G2071422 - Deontoloxía e Lexislación (Ciencias da Nutrición, a Dietética e a Saúde) - Curso 2013/2014

Información

• Créditos ECTS
• Créditos ECTS: 3.00
• Total: 3.0
• Horas ECTS
• Clase Expositiva: 16.00
• Clase Interactiva Laboratorio: 6.00
• Clase Interactiva Seminario: 2.00
• Horas de Titorías: 1.50
• Total: 25.5

Outros Datos

• Tipo: Materia Ordinaria Grao RD 1393/2007
• Departamentos: Anatomía Patolóxica e Ciencias Forenses
• Áreas: Toxicoloxía
• Centro: Facultade de Ciencias [L]
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
Garcia Fernandez, M Angeles.	NON
Sanchez Sellero, Ines.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIL_01	Ordinario	Clase Interactiva Laboratorio	SI	NON
Grupo CLIS_01	Ordinario	Clase Interactiva Seminario	SI	NON
Grupo TI-ECTS01	Ordinario	Horas de Titorías	SI	NON
Grupo TI-ECTS02	Ordinario	Horas de Titorías	SI	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
— Coñecer e reflexionar sobre os principios éticos que deben informar o exercicio da profesión de dietista-nutricionista.
— Coñecer o marco legal que regula a sanidade e mailo exercicio das profesións sanitarias.
— Coñecer os aspectos organizativos e de xestión hospitalaria básicos que axuden a entender o papel do dietista-nutricionista no ámbito hospitalario.
— Desenvolver as capacidades do alumno de traballo en equipo e de emprego axeitado das TICs, que lle faciliten o seu futuro exercicio profesional, en ámbitos de traballo de carácter multidisciplinar.
— Desenvolver as capacidades do alumno dirixidas a fundamentar o seu traballo nos principios científicos, a coñecer e respetar os dereitos dos doentes, e a ser capaz de actualizar autónomamente e de xeito eficaz os seus coñecementos nun proceso de formación continua.

Contidos
PROGRAMA TEÓRICO

Deontoloxía
1. Ética: introducción, fundamentación e método. Ética, dereito e deontoloxía profesional.
2. Deontoloxía profesional: concepto, obxectivo, fontes e importancia. Códigos deontolóxicos.
3. Bioética: principios da bioética. Problemas éticos na asistencia sanitaria. Bioética e investigación.
4. Ética profesional. Segredo profesional. Consentimento informado.

Lexislación sanitaria
5. Exercicio legal da profesión.
6. Responsabilidade profesional.
7. Lei Xeral de Sanidade.

Xestión hospitalaria
8. Economía da saúde, planificación e xestión sanitaria.
9. Xestión hospitalaria: xestión clínica e sistemas de información, xestión de servicios, xestión de recursos humáns, alternativas á hospitalización convencional.
10. Calidade asistencial.

Ciencia e aplicacións
11. Principios científicos que sustentan a intervención do dietista-nutricionista.
12. Procura de evidencia científica. Avaliación de novas tecnoloxías.


PROGRAMA PRÁCTICO
1. Emprego de boletíns oficiais e as súas bases de datos lexislativas (DOUE, BOE DOG) para a procura de lexislación sanitaria comunitaria, estatal e autonómica.
2. Procura de evidencia científica mediante o emprego de distintos recursos bibliográficos (bases de datos, libros e revistas).
3. Manexo de información relevante e recursos no ámbito alimentario, da dietética e nutrición a través de páxinas web de administracións, organismos e institucións públicas.


