Máster Universitario en Procuraduría - P3331V01 - 2013/2014

Denominación do título: Máster Universitario en Procuraduría

Rama de coñecemento: Ciencias Sociais e Xurídicas

Centro onde se imparte:
Facultade de Dereito
Avda. Dr. Ángel Echeverri, s/n. Campus sur
15782
Santiago

Data da autorización de implantación do título pola Xunta de Galicia:

Data de publicación no BOE:

Data da última acreditación:

Responsable do título:

Coordinador do título:

Condicións da docencia:

• Periodicidade da oferta: anual
• Tipo de ensinanza: presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Obxectivos

O Máster interuniversitario en Procuraduría ten como orientación xeral a transmisión ao alumno dos coñecementos, competencias, aptitudes, habilidades e destrezas que lle permitan:
- O exercicio da profesión de procurador dos tribunais, con suxeción ás normas deontolóxicas e estatutarias, nos ámbitos que lle son propios: representación legal das partes nos procesos xudiciais en calidade de procurador, realizando os actos de comunicación ás partes e aqueloutros actos de cooperación coa Administración de Xustiza que a lei lles autorice; utilizar a denominación de procurador dos tribunais; desempeñar as demais funcións e competencias que lles atribúan as leis procesais en orde á mellor administración de xustiza, á correcta sustanciación dos procesos e á eficaz execución das sentenzas e demais resolucións que dicten os órganos xudiciais.
- Manexar con eficacia, responsabilidade e seguridade as técnicas e modos de actuación profesional propios de procura.
- Adquirir unha mecánica de razonamento xurídico e, en consecuencia, obter unha base genérica da práctica xurídica en todas as materias propias do dereito positivo, para que simultánea e paulatinamente poida aspirar á especialización.

Competencias xerais

1. Capacidade de traballo en equipo e de relación interpersoal nun contexto profesional.
2. Capacidade de iniciativa, creatividade, liderado, adaptación a novas situacións e espírito de superación.
3. Motivación pola calidade e a excelencia profesional.
4. Capacidade de organización e planificación.
5. Compromiso ético e deontolóxico analizado, ademais, desde unha perspectiva solidaria.
6. Capacidade de obtención e xestión da información.
7. Capacidade de comprensión, análise e síntese.
8. Capacidade de resolución de problemas.
9. Desenvolvemento dos principios de lealdade e confidencialidade.
10. Capacidade de argumentar tanto de forma oral como escrita, cunha linguaxe fluída e técnica, utilizando termos xurídicos, precisos, claros e comprensibles.
11. Desenvolvemento dun espírito crítico, lóxico e creativo.
12. Capacidade de manexo das tecnoloxías da información e comunicación no desenvolvemento da súa actividade laboral.

Saídas

A Lei de Acceso ás Profesións de Avogado e Procurador dos Tribunais esixe, a partir da súa entrada en vigor, a obtención do título profesional de procurador dos tribunais “para desempeñar a representación legal das partes nos procesos xudiciais en calidade de procurador, realizando os actos de comunicación ás partes e aqueloutros actos de cooperación coa Administración de Xustiza que a lei lles autorice, así como para utilizar a denominación de procurador dos tribunais, sen prexuízo do cumprimento de calquera outros requisitos esixidos pola normativa vixente para o exercicio de procura” (art. 1.3º). Xa que logo, o conxunto normativo que regula as condicións de obtención do título profesional de procurador dos tribunais ten a súa peza angular na Lei 34/2006, así como na normativa de desenvolvemento da mesma (RD 775/2011, polo que se aproba o Regulamento da Lei 34/2006).
O Máster ten por finalidade proporcionar capacitación profesional (coñecementos, competencias e habilidades propias do exercicio da profesión de procura, tanto nos aspectos organizativos e colexiais como de estrita técnica xurídica) aos licenciados/graduados en Dereito que, previa avaliación positiva da aptitude profesional, poidan obter o título profesional de procurador dos tribunais, que a Lei 34/2006 esixe como imprescindible para o exercicio da profesión de procurador dos tribunais.
O Máster que se propón pretende cubrir a necesidade de capacitación profesional esixida pola Lei 34/2006, na súa modalidade de vía idónea para a obtención do título profesional de procurador dos tribunais e, en particular, para a formación de profesionais de procura que posúan os coñecementos, competencias, técnicas e destrezas precisas no ámbito deontolóxico, extraxudicial e xudicial, para un adecuado desempeño do exercicio profesional. Intégrase así a formación que se propón no marco do Espazo Europeo de Educación Superior, por canto en todos os países de Europa esíxese un período de formación específica de contido práctico, tras obter a licenciatura ou o grao en Dereito, para o exercicio profesional como procurador dos tribunais.

Xustificación

A Lei de Acceso ás Profesións de Avogado e Procurador dos Tribunais esixe, a partir da súa entrada en vigor, a obtención do título profesional de procurador dos tribunais “para desempeñar a representación legal das partes nos procesos xudiciais en calidade de procurador, realizando os actos de comunicación ás partes e aqueloutros actos de cooperación coa Administración de Xustiza que a lei lles autorice, así como para utilizar a denominación de procurador dos tribunais, sen prexuízo do cumprimento de calquera outros requisitos esixidos pola normativa vixente para o exercicio da procura” (art. 1.3º). Xa que logo, o conxunto normativo que regula as condicións de obtención do título profesional de procurador dos tribunais ten a súa peza angular na Lei 34/2006, así como na normativa de desenvolvemento da mesma (RD 775/2011, polo que se aproba o Regulamento da Lei 34/2006).
O Máster está destinado licenciados en Dereito, graduados en Dereito ou con outro título universitario equivalente que reúna os requisitos establecidos no art 3 do Regulamento de desenvolvemento da Lei de Acceso e nace cunha clara vocación profesional, en tanto que ten por finalidade proporcionar capacitación profesional (coñecementos, competencias e habilidades propias do exercicio da profesión da procura, tanto nos aspectos organizativos e colexiais como de estrita técnica xurídica) aos licenciados/graduados en Dereito que, previa avaliación positiva da aptitude profesional, poidan obter o título profesional de procurador dos tribunais, que a Lei 34/2006 esixe como imprescindible para o exercicio da profesión de procurador dos tribunais.
En definitiva, o Máster que se propón pretende cubrir a necesidade de capacitación profesional esixida pola Lei 34/2006, na súa modalidade de vía idónea para a obtención do título profesional de procurador dos tribunais e, en particular, para a formación de profesionais de procura que posúan os coñecementos, competencias, técnicas e destrezas precisas no ámbito deontolóxico, extraxudicial e xudicial, para un adecuado desempeño do exercicio profesional. Intégrase así a formación que se propón no marco do Espazo Europeo de Educación Superior, por canto en todos os países de Europa esíxese un período de formación específica de contido práctico, tras obter a licenciatura ou o grao en Dereito, para o exercicio profesional como procurador dos tribunais.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 30

Demanda do ano anterior: null

Perfil de ingreso: Non se contempla

Criterios de acceso e admisión:

Licenciatura ou Grao en Dereito

As 30 prazas do máster están ofertadas conxuntamente polas tres universidades galegas; a selección de alumnos realizarase entre todos os matriculados sen importar a universidade en que se matriculasen inicialmente.

