Grao en Pedagoxía - G3081V01 - 2013/2014

Denominación do título: Grao en Pedagoxía

Rama de coñecemento: Ciencias Sociais e Xurídicas

Centro onde se imparte:
Facultade de Ciencias da Educación
Rúa Xosé María Suárez Núñez, s/n. Campus sur
15782
Santiago de Compostela

Data da autorización de implantación do título pola Xunta de Galicia: Decreto 385/2009 do 27 agosto (DOG 16/09/09)

Data de publicación no BOE: BOE de 5 de marzo de 2010; corrección de erros no BOE do 13 de xullo de 2010

Data da última acreditación: 22/06/2010

Responsable do título:

Coordinador do título: GEWERC BARUJEL, ADRIANA

Condicións da docencia:

• Periodicidade da oferta:
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Alemán Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Información adicional (memoria, publicación BOE, etc.)

Obxectivos

1. Alcanzar unha base cultural e científica adecuada en contidos formativos propios da área de Ciencias Sociais.
2. Desenvolver a súa capacidade para saber identificar os referentes sociopolíticos, históricos, culturais e ambientais nos que se enmarca o dereito á educación e á formación ao longo da vida.
3. Lograr un nivel básico e preciso de coñecementos especializados nas bases epistemolóxicas e científicas do saber pedagóxico nos seus diversos ámbitos teóricos e prácticos.
4. Obter os coñecementos e habilidades básicas para deseñar, implementar e avaliar contornas, procesos, plans, programas e recursos de ensino-aprendizaxe en diversos contextos e para persoas diferentes.
5. Posuír os coñecementos e actitudes necesarios para actuar como axente de cambio e mellora en procesos de desenvolvemento persoal, profesional, institucional e comunitario.
6. Desenvolver a capacidade de comprometerse na potenciación da profesión pedagóxica, na xeración de coñecemento pedagóxico e no mantemento dos estándares deontolóxicos do exercicio profesional.

Competencias xerais

COMPETENCIAS XERAIS:
Coñecer e comprender os fundamentos académicos e científicos nos que se sustenta o seu campo formativo e profesional, tendo capacidade para analizar críticamente a natureza das súas teorías, metodoloxías e ámbitos de intervención da Pedagoxía.
Ter capacidade para analizar as realidades sociopolíticas, económicas, educativas, culturais e lingüísticas nas que se desempeña o labor profesional dos/as pedagogos/as, tanto en termos diagnósticos como prospectivos.
Coñecer, comprender e analizar de modo integral situacións educativas en diferentes contextos, sendo capaces de adaptar e aplicar os fundamentos académicos e científicos da Pedagoxía ás mesmas.
Aplicar os coñecementos teóricos e metodolóxicos necesarios para a planificación, programación e avaliación de accións formativas en contornas presenciais e virtuais, así como para a organización, desenvolvemento e xestión de programas e equipos educativos.
Promover e desenvolver accións de asesoramento educativo con diferentes persoas e/ou grupos mediante a utilización de medios e recursos adecuados.
Promover e desenvolver accións de orientación laboral en distintos contextos formativos, así como no asesoramento, deseño, implementación e avaliación das iniciativas nas que interveñan.
Elaborar, xestionar e/ou facer uso directo dos recursos documentais, metodolóxicos e materiais que comporte o desenvolvemento da súa profesión e que poderán concretarse na redacción e difusión de informes, utilización de estratexias e métodos educativos, equipamentos e infraestruturas, etc.
Estar en condicións de tomar decisións relativas á mellora da súa formación e da práctica profesional, con pleno respecto aos principios deontolóxicos aos que se remite a Pedagoxía, tendo como soporte os valores cívicos e os dereitos humanos.

Competencias específicas

COMPETENCIAS ESPECÍFICAS:
Coñecer o mundo educativo e laboral.
Comprender os referentes teóricos, históricos, culturais, políticos, ambientais e legais que conforman as situacións e os programas educativos.
Diagnosticar as necesidades educativas de desenvolvemento educativo das persoas e das organizacións.
Comprender os procesos de ensino-aprendizaxe e a súa incidencia na formación integral das persoas.
Identificar problemas educativos e indagar sobre eles para posibilitar propostas de mellora na práctica educativa.
Deseñar plans, programas e accións adaptadas aos distintos niveis do sistema educativo, nas modalidades presenciais, semipresenciais e virtuais.
Deseñar medios e recursos educativos adaptados e contextualizados ás necesidades educativas.
Deseñar plans de formación, programas e propostas innovadoras de formación e desenvolvemento dos profesionais e dos recursos formativos.
Desenvolver estratexias e aplicar técnicas para promover a participación e a dinamización de grupos en diferentes contextos educativos.
Aplicar e desenvolver estratexias e técnicas de orientación en procesos educativos e formativos.
Organizar e xestionar institucións, servizos, medios e recursos educativos e formativos.
Desenvolver modelos e procesos de xestión de calidade da educación e a formación.
Coordinar intervencións educativas con outros profesionais.
Avaliar plans, programas, proxectos, procesos de ensino-aprendizaxe e medios e recursos educativos e formativos.
Avaliar sistemas e institucións educativas.
Realizar estudos prospectivos e avaliativos sobre características, necesidades e demandas pedagóxicas.
Asesoramento a persoas e/ou grupos nos procesos educativos e formativos.
Asesorar sobre o uso pedagóxico dos medios e recursos educativos.
Asesorar sobre a integración das Tecnoloxías da Información e a Comunicación nos procesos educativos e formativos.
Axudar a utilizar as estratexias idóneas de procura de emprego.
Orientar a adecuación entre o perfil profesional das persoas e as ofertas laborais dispoñibles.
Deseñar, desenvolver e avaliar programas orientadores de inserción laboral.
Orientar no deseño de proxectos profesionais.

Saídas profesionais

O pedagogo/a está capacitado/a para intervir nos niveis adecuados á formación de grao:

No sistema educativo en:

- Formación e asesoramento pedagóxico en centros escolares, centros de formación do profesorado.
- Orientación persoal, académica e familiar.
- Deseño e avaliación de contornas de Ensino-aprendizaxe (E/A), tanto presenciais como virtuais, para as diferentes etapas do sistema educativo.
- Deseño e avaliación de materiais didácticos e asesoramento en empresas editoriais e empresas provedoras de contidos multimedia e software educativo.
- Avaliación de plans, proxectos, programas , servizos e institucións educativas.

Nas organizacións comunitarias e laborais como:

- Técnico dos departamentos e servizos de educación e/ou formación de empresas, dos servizos sociais comunitarios e especializados, municipios e organizacións de diverso tipo.
- Formador e formador de formadores en programas de formación ocupacional e continua.
- Especialista en desenvolvemento e avaliación de propostas de e-learning
- Orientador laboral e profesional
- Avaliador de competencias profesionais

En procesos de cambio educativo en persoas e institucións como:

- Mediador en situacións de diversidad cultural e familiar.
- Orientador persoal e familiar.
- Especialista no deseño, implementación e avaliación de plans e servizos de formación ao longo da vida.
- Asesor pedagóxico en procesos de cambio institucional e na aplicación de sistemas de calidade.
- Asesor pedagóxico en medios de comunicación e TIC, servizos e institucións culturais, asociacións profesionais, etc.
- Asesor/a pedagóxico de asociacións e entidades de carácter educativo e/ou social.
- Responsábel de programas educativos e/ou de formación en hospitais, centros penitenciarios, escolas-taller ou iniciativas similares.
- Técnico de programas de formación e desenvolvemento levados a cabo por ONGs.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Recoñecemento actividades transversais:
Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Pedagoxía [pdf - 955 kb][Actualizado: 8/9/10]

Número de prazas de novo ingreso: 75

Demanda do ano anterior: 6.4 nota de corte en preinscrición curso 2012-2013

Perfil de ingreso: Dado que non se esixe ningunha formación previa específica, os alumnos poden ser admitidos na titulación do grao en Pedagoxía de reuniren os requisitos de acceso que estabelece a lei, recomendándose que os alumnos teñan un perfil formativo da área de humanidades e ciencias sociais.

As calidades desexábeis do futuro estudante do Grao en Pedagoxía son:

- Ter capacidade de iniciativa propia desde o punto de vista da análise crítica das realidades sociais e educativas.
- Boa capacidade para comunicar, expresar, argumentar ou dialogar.
- Ser sensíbel ás realidades da contorna, cunha perspectiva crítica, reflexiva e cooperativa.
- Sentido da responsabilidade, do compromiso coa tarefa, dos dereitos e deberes cara aos demais.
- Visión de grupo e condicións para traballar en equipo.

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Traballo de Fin de Grao
Para poder matricularse do Traballo de Fin de Grao o alumnado deberá superar 150 créditos de formación básica e obrigatoria. No momento de presentación do traballo deberá ter superados 234 créditos.

Prácticas en empresas: Prácticum
O Título de grao de Pedagoxía inclúe 30 créditos de prácticas externas, Practicum, de carácter obrigatorio, materia que xa vén cursando na actual Licenciatura.
Para poder desenvolvelo, establecéronse convenios de colaboración coas administraciones e institucións sociais (fundacións, asociacións e ONG’s), a fin de regular a presenza do alumnado nos diferentes servizos e favorecer o traballo colaborativo entre a Universidade e os devanditos centros.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A Facultade conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas os estudantes propios e de acollida.

A mobilidade dos estudantes realízase a partir do segundo ano de estudos na titulación, en períodos cuadrimestrais ou anuais. A selección dos candidatos lévase a cabo, para cada convocatoria ou programa, por unha Comisión de Selección composta polo decano ou decana, o vicedecano ou vicedecana responsábel de programas de intercambio, a persoa responsable da UAXCD e os/as coordinadores académicos, de acordo con criterios de baremación, previamente estabelecidos, que teñen en conta o expediente académico, unha memoria e, de ser o caso, as competencias en idiomas que esixe a Universidade de destino

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 82.3
• Taxa de éxito 10-11: 91.6
• Taxa de éxito 11-12: 91.4
• Taxa de rendemento 09-10: 74.8
• Taxa de rendemento 10-11: 85.4
• Taxa de rendemento 11-12: 85.6
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.17 (rango de valoración entre 1 e 7)
• Resultados enquisas 10-11: 4.86 (rango de valoración entre 1 e 7)
• Resultados enquisas 11-12: 3.77 (rango de valoración entre 1 e 5)