Bibliografía básica e complementaria
— De la Torre Díaz, J. Dignidad humana y bioética. Publicaciones de la Universidad Pontificia de Comillas. Madrid. 2008.
— González Morán, L. De la bioética… al bioderecho. Libertad, vida y muerte. Universidad Pontificia de Comillas y Editorial Dykinson S.L. Madrid. 2006.
— Gracia, D. Fundamentos de bioética. Humanidades médicas. Triacastela. Madrid. 2007. 2ª edición.
— Villanueva Cañadas, E. y Gisbert Calabuig, J.A. Medicina Legal y Toxicología. Masson. Barcelona. 2005. 6ª edición.
— Recuerda Girela, M.A. Tratado de derecho alimentario. Editorial Aranzadi, S.A. Pamplona. 2011.
— Piédrola Gil, G. Medicina Preventiva y Salud Pública. Elsevier Masson. Barcelona. 2008. 11ª edición.
— Temes Montes, J.L.; Mengíbar Torres, M. Gestión hospitalaria. McGraw-Hill-Interamericana de España S.A.U. Madrid. 2007. 4ª edición.
— Rodés Teixidor, J.; Trilla García, A. El futuro de la gestión clínica. Ars Medica. Barcelona. 2009.
— Asenjo, M.A. Gestión diaria del hospital. Masson, S.A. Barcelona. 2001.
— Meneu, R, Ortún Rubio, V. y Rodríguez Artalejo, F. Innovaciones en gestión clínica y sanitaria. Colección Economía de la salud y gestión sanitaria. Masson, S.A. Barcelona. 2005.
— Cabo Salvador, J. Gestión sanitaria integral: pública y privada. Ediciones CEF. Madrid. 2010.
— Antelo, M., Fraga, J.M., Reboredo, J.C. Fundamentos de economía y gestión de la salud. Servicio de Publicaciones e Intercambio Científico de la Universidade de Santiago de Compostela. Santiago de Compostela. 2010.
— Aranaz, J.M., Aibar, C., Vitaller, J.; Mira, J.J. Gestión sanitaria. Calidad y seguridad de los pacientes. Fundación MAPFRE y Ediciones Díaz de Santos. 2008.
— Smolin, L.A. y Grosvenor, M.B. Nutrition: science and applications. John Wiley & Sons. West Sussex (Reino Unido). 2010. 2ª edición.

Competencias
COMPETENCIAS XERAIS
• Coñecer os elementos esenciais da profesión de dietista-nutricionista.
• Exercer a profesión no respeto ós dereitos dos doentes.
• Desenvolver a profesión respetando as competencias doutros profesionais sanitarios.
• Desenvolver a capacidade de traballo en equipo, que facilite asumir tarefas de carácter interdisciplinar.
• Recoñecer a necesidade da formación continua como profesionais da saúde, desenvolvendo capacidades relativas ó aprendizaxe permanente e autónomo en relación con novos coñecementos científicos, productos e técnicas aplicables en nutrición e dietética, a fin de prestar un servicio de calidade ó longo de toda a súa vida profesional.
• Desenvolver habilidades de comunicación (tanto oral como escrita) coa población xeral ou grupos poblacionais específicos, con outros profesionais sanitarios ou da industria, e ata cos medios de comunicación.
• Coñecer e saber utilizar as fontes de información axeitadas.
• Adquirir hábitos eficientes de obtención, procesamento e interpretación de datos e información relevante no ámbito da alimentación e nutrición humana.
• Desenvolver capacidade de análisis crítico, coñecer o método científico e adquirir unha formación básica no ámbito da investigación.

COMPETENCIAS ESPECÍFICAS
• Coñecer o marco competencial e legal da profesión de dietista-nutricionista, incluíndo os principios éticos, o exercicio legal da profesión e as responsabilidades profesionais.
• Adquirir criterios fundamentados na bioética que permitan analizar e abordar cuestións, situacións ou conflictos relacionados coa vida e a saúde humáns.
• Coñece-la organización e xestión hospitalarias, os elementos estructurais e organizativos dos servicios e unidades de alimentación e nutrición hospitalarias, así como a nivel ambulatorio, contribuíndo a integrar o papel do dietista-nutricionista en equipos multidisciplinares.
• Coñecer o potencial e saber manexar as ferramentas básicas en TICs, empregadas no ámbito da alimentación, nutrición e dietética.
• Ser quen de fundamentar os principios científicos que sustentan a intervención do dietista-nutricionista, supeditando a súa actuación profesional á evidencia científica.

Metodoloxía da ensinanza
— Clases expositivas: 16 horas. Nelas o profesor desenvolverá o contido do programa teórico reflectido nesta guía, empregando os recursos didácticos e audiovisuais que estime oportunos, e favorecendo a participación dos alumnos.
— Prácticas: 6 horas, distribuidas en 2 sesións de 3 horas cada unha. Nelas desenvolverase o programa práctico contemplado nesta guía. O contido desta parte práctica vencellarase e relacionarase coa parte teórica, co fin de que as aprendizaxes e competencias adquíranse e “constrúan” coma un todo integrado. As prácticas serán na sala de informática e traballarase con distintos recursos e fontes de información e bibliográficas. Propoñeranse tarefas e exercicios que os alumnos farán. O profesor orientará sobre as cuestións básicas de cada un dos aspectos a traballar e impulsará, axudará, potenciará e guiará o traballo do alumno.
— Seminarios: 2 horas. Poderanse prantexar como dinámicas interactivas a partir de supostos prácticos que susciten a reflexión, a análise crítica e mailo debate. Poderanse reservar, en todo ou en parte, á exposición dos seminarios preparados polos alumnos en grupos ao conxunto da clase. Neste caso, a exposición de cada un dos seminarios irá seguida dun tempo de discusión e debate.
— Titorías en grupo: 2 horas. Nelas o profesor orientará aos alumnos sobre os aspectos a tener en conta para a realización das distintas tarefas (de estudio, de procura de información, de manexo de recursos, de realización de exercicios, de seminarios,…).
— Titorías individuais: 1 hora. Cada alumno prantexará ao profesor as súas dúbidas, dificultades, progresos ou calquera outra cuestión particular vencellada ao seu proceso de aprendizaxe da materia.
— Realización de exames e revisión: 1 hora.
— Horas totais presenciais: 28.
- Ensinanza virtual: Campus virtual USC.

Sistema de evaluación
A avaliación do alumno incluirá unha avaliación continua (que supoñerá un 25% da cualificación final) e mais un examen final (que terá un valor do 75% da nota final). Para superar a materia requírese que o alumno acade unha puntuación mínima no examen final dun 40%.
A avaliación continua farase a partires dos traballos e exercicios propostos nas clases prácticas (xa sexan feitos individualmente polos alumnos ou ben en grupos), do nivel de aproveitamento (en termos de aprendizaxe) na realización e participación nos seminarios, así como da participación activa e aportacións do alumno na aula, nas tutorías ou nas actividades desenvolvidas a través da aula virtual.
A cualificación obtida polo alumno na parte de avaliación continua conservarase durante dous cursos académicos consecutivos.

Tempo de estudo e traballo persoal
— Clases expositivas: 2 horas de traballo por cada hora de clase maxistral (32 horas totais).
— Prácticas: 2 horas para a realización das tarefas propostas nas sesións presenciais.
— Seminarios: 2 horas por cada sesión presencial de seminarios (4 horas totais).
— Traballos en grupo: 3 horas.
— Traballos individuais: 3 horas.
— Titorías en grupo: 2 horas.
— Titorías individuais: 1 hora.
— Realización de exames e revisión: 1 hora.
— Horas totais de estudio e traballo persoal: 48.

Recomendacións para o estudo da materia
• Asistencia a tódalas actividades presenciais programadas para a materia.
• Participación activa, constructiva e respetuosa nas clases, seminarios e titorías.
• Preparar e complementar os contidos que se estén a traballar na materia coa bibliografía básica e complementaria recomendada.
• Desenvolver hábitos de procura autónoma de información científica.
• Aproveitar os recursos dispoñibles para o alumno, da biblioteca universitaria.
• Seguir o ritmo de estudio e traballo que se marque, dun xeito continuo.
• Empregar axeitadamente as titorías para coñecer polo miudo as recomendacións do profesor e clarexar calquera dúbida xurdida no proceso de aprendizaxe.
• Consultar con regularidade a aula virtual da materia e facer uso da mesma.

Observacións
Horario de Tutorías individuais:

As horas de tutoría das profesoras figuran oficialmente no taboleiro do Departamento (Pavillón 2).

Profesoras Horario

Inés Sánchez Sellero Luns, martes e mércores: 13-15 h

M. Ángeles García Fernández Luns, mércores e xoves: 11-13 h