G3091227 - Servizos Educativos e Culturais na Educación Social (Contextos en Educación Social) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 24.00
• Clase Interactiva Seminario: 24.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Teoría da Educación, Historia da Educación e Pedagoxía Social
• Áreas: Teoría e Historia da Educación
• Centro: Facultade de Ciencias da Educación
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
Caballo Villar, Maria Belen.	SI
Merelas Iglesias, Tania.	NON

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIS_01	Ordinario	Clase Interactiva Seminario	SI	NON
Grupo CLIS_02	Ordinario	Clase Interactiva Seminario	SI	NON
Grupo CLIS_03	Ordinario	Clase Interactiva Seminario	SI	NON
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON
Grupo TI-ECTS03	Ordinario	Horas de Titorías	NON	NON
Grupo TI-ECTS04	Ordinario	Horas de Titorías	NON	NON
Grupo TI-ECTS05	Ordinario	Horas de Titorías	NON	NON
Grupo TI-ECTS06	Ordinario	Horas de Titorías	NON	NON
Grupo TI-ECTS07	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
® Ofrecer o soporte teórico necesario para comprender a realidade e funcións das institucións, entidades, equipamentos, servizos e recursos educativos e culturais, especialmente nas realidades locais.

® Coñecer a realidade e potencialidades dos equipamentos e servizos educativos e culturais máis frecuentes, tanto de titularidade pública como privada, destacando as funcións profesionais desenvolvidas polos educadores e educadoras sociais nos mesmos.

Contidos
1. A crise do Estado do Benestar e as políticas educativo-culturais: novas perspectivas para a Educación Social.
1.1. A redefinición do papel dos axentes sociais (públicos e privados) nunha sociedade relacional. A súa influencia nos servizos educativos e culturais.
2. Equipamentos e recursos educativos e culturais na acción comunitaria. Tipoloxía, características, funcións e programas.
3. Os servizos educativos e culturais na calidade de vida das comunidades: identificación, concepto e tipoloxías.
4. O papel das educadoras e educadores sociais nos equipamentos e servizos educativos e culturais.

Bibliografía básica e complementaria
Asensio, M. e Pol, E. (2002): Nuevos escenarios en educación. Aprendizaje informal sobre el patrimonio, los museos y la ciudad. Buenos Aires: Aique.
Bosch, E. (2008, ed.): Educación y vida urbana: 20 años de Ciudades Educadoras. Madrid: Santillana.
Caballo, M.B. (coord., 2009): O Eixo Atlántico: un territorio educador, unha comunidade educativa. Eixo Atlántico do Noroeste Peninsular: Vigo.
Candedo, M.D. (2002, coord.): A acción municipal en cultura, deportes e xuventude na provincia da Coruña. Deputación de A Coruña.
Caride, J.A. (2000, coord.): Educación social y políticas culturales. Santiago de Compostela: Tórculo.
FEMP (2008): Guía del concejal de educación. Manual de consulta para gobernantes y técnicos. Madrid: Federación Español ade Municipios y Provincias.
Fundación Kaleidos.red (2008): Equipamientos municipales de proximidad: metodologías para la participación ciudadana. Gijón: Trea.
López de Aguileta, I. (2000): Cultura y ciudad: manual de política cultural municipal. Gijón: Trea.
Lorenzana, C. (coord., 2002): Tomamos la palabra. Experiencias de ciudadanía participativa. Barcelona: Icaria Editorial.
Luque, P.A. (coord., 2002): Educación Social. Análisis de recursos comunitarios. Sevilla: Secretariado de Publicaciones de la Universidad de Sevilla.
Pastor, M.I. (2004): Pedagogía museística. Nuevas perspectivas y tendencias actuales. Barcelona: Ariel.
Pérez Rúa, M., Caballo, M.B. e Montero, P. (coords. 2006): Asociacionismo e participación cidadá: análise e propostas. A Coruña: Deputación da Coruña.
Pose, H. (2006): La cultura en las ciudades. Un quehacer cívico-social. Barcelona: Graó.
Revista Galega de Educación (2011), nº 49. Monográfico Concellos e educación.
Serantes, A. (2005): Guía dos equipamentos para a Educación Ambiental na Galiza e doutras instalacións para a divulgación do patrimonio. A Coruña: Ceida.
Subirats, J. (coord., 2002): Gobierno local y educación. La importancia del territorio y la comunidad en el papel de la escuela. Barcelona: Ariel.
Varios (2000): Los centros cívicos ante el nuevo milenio. Nuevos retos de participación, descentralización y territorio. Madrid: Miraguano.
Varios (2006): El público y la biblioteca. Metodologías para la difusión de la lectura. Gijón: Trea.

