Grao en Nutrición Humana e Dietética - G2071V01 - 2013/2014

Denominación do título: Grao en Nutrición Humana e Dietética

Rama de coñecemento: Ciencias da Saúde

Centro onde se imparte:
Facultade de Ciencias [L]
Avda. Alfonso X O Sabio, s/n.
27002
Lugo

Data da autorización de implantación do título pola Xunta de Galicia: Decreto 150/2010 do 16 de setembro (DOG 23/09/10)

Data de publicación no BOE: 3 de marzo de 2011

Data da última acreditación: 30/06/2010

Responsable do título:

Coordinador do título: Martinez Ageitos, Jose Manuel

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Información adicional (memoria, plan estudos BOE, ...)

Obxectivos

A titulación persegue como obxectivo xeral a formación de “un profesional da saúde”, con titulación universitaria, recoñecido como un experto en alimentación, nutrición e dietética, con capacidade para intervir na alimentación dunha persoa ou grupo, desde os seguintes ámbitos de actuación: a nutrición na saúde e na enfermidade, o consello dietético, a investigación e a docencia, a saúde pública desde os organismos gobernamentais, as empresas do sector da alimentación, a restauración colectiva e social.

Competencias xerais

 Habilidades de comunicación e de manexo da información
 Coñecer e aplicar as ciencias dos alimentos
 Coñecer e aplicar as Ciencias da Nutrición e da Saúde
 Coñecer os fundamentos da Saúde Pública e Nutrición Comunitaria
 Adquirir capacidade de xestión e asesoría legal e científica
 Adquirir capacidade para xestionar a calidade e restauración colectiva
 Desenvolver capacidade de análise crítica e investigación

Competencias específicas

 Recoñecer os elementos esenciais da profesión do Dietista-Nutricionista, incluíndo os principios éticos, responsabilidades legais e o exercicio da profesión.
 Coñecer, valorar críticamente e saber utilizar e aplicar as fontes de información relacionadas con nutrición, alimentación, estilos de vida e aspectos sanitarios.
 Identificar e clasificar os alimentos e produtos alimenticios.
 Coñecer os nutrientes, a súa función no organismo, a súa biodisponibilidade, as necesidades e recomendacións, e as bases do equilibrio enerxético e nutricional.
 Coñecer os procesos básicos na elaboración, transformación e conservación dos alimentos de orixe animal e vexetal.
 Coñecer a microbioloxía, parasitoloxía e toxicoloxía dos alimentos
 Deseñar e levar a cabo protocolos de avaliación do estado nutricional, identificando os factores de risco nutricional.
 Intervir na organización, xestión e implementación das distintas modalidades de alimentación e soporte nutricional hospitalario e do tratamento dietético-nutricional ambulatorio.
 Ser capaz de participar en actividades de promoción da saúde e prevención de trastornos e enfermidades relacionadas coa nutrición e os estilos de vida.
 Asesorar no desenvolvemento, comercialización, etiquetaxe, comunicación e mercadotecnia dos produtos alimenticios de acordo coas necesidades sociais, os coñecementos científicos e a lexislación vixente.
 Participar na xestión, organización e desenvolvemento dos servizos de alimentación.
 Elaborar, controlar e cooperar na planificación de menús e dietas adaptados ás características do colectivo ao que van destinados.
 Proporcionar a formación hixiénico-sanitaria e dietético-nutricional adecuada ao persoal implicado no servizo de restauración.

Saídas profesionais

Esta titulación habilita para o exercicio das profesións que se estabelecen por desenvolvemento normativo de:

-Resolución 2642 do 5 de febreiro de 2009 (BOE Nº 41,17/02/2009) da Secretaría de Estado de Universidades, pola que se publica o Acordo do Consello de Ministros, polo que se estabelecen as condicións ás que deberán adecuarse os plans de estudos conducentes á obtención de títulos que habiliten para o exercicio da profesión regulada de Dietista-Nutricionista.

-Orde CIN/730/2009, do 18 de marzo, (BOE Nº 73, 26/03/2009) pola que se estabelecen os requisitos para a verificación dos títulos universitarios oficiais que habiliten para o exercicio da profesión de Dietista-Nutricionista.

