Máster Universitario en Investigación en Didáctica das Ciencias Experimentais e da Matemática - P3141V02 - 2013/2014

Denominación do título: Máster Universitario en Investigación en Didáctica das Ciencias Experimentais e da Matemática

Rama de coñecemento: ciencias sociais e xurídicas

Centro onde se imparte:
Facultade de Ciencias da Educación
Rúa Xosé María Suárez Núñez, s/n. Campus sur
15782
Santiago de Compostela

Data da autorización de implantación do título pola Xunta de Galicia: 434/2009 do 3 de decembro (DOG do 15/12/2009)

Data de publicación no BOE: 24/08/2010

Data da última acreditación: 29/07/2009

Responsable do título:

Coordinador do título: LOPEZ RODRIGUEZ, RAMON

Condicións da docencia:

• Periodicidade da oferta: bienal
• Tipo de ensinanza: presencial
• Réxime de estudo: presencial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Obxectivos

1- Formación de futuros investigadores nas áreas de coñecemento.
2- Potenciar a investigación neste campo na nosa Universidade.
3- Desenvolver coñecementos actualizados sobre os marcos de referencia básicos para a investigación en Didáctica das Ciencias e da Matemática:
- Desenvolver competencias para levar á práctica estratexias e liñas de actuación coherentes coa investigación en Didácticas das Ciencias e da Matemática na instrución e o desenvolvemento curricular
- Coñecer a investigación e as innovacións curriculares en Didáctica das Ciencias e da Matemática
4. Familiarizarse co deseño e implementación de investigacións educativas en Ciencias e Matemáticas:
- Desenvolver habilidades e procedementos de investigación en Didáctica das Ciencias e da Matemática
- Desenvolver competencias para investigar a construción e xustificación do coñecemento nas clases de Ciencias e de Matemáticas.

Competencias xerais

Competencias Xerais

Demostrar unha comprensión sistemática do campo de estudo da Didáctica das Ciencias e da Matemática.
Concibir, deseñar, pór en práctica e adoptar un proceso substancial de investigación na Didáctica das Ciencias ou na Didáctica da Matemática, con seriedade e rigor académicos.
Realizar unha contribución a través dunha investigación orixinal, que amplíe o coñecemento na Didáctica das Ciencias e da Matemática.
Comunicarse cos seus colegas sobre cuestións relativas aos campos de coñecemento da Didáctica das Ciencias ou da Didáctica da Matemática.
Fomentar, en contextos académicos e profesionais, o avance tecnolóxico, social e cultural no contexto dunha sociedade baseada no coñecemento.
Realizar unha análise crítica do coñecemento existente no campo da Didáctica das Ciencias ou da Didáctica da Matemática.
Analizar, utilizando criterios pertinentes, a complexidade das situacións educativas nas clases de ciencias e de matemáticas.
Integrar coñecementos conceptuais, habilidades e métodos da Didáctica das Ciencias ou da Didáctica da Matemática no deseño e avaliación de innovacións e desenvolvementos curriculares en Ciencias e Matemáticas.

Saídas

Este título é o único que responde en Galicia á demanda, tanto de investigadores en formación con títulos de licenciatura recentes nesas áreas, como de profesorado de educación secundaria interesado na investigación.
Nos últimos anos hai unha preocupación crecente, tanto no Estado español como en Europa, por mellorar a situación da educación científica no sistema educativo formal. A investigación educativa mostra a relevancia do papel do profesorado como elemento fundamental na calidade do ensino. Esta necesidade produce a demanda de investigadores no campo da didáctica das ciencias experimentais e da matemática.

Xustificación

A proposta deste máster procede dun programa de doutoramento que se desenvolveu na Universidade de Santiago ata o curso 2006-08. É un programa aberto especialmente a licenciados en carreiras de ciencias e matemáticas, ademais de a aqueles cuxas licenciaturas están relacionadas coa educación.

Este máster de investigación será o único en Galicia proposto para as áreas de Didáctica das Ciencias Experimentais e Didáctica das Matemáticas. Incorpora profesorado da Universidade de Vigo e da Universidade da Coruña, tanto para a docencia de cursos como para a dirección de tese e traballos de investigación (proxecto fin de master). É xa que logo o único que responde en Galicia á demanda, tanto de investigadores en formación con titulacións de grao ou licenciatura recentes, como de profesorado de educación secundaria.

O interese científico de formar investigadores en Didáctica das Ciencias e da Matemática radica na especificidade das dificultades e retos que presenta o ensino e a aprendizaxe das Ciencias e das Matemáticas, o que fai necesario a existencia de investigadores con ampla formación metodolóxica

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contempla

Número de prazas de novo ingreso: 15

Demanda do ano anterior: null

Perfil de ingreso: null

Criterios de acceso e admisión:

TITULACIÓNS DE ACCESO

Grao e licenciaturas en: Bioloxía, Xeoloxía, Física, Química, Matemáticas e Enxeñaría Química.

Titulacións de Grao de Ciencias

Poderán acceder ás ensinanzas oficiais de máster:

1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O traballo Fin de Master presentarase á conclusión dos estudos, de modo que para a súa defensa o alumno deberá ter superado todos os demais créditos necesarios para a obtención do título, isto é, polo menos 45 créditos ECTS.

Plan de Acción Titorial: A Comisión Académica do Máster asignaralle a cada estudante admitido un titor (ou titores), que non terá que ser necesariamente o seu futuro director de tese. O titor (ou titores), responsabilizarase de orientar o estudante na elección das materias do período docente e posteriormente de dirixir ou avalar o seu traballo fin de master; e tamén realizará un seguimento global da súa actividade e formación

Prácticas en empresas: Non se contemplan

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade