Licenciatura en Psicopedagoxía - 381V01 - 2013/2014

Directrices Xerais:R.D. 916/1992 do 17 de xullo (BOE 27 de agosto de 1992).

Plan de estudios:Resolución de 26 de Xullo de 2001 (BOE 24 agosto de 2001)

Corrección de erros:Resolución de 30 de novembro de 2001 (BOE 19 de decembro 2001 )

Complementos de formación:Orde 22 de decembro de 1992 (BOE 13 de xaneiro de 1993).

Extinción: 2013/14: 4º curso sen docencia con dereito a exame. 2014/15: 4º curso sen docencia , último con dereito a exame 5º curso sen docencia con dereito a exame 2015/16: 5º curso sen docencia, último con dereito a exame

Obxectivos formativos

Proporcionar unha formación sólida para unha intervención especializada en relación co desenvolvemento psicolóxico e humano nas diversas situacións educativas e de aprendizaxe. Preténdese capacitar para a intervención entre outros aspectos: No diagnóstico en educación, a intervención nas necesidades educativas, a orientación na transición escola-traballo, a orientación escolar e profesional, a identificación e tratamento de dificultades de aprendizaxe e de desenvolvemento persoal e social e necesidades educativas especiais, os métodos de investigación en educación e a súa aplicación en problemas e dificultades de aprendizaxe e integración escolar e social.

Coñecementos e competencias

a) Coñecementos: - Diagnóstico e intervención en dificultades de aprendizaxe e en problemas de desenvolvemento - Orientación escolar e profesional - Coñecemento sobre organización educativa e culturas profesionais dos docentes - Elaboración de estratexias, métodos e medios de ensino - Tratamento educativo de necesidades educativas - Métodos e técnicas de investigación educativa - Desenvolvemento e aprendizaxe - Diferencias individuais e sociais b) Competencias (habilidades) - Capacidade de planificación e organización - Capacidade de traballar en equipo con outros profesionais - Deseñar e aplicar técnicas de diagnóstico e detección de necesidades - Deseñar, aplicar e avaliar distintas estratexias de intervención e orientación - Avaliar programas de enisno-aprendizaxe, recursos e materiais didácticos

Características educativas

Título homologado de 2º ciclo organizado en dous anos Total de créditos: 132 que se distribúen en troncais, obrigatorios, optativos e de libre configuración

Saídas profesionais

Esta é unha titulación que se complementa coas de Psicoloxía e Pedagoxía pero aporta unha especialización máis precisa pola súa contextualización nos procesos psicolóxicos e sociais que teñen lugar nas institucións educativas (especialmente as escolares). Os psicopedagogos asesoran tanto ao alumnado, como ao profesorado e ás familias proporcionando recursos que facilitan os procesos de ensino-aprendizaxe, desenvolvendo estratexias que teñen como propósito previr as dificultades de aprendizaxe ou estratexias de intervención canto estas dificultades se produciron. En suma, o traballo dos profesionais da orientación e intervención psicopedagóxica é contribuír a optimizar os contextos educativos, favorecendo así os procesos de ensino e de aprendizaxe. Ademais, o seu exercicio profesional pode ter cabida en organizacións que teñan por obxecto a educación ao longo de toda a vida. De xeito orientativo proponse a continuación unha serie de actividades que estes profesionais poden desenvolver: ENSINO/FORMACIÓN Organización, planificación e avaliación de programas de ensino-aprendizaxe Asesoramento na elaboración de deseños curriculares, proxectos educativos de centro… Xefatura de estudos ou dirección de centros educativos Como docente: profesorado de apoio, educación especial, atención temperá… ORIENTACIÓN Orientación educativa: en Departamentos de Orientación de centros de ensino ou formación; tratamento de dificultades de aprendizaxe, asesoramento pedagóxico ao profesorado, orientación familiar, técnicas de estudo... Orientación vocacional, profesional: identificación de intereses e aptitudes; asesoramento a titores, información e asesoramento ao alumnado e familias... Orientación laboral: información e asesoramento para a inserción laboral, técnicas de busca de emprego, itinerarios formativos dentro da profesión... ASESORÍA Asesoramento a empresas relacionadas coa educación, editoriais… para o deseño e elaboración de libros de texto, literatura infantil, material didáctico, programas informáticos, xogos educativos, etc. Asesoramento a revistas especializadas e programas radiofónicos ou de televisión de contido educativo ou didáctico

Exame final / Título de grao

Programas de intercambio

- SÓCRATES–ERASMUS (http://www.fcce.usc.es/erasmus/): Portugal, Francia, Bélxica, Holanda, Alemaña, Reino Unido, Suecia, Noruega, República Checa, Hungría e Italia - ERASMUS IP (EFFECT): coa universidade Nijmegem de Holanda - ISEP: con universidades de Estados Unidos - SICUE-SÉNECA. Intercambio con universidades españolas de: País Vasco, Barcelona, Xirona, Tarragona, Valencia, Murcia, Las Palmas de Gran Canaria, Salamanca e Valladolid

Prácticas en empresas

De acordo co plan de estudos os alumnos realizarán prácticas en institucións educativas públicas e privadas. Ademais contémplase que poidan realizar, de existir unha convocatoria pública, prácticas en empresas, institucións públicas ou privadas. O máximo de créditos que se poderá obter será de 10 (30 horas = 1 crédito)

Requisitos para a admisión

 Mestres (con complementos de formación)  Diplomatura en Educación Social (con complementos de formación)  1º ciclo da Licenciatura en Psicoloxía (con complementos de formación)  1º ciclo da Licenciatura en Pedagoxía (con complementos de formación)

Acceso a outros estudos posteriores

Requisitos para a admisión

 Mestres (con complementos de formación)  Diplomatura en Educación Social (con complementos de formación)  1º ciclo da Licenciatura en Psicoloxía (con complementos de formación)  1º ciclo da Licenciatura en Pedagoxía (con complementos de formación)

Acceso a outros estudos posteriores

Acceso 2º Ciclo

Proporcionar unha formación sólida para unha intervención especializada en relación co desenvolvemento psicolóxico e humano nas diversas situacións educativas e de aprendizaxe. Preténdese capacitar para a intervención entre outros aspectos: No diagnóstico en educación, a intervención nas necesidades educativas, a orientación na transición escola-traballo, a orientación escolar e profesional, a identificación e tratamento de dificultades de aprendizaxe e de desenvolvemento persoal e social e necesidades educativas especiais, os métodos de investigación en educación e a súa aplicación en problemas e dificultades de aprendizaxe e integración escolar e social.

Créditos necesarios para obter a titulación