóstico en Educación, Socioloxía
• Centro: Facultade de Ciencias da Educación
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
ABEAL PEREIRA, CRISTINA.	NON
CAMBEIRO LOURIDO, MARIA DO CARMEN.	SI
GARCIA ANTELO, BEATRIZ.	NON
GODAS OTERO, AGUSTIN.	NON
Guisande Couñago, María Adelina.	NON
Jato Seijas, Elisa.	NON
RADL PHILIPP, RITA MARIA.	NON
ROSALES LOPEZ, CARLOS.	NON

Horarios

Nome	Tipo Grupo	Tipo Docencia	Horario Clase	Horario exames
Grupo CLIS_01	Ordinario	Clase Interactiva Seminario	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
1) Desenvolver habilidades comunicativas e de traballo grupal.

2) Coñecer e aplicar técnicas de observación do contexto profesional.

3) Analizar necesidades e demandas formativas e laborais en contextos experienciais.

4) Deseñar propostas de intervención axustadas ás necesidades e demandas das institucións e da poboación destinataria.

5) Elaborar e redactar informes, memorias técnicas e propostas de intervención.

Contidos
1) Mellora das relacións interpersoais e desenvolvemento de habilidades de comunicación interpersoal.

2) Observación da situación contextual e das dinámicas de traballo institucional.

3) Análise e identificación de necesidades.

4) Selección de técnicas e recursos adaptadas ás necesidades do contexto e ás demandas das persoas destinatarias.

5) Deseño de programas, accións ou actividades no contexto de prácticas.

6) Actitude responsable no uso das técnicas e recursos institucionais.

7) Elaboración e redacción de memoria técnica sobre o traballo desenvolvido.

Bibliografía básica e complementaria
Álvarez Rojo, V. (coord.) (2002). Diseño y evaluación de programas. Madrid: EOS.

Expósito, J. y Olmedo, E. (2006). La evaluación de programas. Teoría, investigación y práctica. Granada: Grupo Editorial Universitario.

Froufe, S. y Sánchez Castaño, M. A. (1994). Planificación e intervención socioeducativa. Salamanca: Amarú Ediciones.

Gavari, E. (Coord.) (2007). Estrategias para la intervención educativa: Practicum. Madrid: Centro de Estudios Ramón Areces.

A bibliografía ampliarase e concretarase durante o desenvolvemento da materia.
Competencias
1) Aplicar os coñecementos teóricos e metodolóxicos necesarios para a planificación, programación e avaliación de accións formativas en ámbitos presenciais e virtuais, así como para a organización, desenvolvemento e xestión de programas e equipos educativos.

2) Elaborar, xestionar e/ou facer uso directo dos recursos documentais, metodolóxicos e materiais que comporte o desenvolvemento da súa profesión e que poderán concretarse na redacción e difusión de informes, utilización de estratexias e métodos educativos, equipamentos e infraestruturas, etc.

3) Relacionarse con outras persoas e grupos, con especial énfase no traballo en equipo e na colaboración con outros profesionais.

4) Demostrar profesionalidade integrando teoría e práctica.

5) Deseñar plans de formación, programas e propostas innovadoras de formación e desenvolvemento dos profesionais e dos recursos formativos.

6) Deseñar, desenvolver e avaliar programas orientadores de inserción laboral.

7) Diagnosticar as necesidades educativas de desenvolvemento educativo das persoas e das organizacións.

Metodoloxía da ensinanza
Esta materia centrarase fundamentalmente na observación e análise da realidade social e institucional e no deseño de intervencións educativas específicas como resposta ás necesidades concretas detectadas nun contexto real.

A realización do Prácticum I a nivel metodolóxico supoñerá catro fases: 1ª de accións preparatorias; 2ª de intervención práctica; 3ª de elaboración da memoria e a proposta de intervención e 4ª de avaliación. As diversas fases do practicum e as accións que se desenvolverán nestas serán explicadas en detalle tanto na presentación da materia coma durante o curso por cada un dos/as profesores/as encargados/as de supervisar o alumnado en prácticas.

Sistema de evaluación
A avaliación será continua ao longo do curso e teranse en conta, principalmente, os seguintes elementos:

- Asistencia e participación nas sesións presenciais e nas titorías cos supervisores/as que se fixen previamente.

- Realización e entrega en prazo dos traballos que se consideren obrigatorios.

- Cumprimento de prazos e procedementos en todas as fases do proceso de realización do Practicum.

- Valoración dos titores/as das institucións nas que o alumnado desenvolve a súa estancia de prácticas.

PERIODO DE ESTADIA. Atendendo ao contemplado no artigo 3.5 da "Resolución do 15 de xuño de 2011, pola que se publica a Normativa de avaliación do rendemento académico dos estudantes e de revisión de cualificacións", o alumnado que tendo asistido ás sesións expositivas e titorías obrigatorias, desenvolto adecuadamente o seu periodo na institución, e tendo un informe favorable do titor/a da institución, non entregue a memoria na data fixada para a oportunidade de maio nin de xullo, ou esta non se avalíe positivamente, no curso 14-15 non terá que volver a desenvolver o seu practicum na mesma ou noutra institución, manténdose a cualificación correspondente aos apartados 1, 2 e 3, debendo só elaborar a memoria de practicum para ser avaliado/a.

Tempo de estudo e traballo persoal
A proporción de tempo estimado de dedicación do/a estudante é:
Actividades presenciais (50 horas).
Presentación do programa, deseño de proxectos, titorías de curso, avaliación.

Traballo persoal do/a estudante (250 horas).
Estudo, lectura, documentación, prácticas institucionais, elaboración da memoria e o proxecto de intervención, autoavaliación e valoración final do Practicum.

Recomendacións para o estudo da materia
Requisito previo: Para que o alumnado poida cursar o Practicum I é requisito ter superado a materia de “Contextos Educativos”.
Observacións
É obrigatorio realizar a estancia de Practicum no período establecido no calendario aprobado pola Xunta de Facultade ou pola Comisión Permanente.