Información actualizada en cada convocatoria de matrícula

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Realizarase un TFM de 6 ECTS. Entre os contidos do mesmo está: Actos de comunicación en procesos declarativos e executivos. Actuacións profesionais dentro do proceso de execución. Actuacións profesionais ante os Rexistros Públicos. Uso de ferramentas e sistemas telemáticos no ámbito profesional.
A actividade a desenvolver polo alumnado consistirá en:
1. Chegar ao coñecemento teórico e práctico dos conceptos e institucións básicas da materia.
2. Procura de materiais: lexislación, xurisprudencia, doutrina, consultas, etc.
3. Asistencia a conferencias, xuízos e outras actividades de índole similar programadas polo profesor.
4. Proceder á resolución dos supostos prácticos, elaboración de escritos profesionais e demais actividades de índole similar, tanto de xeito individual como en grupo.
5. Aplicación das normas e a xurisprudencia a casos concretos.
6. Elaborar traballos, individualmente ou en grupo, sobre contidos da materia.
7. Preparar e tomar parte nos debates organizados na clase e nas simulacións de actuacións profesionais que se programen.
8. Participar periodicamente nos programas de titorías.
A actividade presencial se complementará con soporte virtual ofrecido a través da plataforma USC VIRTUAL e das plataformas das Escolas de Práctica Xurídica, por medio das que se ofrecerán os diferentes materiais referidos aos contidos e supostos prácticos das diferentes partes que configuran a materia, ofreceranse enlaces ás fontes básicas de coñecemento, recolleranse os traballos realizados polos alumnos, realizaranse probas de autoavaliación, se habilitarán métodos de contacto para titorías virtuais e remitiranse as cualificacións aos alumnos.
Para avaliar o rendemento dos alumnos valorarase a asistencia e a participación activa en clase, o desenvolvemento de que demostren os coñecementos, habilidades e destrezas adquiridas.
A avaliación continua farase por medio de: o control da asistencia diaria ás clases, a realización de controis de coñecementos periódicos, a valoración de traballos individuais ou conxuntos, así como da intervención nos debates, exposicións e simulacións orais, e a valoración da participación do alumno nas diferentes actividades programadas en cada materia.
O exame, de existir, terá sempre un contido eminentemente práctico, tendente a que o alumno reflicta as súas destrezas e habilidades para aplicar os coñecementos adquiridos a situacións de índole profesional.
O Traballo Fin de Máster será titorizado por profesores do Máster, procurando sempre que o peso da titoría recaia, para cada traballo, nun profesor universitario e nun profesor-procurador.