PERFÍS PROFESIONAIS

A profesión de dietista-nutricionista leva implícita no seu exercicio a educación alimentaria e nutricional en calquera dos campos onde é posible exercela.
A figura do dietista, sempre de acordo coa sociedade en que desenvolve o seu labor, actúa nos seguintes ámbitos con funcións específicas de cada un deles:
-dietista clínico
-dietista comunitario ou de saúde pública.
-dietista en restauración colectiva
-dietista na industria
-dietista docente
-dietista investigador

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Los estudiantes podrán obtener incluso un máximo de 12 créditos optativos por el reconocimiento de las actividades contempladas en el artículo 12.8 del RD 1393/2007 y de las competencias transversales de la USC. Se consideran competencias transversales para todas las titulaciones de Grado de la USC el conocimiento instrumental de (1) lenguas extranjeras; (2) lengua gallega, y (3) tecnologías de la información y de la comunicación.. En todo caso el máximo de créditos recoñecibles por las actividades del artículo 12.8 del RD 1393/2007 será de 6.

La normativa de la USC que regula estos reconocimientos es:

 Acordo CG do 4 de xullo de 2008: http://www.usc.es/sxa/normativa/ficheros/XA0635.PDF
 Resolución Reitoral do 5/5/2009 (procedemento): http://www.usc.es/sxa/normativa/ficheros/XA0677.PDF
 Resolución reitoral 21/12/2009 que modifica o anexo I do acordo do CG de 4 de xullo de 2008: http://www.usc.es/sxa/normativa/ficheros/XA0700.PDF

Adaptacións: A adaptación da anterior titulación está regulada polas resolucións reitoriais:

Número de prazas de novo ingreso: 60

Demanda do ano anterior: 5.71 nota de corte en preinscrición curso 2012-2013

Perfil de ingreso: Aínda que non se esixe ningunha formación previa específica, para o ingreso no Grao en Nutrición Humana e Dietética recoméndase que a formación do alumno sexa de perfil científico-tecnolóxico (R. D. 1467/2007, BOE do 2 de novembro, polo que se estabelece a estrutura do bacharelato e se fixan as súas ensinanzas mínimas). Dentro deste perfil resulta recomendábel, aínda que non imprescindíbel, ter cursado materias de matemáticas, bioloxía, física e química.

Calidades desexábeis do futuro estudante do Grao en Nutrición Humana e Dietética:

- Habilidade no cálculo
- Capacidade de razoamento lóxico
- Capacidade de análise
- Capacidade de comprensión abstracta
- Habilidade dedutiva
- Método e rigor no traballo
- Interese pola investigación e a experimentación

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O traballo Fin de Grao poderase realizar unha vez superados 198 créditos obrigatorios excluíndo o Practicum. No momento da presentación do proxecto o alumno deberá ter superado todos os demais créditos necesarios para a obtención do título (234 créditos).

Prácticas en empresas: Prácticas preprofesionais, cunha avaliación final de competencias, en hospitais, centros de asistencia primaria e socio-sanitarios, organizacións comunitarias, industrias alimentarias e de restauración colectiva, que permitan incorporar os valores profesionais e competencias propias do ámbito clínico, administrativo ou de saúde pública relacionadas coa nutrición humana e dietética.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: -
• Taxa de éxito 10-11: 90.9
• Taxa de éxito 11-12: 83.7
• Taxa de rendemento 09-10: -
• Taxa de rendemento 10-11: 73.3
• Taxa de rendemento 11-12: 74.6
• Taxa de eficiencia 09-10: Dispoñible a partir do curso 2013-14
• Taxa de eficiencia 10-11: Dispoñible a partir do curso 2013-14
• Taxa de eficiencia 11-12: Dispoñible a partir do curso 2013-14
• Taxa de graduación 09-10: Dispoñible a partir do curso 2014-15
• Taxa de graduación 10-11: Dispoñible a partir do curso 2014-15
• Taxa de graduación 11-12: Dispoñible a partir do curso 2014-15
• Taxa de abandono09-10: Dispoñible a partir do curso 2014-15
• Taxa de abandono10-11: Dispoñible a partir do curso 2014-15
• Taxa de abandono11-12: Dispoñible a partir do curso 2014-15
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: -
• Resultados enquisas 10-11: 4.74 (rango de valoración entre 1 e 7)
• Resultados enquisas 11-12: 3.82 (rango de valoración entre 1 e 5)