Revistas
Educación Social. Revista de Intervención Socioeducativa
Galeduso. Revista do Colexio de educadoras/es sociais de Galicia http://www.colexioeducadores.com/galeduso.asp.
Interea Visual http://www.usc.es/sepa/gl/intereavisual.htm
Pedagogía Social. Revista Interuniversitaria. http://www.uned.es/pedagogiasocial.revistainteruniversitaria/
Competencias
Competencias da titulación ás que contribúe a materia:
• Ter capacidade para analizar as realidades sociopolíticas, económicas, educativas, culturais e lingüísticas nas que se desempeña o labor profesional dos educadores sociais, tanto en termos diagnósticos como prospectivos.
• Elaborar, xestionar e/ou facer uso directo dos recursos documentais, metrodolóxicos e materiais que comporte o desenvolvemento da súa profesión y que poderán concretarse na redacción e difusión de informes, utilización de estratexias e métodos educativos, equipamentos e infraestruturas, etc.


Competencias específicas da materia:
1. Que os alumnos e alumnas coñezan os diferentes servizos educativos e culturais, así como os equipamentos e recursos educativos existentes.
2. Que os alumnos e alumnas adquiran habilidades para traballar en equipos e sensibilizar sobre a necesidade de desenvolver accións con distintos axentes, institucións, administracións públicas, asociacións e demais profesionais da acción local.
3. Que os alumnos e alumnas estean capacitados para promocionar e xestionar servizos educativos e culturais en colaboración coa administración pública e privada.

Metodoloxía da ensinanza
A metodoloxía de traballo nesta materia comprenderá os seguintes elementos, en ocasións, compartidos con outras materias do semestre:
• Sesións expositivas, por parte do profesorado e/ou alumnado, dos contidos teórico-conceptuais recollidos no programa.
• Sesións tipo ‘forum’ (video, libro, disco, cine...) que tomen como referencia os servizos, equipamentos e recursos educativos e/ou culturais.
• Outras dinámicas que posibiliten a implicación activa, a participación e o diálogo do estudantado no traballo dos contidos referidos no programa (debate sobre artigos de prensa, construción de mapas conceptuais, análise de casos prácticos...).
• Prácticas de campo, que se concretarán na visita a equipamentos e servizos educativos e culturais de interese para a adquisición das competencias desta materia; saídas que poden ser deseñadas e desenvolvidas de xeito coordinado con outras materias do semestre.
• Realización de titorías individuais e grupais para acompañar o proceso de ensino-aprendizaxe.

A materia conta cun dossier documental básico que sirve de apoio e reforzo aos contidos traballados nas clases, tanto de carácter expositivo como interactivo.
A aula virtual servirá como espazo de traballo para a difusión de información e materiais, envío de avisos, etc.

Sistema de evaluación
A avaliación desta materia contémplase como resultante da integración de diversas dinámicas e procesos de traballo (individual e colectivo):


- Participación activa nas sesións de aula, prácticas de aula e prácticas de campo (20%).
No marco desta materia as prácticas -agás algunha excepción puntual- iniciaranse e concluiranse no tempo de clases interactivas. Asemade, realizaranse, fundamentalmente, en grupo.
- Desenvolvemento, presentación e debate na aula dun traballo grupal (mínimo 4 persoas, máximo 5) de estudo, análise e valoración de un servizo e/ou equipamento educativo e/ou cultural (30%)
- Exame (50%)


Para obter unha valoración positiva na materia, deberán estar realizadas e entregadas en prazo todas as actividades de avaliación especificadas anteriormente, así como superar cada una delas. Estes criterios manteranse en todas as convocatorias do curso académico.

- Os traballos individuais ou grupais dos estudantes deberán ser orixinais. Calquera traballo copiado suporá un suspenso da materia e a avaliación do alumno ou alumna na seguinte convocatoria.

- A efectos avaliativos, un mesmo traballo non poderá ser utilizado para varias materias, excepto naquelas actividades programadas de forma coordinada.


No caso do alumnado con exención oficial de docencia a avaliación axustarase aos seguintes requisitos:
- Traballo individual monográfico sobre o dossier documental da materia (20%)
- Traballo individual de estudo, análise e valoración dun servizo e/ou equipamento educativo e/ou cultural (30%)
- Exame (50%)
Tempo de estudo e traballo persoal
Esta materia contempla 50 horas de traballo presencial, nas que se inclúen as clases expositivas (presentación e explicación de temas), as prácticas de seminario (estudos de casos, sesións tipo forum, etc.) e as titorías de traballo de curso (para a orientación e seguimento do traballo dos estudantes).

O tempo de traballo persoal do estudante supón 100 horas, e dedícase a actividades de carácter individual e en pequeno grupo como lectura de documentos, elaboración de informes, análise de casos, estudo persoal,...

Recomendacións para o estudo da materia
Recomendacións para o estudo da materia:

Para lograr unha axeitada adquisición das competencias desta materia, fanse as seguintes recomendacións:

- Participación activa e continuada nas sesións de clase desde o inicio da materia.
- Implicación no desenvolvemento das diferentes dinámicas que se promovan.
- Realizar lecturas complementarias de artigos, libros, etc. sobre a temática desta materia.
- Acometer a realización de traballos obrigatorios –individuais e grupais–, axustándose ós ós prazos que se establezan.
- Facer uso das titorías para favorecer o proceso de aprendizaxe dos contidos da materia.


Observacións
Observacións
ASISTENCIA A CLASE
O Consello de Goberno de 25 de marzo de 2010 aprobou a Normativa de asistencia a clase nas ensinanzas adaptadas ao EEES
(http://www.usc.es/export/sites/default/gl/normativa/descargas/normaasistenclase.pdf).
Na mesma expóñense os beneficios da asistencia á clase, entre eles facilita unha “mellor comprensión da materia, a adquisición de competencias en grupos e individuais, a aprendizaxe continua, a interacción directa con outros alumnos e alumnas ou a posibilidade dunha metodoloxía docente-discente máis participativa”. Cabe lembrar que a USC é unha universidade presencial, polo que a asistencia a un mínimo do 80% das sesións de clase é obrigatoria. Nos casos contemplados na normativa da Facultade, os/as alumnos/as poderán solicitar exención oficial de docencia.

RESPONSABILIDADE MEDIOAMBIENTAL
En relación aos traballos persoais ou de grupo que se realicen para a materia ter en conta as seguintes indicacións:
- Evitar tapas de plástico ou outros envoltorios externos innecesarios.
- Sempre que sexa posible, empregar grampas en lugar de encanutillados.
- Imprimir a dúas caras en calidade “aforro de tinta”.
- Non empregar folios en branco como separadores de capítulos ou partes.
- Evitar anexos que no teñan referencia directa cos temas desenvolvidos.


Recoméndase ao alumnado que lea con atención a "Guía práctica do estudantado" elaborada pola Vicerreitoría de Estudantes, Cultura e Formación Continua da USC, e dispoñible no enlace http://www.usc.es/export/sites/default/gl/goberno/vrestudantes/descargas/Guia_practica_do_estudantado.pdf