Plan de Acción Titorial: A implantación do Plan de Acción Titorial (PAT) ten os seguintes obxectivos:
-Establecer un sistema de información e orientación aos estudantes mediante a asignación dun profesor-titor.
-Motivar unha participación activa do alumnado nos distintos aspectos da vida universitaria.
-Ampliar a información que os estudantes teñen sobre a Universidade, os servizos que ofrece, os proxectos nos que poden participar, as bolsas ás que poden optar.
-Mellorar a implicación dos estudantes na Xestión do Centro.
-Mellorar a satisfacción dos estudantes coa información recibida.
-Dar cobertura ás necesidades de apoio formativo dos estudantes.
Na Facultade de Ciencias Xurídicas e do Traballo da Universidade de Vigo, o PAT configúrase como o instrumento a través do cal se deseña o contido e a execución das distintas accións relativas á titoría universitaria. Supón superar o modelo especificamente académico, unicamente preocupado pola transmisión de coñecementos, e apostar por un modelo educativo no que conflúen ademais funciones socio-educativas, baseadas en relacións mutuas e interaccións titor/a-alumno/a, alumno/a-alumno/a, etc.
Preténdese ir consolidando unha liña de acción titorial coherente coas necesidades do alumnado, normalizando as distintas accións e conseguindo un idóneo equilibrio entre as expectativas dos/as alumnos/as e os obxectivos que se expoñen no marco do Espazo Europeo de Educación Superior. Neste sentido, é de importancia destacar un dos principios polos que aposta o Sistema de Garantía de Calidade da Facultade de CC Xurídicas e do Traballo e ao que con este plan trátase de responder: a adecuación de métodos de ensino, aprendizaxe e avaliación á adquisición de competencias do alumnado, atención á diversidade, orientación á aprendizaxe, etc.
Trátase dun documento vivo que é revisado e actualizado de acordo as necesidades e prioridades do Centro. Son axentes implicados na elaboración do PAT, entre outros e no que agora nos interesa, as Comisións Académicas dos Posgraos e os coordinadores dos mesmos que, así mesmo, participan na súa Presentación. Os Coordinadores, ademais, deben colaborar activamente na implantación do PAT e as Comisións Académicas na súa avaliación.
O PAT inclúe as seguintes actividades:
- Actividade 1. Sesión de Organización do PAT nos Posgraos: o Coordinador do Máster reunirá aos titores, trala aprobación pola Comisión Académica, para asignar os alumnos a titorizar e para impartir instrucións, recomendacións, informacións e materiais cos que realizar as tarefas de titorización.
- Actividade 2. Sesión de información: no acto de apertura do Máster, o Coordinador do Máster informará aos novos alumnos do funcionamento do PAT e da misión dos titores.
- Actividade 3. Sesión de contacto: os titores terán unha reunión co alumnado e explicaranlle o obxectivo do programa de titorización e o xeito de manterse en contacto.
- Actividade 4. Sesión de seguimento: os titores procederán a realizar un seguimento dos alumnos titorizados a través de reunións individuais ou en grupo.
- Actividade 5. Avaliación da satisfacción e dos resultados: finalizado o período lectivo do Máster, procederase á avaliación do PAT mediante a realización dunha enquisa aos alumnos titorizados e a recepción dos informes realizados polos titores.
- Actividade 6. Análise de resultados: a Comisión Académica do Máster analizará as enquisas e os informes para, no seu caso, propoñer medidas de avance ou novas accións a incluír no PAT.
- Actividade 7. Elaboración do Informe de resultados para o avance continuo: elaborarase un Informe final do curso académico relativo ao PAT do Máster que se remitirá ao órgano encargado da análise de resultados do PAT do centro.
O apartado 6 do PAT refírese á figura do “Titor e as súas funcións”. Neste sentido o PAT establece que nos Posgraos, o esquema organizativo da acción titorial deberá ser adoptado cada curso académico de acordo co establecido nesta normativa polas respectivas Comisións Académicas, debendo ser notificado ao Decanato.
Dun xeito máis concreto, cabo indicar:
a) Período de realización de prácticas en xulgados: designación dun titor por alumno/s designados nun mesmo órgano xudicial, ademais do coordinador do equipo de titoría.
b) Período de realización de prácticas en despachos de procuradores: designación dun titor por cada alumno/s designados nun mesmo despacho, ademais do coordinador do equipo de titoría.
c) Período de realización de prácticas de aula: designación dun titor por cada unha das materias.
d) Período de realización de traballo non presencial: os alumnos contarán cun titor que estará á súa disposición nas dependencias da Escola durante un determinado número de horas, que está en relación ao número das horas de traballo non presencial, coa finalidade de que os alumnos teñan un apoio constante no traballo que realizan á marxe da formación presencial nas aulas e así obter un maior aproveitamento das horas non presenciais.
e) Período de preparación dos xuízos simulados: designación dun titor en cada un dos xuízos, cuxa tramitación simulada levarase a cabo ao finalizar cada materia, e que orientará e resolverá todas as incidencias que aos alumnos se lle presente durante a preparación do xuízo simulado.
No caso das materias do “curso de formación” a designación do titor recaerá, como regra xeral, nalgún dos coordinadores da materia.
Entre as funcións do titor, á marxe da organización e apoio a profesores, profesionais e demais persoal docente intervinte no ámbito da súa titoría, hai que facer especial mención á de asistencia, apoio e orientación ao alumnado en todos e cada un dos aspectos que comprende a súa condición no Máster.

Prácticas en empresas: A organización e realización das prácticas externas en que consisten as tres materias de que consta o módulo IV do plan de estudos, realizarase conforme ao disposto no capitulo III do Regulamento que desenvolve a Lei 34/2006, no convenio de colaboración asinado entre as institucións que organizan e imparten o Máster, e na normativa xeral sobre prácticas académicas externas dos estudantes universitarios (Real Decreto 1707/2011, de 18 de novembro).
No marco da anterior normativa, establécense as seguintes particularidades:
a) As prácticas externas desenvolveranse en órganos xurisdicionais e fiscalías, durante un total de 150 horas, no terceiro semestre, e en despachos profesionais de procuradores, durante un total de 600 horas, no segundo e terceiro semestres. En función das disponibilidades das institucións receptoras dos alumnos, procurarase que as prácticas se realizen con continuidade durante un período de tempo determinado.
b) A elección da institución e o período de prácticas será efectuada pola Dirección do Máster en atención aos seguintes criterios: preferencias manifestadas polos alumnos e disponibilidades das institucións colaboradoras, conforme á planificación que elaborará a Dirección do Máster, e que fará pública coa suficiente antelación.
c) As prácticas realizaranse naqueles órganos xurisdicionais e despachos profesionais cos que as institucións que organizan e imparten o Máster teñan convenio de colaboración asinado ao efecto.
d) Os contidos e competencias das prácticas serán os establecidos no art. 14 do Regulamento de desenvolvemento da Lei 34/2006 e nas fichas que se achegan como Anexo I á presente memoria.
e) A cada alumno asignaráselle un titor na entidade colaboradora para a realización das prácticas, que será designado por a devandita entidade, o cal encargarase do seguimento da aprendizaxe do alumno.
f) As prácticas externas estarán tuteladas por un equipo/s de profesionais, á fronte dos cales estarán procuradores que exerzan a profesión durante polo menos cinco anos.
g) Os titores deberán informar mensualmente da actividade, evolución e rendemento do estudante. Ao final do período de formación, cada titor redactará unha memoria explicativa das actividades que se levaron a cabo no exercicio das súas funcións, que deberá comprender, entre outros extremos, unha referencia sucinta ás actividades programas e realizadas polo estudante, á súa evolución e á súa cualificación.
h) Tendo en conta o aproveitamento das prácticas, empregando para iso unha memoria elaborada polo alumno e o informe do titor da entidade colaboradora, o equipo de titoría das prácticas externas outorgará a correspondente cualificación, salvo que considere conveniente a realización dunha proba específica que necesariamente haberá de versar sobre actividades e contidos propias das prácticas.
A impartición do Máster Interuniversitario en Procuradoría efectuarase nas instalacións de que dispoñen as Facultades xurídicas das Universidades participantes e a Escola de Práctica Xurídica de Santiago de Compostela (USC-ICA de Santiago). Para as prácticas externas contarase tamén coa colaboración dos medios materiais e servizos de que dispoñen os colexios de procuradores que participan no Máster.
Ditas instalacións dispoñen dos medios materiais e espazos adecuados para garantir o funcionamento dos servizos correspondentes aos ensinos que se impartirán, permitindo os tamaños de grupo previstos, o desenvolvemento das actividades formativas e o seu axuste ás metodoloxías de ensino-aprendizaxe previstas.
A Facultade de Dereito ten convenios con distintas institucións públicas e privadas para a realización das prácticas externas. Os devanditos organismos, empresas e despachos profesionais poñen a disposición dos alumnos os medios materiais e de servizos para o correcto desenvolvemento das mesmas: lugar de traballo, acceso a medios informáticos e de consulta, etc.
Entre os contidos das prácticas están: Aplicación práctica de todos os contidos do Máster nunha situación real de exercicio profesional. En particular, coñecemento da organización e funcionamento do despacho profesional, cuestións deontolóxicas e de responsabilidade. O contido específico, é dicir o tipo de actuacións profesionais nas que intervirá o estudante dependerá dos asuntos xestionados polo despacho no período en que se realicen as prácticas. En todo caso, esixirá o seu inserción na dinámica de traballo do posto de destino; asunción do clima laboral da entidade e do rol asignado; discusión co titor externo das actividades encomendadas e da forma de desenvolvelas; consulta co titor da Universidade sobre preparación e estudo dos casos suscitados.
A actividade presencial se complementará con soporte virtual ofrecido a través da plataforma USC VIRTUAL e das plataformas das Escolas de Práctica Xurídica, por medio das que se ofrecerán os diferentes materiais referidos aos contidos e supostos prácticos das diferentes partes que configuran a materia, ofreceranse enlaces ás fontes básicas de coñecemento, recolleranse os traballos realizados polos alumnos, realizaranse probas de autoavaliación, se habilitarán métodos de contacto para titorías virtuais e remitiranse as cualificacións aos alumnos.

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade