G3141458 - Francés: Comprensión e Expresión Oral (Optativo Mención en Lingua Estranxeira: francés) - Curso 2013/2014

Información

• Créditos ECTS
• Créditos ECTS: 4.50
• Total: 4.5
• Horas ECTS
• Clase Expositiva: 18.00
• Clase Interactiva Seminario: 18.00
• Horas de Titorías: 2.25
• Total: 38.25

Outros Datos

• Tipo: Materia Ordinaria Grao RD 1393/2007
• Departamentos: Filoloxía Francesa e Italiana, Didáctica Lingua e Literatura e das Ciencias Sociais
• Áreas: Filoloxía Francesa, Didáctica da Lingua e a Literatura
• Centro: Facultade de Ciencias da Educación
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
Conde Tarrio, German.	NON
Rio Corbacho, Maria Pilar.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIS_01	Ordinario	Clase Interactiva Seminario	SI	NON
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Francés

Obxectivos da materia
- Detectar os posibles erros fonéticos do alumnado e programar actividades para corrixir estas carencias.

- Ser quen de recoñecer todos os sons do francés, primeiro os vocálicos e despois os consonánticos.

- Pronunciar aceptablemente todos os sons do francés: primeiro individualmente, despois dentro dunha palabra, frase, texto, etc.

- Coñecer o sistema fonético francés e buscar as diferenzas co sistema fonético castelán e galego.

- Saber realizar a transcrición fonética de calquera texto oral ou escrito.

- Ser quen de resumir oralmente o contido dunha conversación ou dun texto escoitado ou lido.

- Ser quen de comunicarse con locutores nativos, usando o rexistro axeitado a cada situación co ritmo e a entoación apropiados.

Contidos
1. A lingua como instrumento de comunicación entre as persoas e os pobos. A comunicación oral na clase de lingua estranxeira.

2. A fonética da palabra: o vocalismo (comparación co castelán e co galego), as semivogais ou semiconsoantes, as consoantes (comparación co castelán e co galego). O Alfabeto Fonético Internacional (AFI)

3. A fonética da frase: o acento, o ritmo, a entoación, o encadeamento de palabras. A liaison.

4. A fonética e a didáctica. A fonética correctiva: o método articulatorio, comparatista, de oposicións fonolóxicas e verbo-tonais. O ensino da pronunciación francesa para alumnos españois.

Bibliografía básica e complementaria
Bibliografía básica:
ABRY, D. et VELDEMAN-ABRY, J. (2007): La phonétique: audition, prononciation, correction. Paris: CLÉ International.
BRETOS BÓRNEZ, J., BÉNIT, A. y TEJEDOR DE FELIPE, D. (2001): De la prononciation à la graphie: tableaux de phonétique du français contemporain (suivis d'exercices de transcription phonétique et leurs corrigés). Madrid: Ediciones de la Universidad Autónoma de Madrid.
DONOHUE-GAUDET, M.-L. (1997): Le vocalisme et le consonantisme français: règles fondamentales et exercices. Paris: Librairie Delagrave.
DUFLOT, C. et TOMÉ, M. (2005): Cahier de prononciation française. Exercices pour les étudiants espagnols. León: Universidad de León (http://www3.unileon.es/dp/dfm/flenet/phon/indexphon.html).
LAURET, B (2007): Enseigner la prononciation: questions et outils. Paris: Hachette.

Bibliografía complementaria:
BARIL, D. (2008): Techniques de l'expression écrite et orale. Paris: Sirey; 11e éd.
CHARLIAC, L. et MOTRON, A.-Cl. (2007): Phonétique progressive du français - Niveau Intermédiaire (+ 3 CD audio). Paris: CLE International.
ESPUNY, J. y FERRERES MASPLÀ, F. (1998): Introduction à la matière phonique du français. Théorie et exercices. Barcelona: Universitat de Barcelona.
GUIMBRETIÈRE, É. (1994, éd 2012): Phonétique et enseignement de l'oral. Paris: Didier / Hatier.
LÉON, P. (2007): Phonétisme et prononciation du français: avec des travaux pratiques d'application et leurs corrigés. Paris: Armand Colin; 5e éd.
MARTINE, B. et WACHS, S. (2006): Phonétiques en dialogues. Paris: CLÉ International.
MARTINS, C. et MABILAT, J.-J. (2004): Sons et intonation. Exercices de prononciation (+ 3 CDs). Paris: Didier.
TOMÉ, M. (1994): Fonética francesa para uso de estudiantes españoles. León: Universidad de León.
VANDENDRIESSCHE, A. et FILLIOLET, C. (2010): La phonétique par les textes (+ CD). Paris: Belin.
WARNANT, L. (1996): Orthographe et prononciation en français. Louvain-la Neuve: Duculot.

Referencias Webs:
- http://www.unil.ch/ling/page12580.html (Cours de phonétique).
- http://www3.unileon.es/dp/dfm/flenet/phonactivites.html (Phonétique / activités).
- http://phonetique.free.fr/alpha.htm (activités)

Competencias
Competencias e resultados da aprendizaxe que o/a estudante debe adquirir:

1. Competencias xerais (G):
- G1. Coñecer as áreas curriculares da Educación Primaria, a relación interdisciplinar entre elas, os criterios de avaliación e o corpo de coñecementos didácticos ao redor dos procedementos de ensinanza e aprendizaxe respectivos.

- G5. Fomentar a convivencia na aula e fóra dela, resolver problemas de disciplina e contribuír á resolución pacífica de conflitos. Estimular e valorar o esforzo, a constancia e a disciplina persoal nos estudantes.

- G11. Coñecer e aplicar nas aulas as tecnoloxías da información e da comunicación. Discernir selectivamente a información audiovisual que contribúa ás aprendizaxes, á formación cívica e á riqueza cultural.

2. Competencias específicas (E) da materia:
- E51. Afrontar situacións de aprendizaxe de linguas en contextos multilingües.

- E52 Expresarse, oralmente e por escrito nunha lingua estranxeira.

- E53 Desenvolver e avaliar contidos do currículo mediante recursos didácticos axeitados e promover as competencias correspondentes dos estudantes.

3. Competencias básicas (B):
- B1. Que os estudantes demostrasen posuír e comprender coñecementos nunha área de estudo que parte da base da educación secundaria xeral, e se adoita encontrar a un nivel que, se ben se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.

- B2. Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.

- B4. Que os estudantes poidan transmitir información, ideas, problemas e solucións a un público tanto especializado como non especializado.

4. Competencias transversais (T):
- T1. Coñecemento instrumental de linguas estranxeiras.
Metodoloxía da ensinanza
Nas clases presenciais combínanse a exposición teórica por parte do profesor coas actividades prácticas desenvolvidas por esta e o alumnado.

As actividades en grupo expositivo constarán de:
- Actividade expositiva.

- Práctica en grupo clase.

- Presentación dun plan de traballo.

- Realización de proba escrita.

As actividades en grupo interactivo serán realizadas en base a:
- Resolución de problemas.

- Exposicións na aula.

- Debates.

- Proxectos e traballos.

As actividades en pequeno grupo consistirán en:
- Reflexión traballo grupo.

- Discusión de proxectos.

Sistema de evaluación
A avaliación levarase a cabo en función do seguinte esquema:
- Participación na aula (G3, E1, E2, B1, B2, B4, T1): 10%

- Probas específicas (G1, G3, G11, E1, E2, B1, B2, T1): 50%

- Informes escritos e outras producións (G1, E1, E2, B1, B2, T1): 10%

- Presentacións orais (G1, G11, E1, E2, B1, B2, T1): 30%

A asistencia ás sesións de clase nos diferentes grupos, a implicación nas actividades programadas, así como a entrega en tempo e forma dos traballos propostos, será polo tanto condición necesaria para a superación da materia.

Tempo de estudo e traballo persoal
1. HORAS PRESENCIAIS: 38.5 horas.
1.1. Actividades en grupo expositivo (18 horas):
1.1.1. Actividade expositiva.

1.1.2. Práctica en grupo clase.

1.1.3. Presentación dun plan de traballo.

1.1.4. Realización de proba oral e escrita.

1.2. Actividades en grupo interactivo (18 horas):
1.2.1. Resolución de problemas.

1.2.2. Estudo de casos.

1.2.3. Debates.

1.2.4. Proxectos e traballos.

1.3. Actividades en pequeno grupo ou individuais (2.5 horas):
1.3.1. Reflexión traballo grupo.

1.3.2. Discusión de proxectos.

2. HORAS DE TRABALLO AUTÓNOMO: 74 horas.
2.1. Actividades en grupo expositivo (26 horas):
2.1.1. Lectura de documentos.

2.1.2. Estudo.

2.1.3. Preparación de probas orais e escritas.
2.2. Actividades en grupo interactivo (34 horas):
2.2.1. Lectura de documentos.

2.2.2. Preparación de presentacións.

2.2.3. Busca de información complementaria.

2.2.4. Reflexión en pequenos grupos.

2.3. Actividades en pequeno grupo ou individuais (14 horas):
2.3.1. Resolución de dúbidas.

2.3.2. Discusión de proxectos e traballo en pequeno grupo.

2.3.3. Actividades de autoavaliación.

HORAS TOTAIS: 112,5.

Recomendacións para o estudo da materia

• Estar interesado/a pola lingua e a cultura francesa ou francófona.

• Mostrar disposición e interese cara outras linguas e sistemas culturais.
Observacións
O obxectivo desta materia é acadar o nivel B2 do MCERL, polo que é conveniente ter o nivel B1; sen embargo, admitirase alumnado con nivel A2.

Para a superación desta materia, o alumnado deberá asistir, polo menos, a un 80% das clases presenciais (salvo aqueles alumnos con exención de docencia concedida polo Centro).

Por outra parte, tamén se esixirá a entrega e/ou presentación, en tempo e forma, dos traballos e informes que se determinen na aula, así como a realización das probas orais e/ou escritas que se fixen no seu momento.

O alumnado con exención de docencia terá que presentar os mesmos traballos e/ou informes esixidos ao grupo clase. Así mesmo deberá realizar unha proba oral e/ou escrita sobre diferentes cuestións do programa na data que o Centro determine.

En relación aos traballos persoais ou de grupo que se realicen para a materia cómpre ter en conta as seguintes indicacións:
- Evitar tapas de plástico ou outros envoltorios externos innecesarios.
- Sempre que sexa posible, empregar grampas en lugar de encanutillados.
- Imprimir a dúas caras en calidade “aforro de tinta”.
- Non empregar folios en branco como separadores de capítulos ou partes.
- Evitar anexos que non teñan referencia directa cos temas desenvolvidos.