Máster Universitario en Avogacía (L) - P3351V01 - 2013/2014

Denominación do título: Máster Universitario en Avogacía (L)

Rama de coñecemento: Ciencias Sociais e Xurídicas

Centro onde se imparte:
Facultade de Dereito
Avda. Dr. Ángel Echeverri, s/n. Campus sur
15782
Santiago

Data da autorización de implantación do título pola Xunta de Galicia: Orde do 1 de febreiro de 2013 (DOG do 12/02/2013)

Data de publicación no BOE: Sen publicar

Data da última acreditación: 08/03/2013

Responsable do título:

Coordinador do título: Vilaboy Lois, Lotario

Condicións da docencia:

• Periodicidade da oferta: anual
• Tipo de ensinanza: presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Memoria da titulación

Obxectivos

O Máster Universitario en Avogacía ten como obxectivo xeral a transmisión ao alumno dos coñecementos, competencias, aptitudes, habilidades e destrezas que lle permitan:

- O exercicio da profesión de avogado nos ámbitos que lle son propios: asesoramento e consello xurídico, e dirección técnica e defensa dos dereitos das partes en toda clase de procesos xudiciais e de actuacións extraxudiciais nos que a normativa vixente impoña ou faculte a intervención de avogado.
- Manexar con eficacia, responsabilidade e seguridade as técnicas e modos de actuación profesional propios da avogacía.
- Adquirir unha mecánica de razoamento xurídico e, en consecuencia, obter unha base xenérica da práctica xurídica en todas as materias propias do dereito positivo, para que simultánea e paulatinamente poida aspirar á especialización.

Competencias xerais

COMPETENCIAS XERAIS:

1. Posuír e comprender coñecementos que acheguen unha base ou oportunidade de ser orixinais no desenvolvemento e aplicación de ideas e demostrar, no contexto do exercicio da avogacía, unha comprensión detallada e fundamentada dos aspectos teóricos e prácticos e da metodoloxía de traballo.

2. Saber aplicar e integrar os seus coñecementos, a comprensión destes, a súa fundamentación e as súas capacidades de resolución de problemas en contornas novas e definidas de forma imprecisa, incluíndo contextos de carácter multidisciplinar profesionais altamente especializados.

3. Ser capaces de predicir e controlar a evolución de situacións complexas mediante o desenvolvemento de novas metodoloxías de traballo, adaptadas ao ámbito profesional da avogacía.

4. Ser capaces de asumir a responsabilidade do seu propio desenvolvemento profesional e da súa especialización nun ou máis campos de actuación.

5. Capacidade de traballo en equipo e de relación interpersoal nun contexto profesional.

6. Capacidade de iniciativa, creatividade, liderado, adaptación a novas situacións e espírito de superación.

7. Capacidade de obtención e xestión da información.

8. Capacidade de resolución de problemas.

9. Desenvolvemento dos principios de lealdade e confidencialidade.

10. Capacidade de argumentar tanto de forma oral como escrita, cunha linguaxe fluída e técnico, utilizando termos xurídicos, precisos, claros e comprensibles.

11. Capacidade de manexo das tecnoloxías da información e comunicación no desenvolvemento da súa actividade laboral.

12. Valorar críticamente o coñecemento, a tecnoloxía e a información dispoñible para resolver os problemas cos que deben enfrontarse.

COMPETENCIAS ESPECÍFICAS:

Os cursos de formación para o acceso á profesión de avogado garantirán a adquisición polo menos das seguintes competencias profesionais:

1. Coñecer as técnicas dirixidas á investigación e establecemento dos feitos nos distintos tipos de procedemento, especialmente a produción de documentos, os interrogatorios e as probas periciais.
2. Coñecer e ser capaz de integrar a defensa dos dereitos dos clientes no marco dos sistemas de tutela xurisdicionais nacionais e internacionais.
3. Coñecer e saber aplicar os dereitos e deberes deontolóxicos profesionais nas relacións do avogado co cliente, as outras partes, o tribunal ou autoridade pública e entre avogados.
4. Coñecer e avaliar as distintas responsabilidades vinculadas ao exercicio da actividade profesional, incluíndo o funcionamento básico da asistencia xurídica gratuíta e a promoción da responsabilidade do avogado.
5. Saber identificar os conflitos de intereses e coñecer as técnicas para a súa resolución, establecer o alcance do segredo profesional e da confidencialidade.
6. Desenvolver destrezas e habilidades para a elección da estratexia correcta para a defensa dos dereitos dos clientes tendo en conta as esixencias dos distintos ámbitos da práctica profesional.
7. Desenvolver destrezas que permitan ao avogado mellorar a eficiencia no seu traballo e potenciar o funcionamento global do equipo ou institución en que o desenvolve mediante o acceso a fontes de información, o coñecemento de idiomas, de xestión do coñecemento e o manexo de técnicas e ferramentas aplicadas.
8. Saber desenvolver traballos profesionais en equipos específicos e interdisciplinares.
9. Familiarizarse co funcionamento e a problemática de institucións relacionadas co exercicio da profesión de avogado.
10. Recibir información actualizada sobre o desenvolvemento da carreira profesional e as posibles liñas de actividade, así como verbo dos instrumentos para a súa xestión.
11. Dominio da terminoloxía xurídica máis usual.
12. Dominio da organización institucional e colexial da avogacía española, autonómica e europea.
13. Coñecemento das condicións de acceso e exercicio da avogacía en España e en Europa e das distintas modalidades de exercicio profesional.
14. Dominio do funcionamento dos servizos de quenda de oficio, asistencia ao detido e de orientación xurídica.
15. Adquisición de nocións sobre recursos humanos, mercadotecnia, captación e fidelización de clientes, comunicación, dirección estratéxica, xestión do tempo, dirección de equipos, e outras relacionadas coa xestión do despacho.
16. Coñecemento e manexo da lexislación básica sobre protección de datos referida aos ficheiros dos clientes do despacho.
17. Coñecemento das distintas prestacións da Mutualidade Xeral da Avogacía Española, das demais mutualidades profesionais da avogacía e da Seguridade Social, así como os requisitos de adscrición a cada unha desas modalidades.
18. Coñecemento dos fundamentos básicos do proxecto tecnolóxico da avogacía e a presentación telemática de escritos xudiciais.
19. Coñecer as técnicas dirixidas á averiguación e establecemento dos feitos nos distintos tipos de procedeimento, especialmente a producción de documentos, os interrogatorios e as probas periciais
20. Capacidade de análise de textos xurídicos sobre as materias en cuestión para a súa correcta interpretación e aplicación.
21. Dominio das técnicas xurídicas e investigadoras.
22. Capacidade para elaborar un traballo de investigación

Saídas

A Lei de Acceso ás Profesións de Avogado e Procurador dos Tribunais esixe, a partir da súa entrada en vigor, a obtención do título profesional de avogado “para o desempeño da asistencia letrada naqueles procesos xudiciais e extraxudiciais en que a normativa vixente impoña ou faculte a intervención de avogado e, en todo caso, para prestar asistencia letrada ou asesoramento en dereito utilizando a denominación de avogado”.

En definitiva, o Máster que se propón pretende cubrir a necesidade de capacitación profesional esixida pola Lei 34/2006, na súa modalidade de vía idónea para a obtención do título profesional de avogado e, en particular, para a formación de profesionais da avogacía que posúan os coñecementos, competencias, técnicas e destrezas precisas no ámbito deontolóxico, extraxudicial e xudicial, para un adecuado desempeño do exercicio profesional. Intégrase así a formación que se propón no marco do Espazo Europeo de Educación Superior, por canto en todos os países de Europa se esixe un período de formación específica de contido práctico, tras obter a licenciatura ou o grao en Dereito, para o exercicio profesional como avogado.

Xustificación

O Máster está destinado licenciados en Dereito, graduados en Dereito ou con outro título universitario equivalente que reúna os requisitos establecidos no art 3 do Regulamento de desenvolvemento da Lei de Acceso; e nace cunha clara vocación profesional, en tanto que ten por finalidade proporcionar capacitación profesional (coñecementos, competencias e habilidades propias do exercicio da profesión da avogacía, tanto nos aspectos organizativos e colexiais como de estrita técnica xurídica) aos licenciados/graduados en Dereito que, tras a avaliación positiva da aptitude profesional, poidan obter o título profesional de avogado, que a Lei 34/2006 esixe como imprescindíbel para o exercicio da profesión de avogado.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 35

Demanda do ano anterior: null

Perfil de ingreso: Non se contempla

Criterios de acceso e admisión:

Modalidade: con límite de prazas e criterios específicos

Grao ou Licenciatura en Dereito

Información actualizada en cada convocatoria de matrícula

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Co Traballo Fin de Máster preténdese un dobre carácter: como ferramenta para comprobar a asimilación dos coñecementos, técnicas, habilidades e actitudes impartidas ao longo do Máster e como medio para comprobar a capacidade de investigación, interdisciplinariedade, solución de problemas do alumno. A Coordinación do Máster fará cada curso unha oferta de traballos, tendo en conta os contidos formativos incluídos no plan de estudos e de titores. Os alumnos seleccionarán o tema do traballo dentro desa oferta. O titor/es será/n designado/s a cada alumno en función do contido do traballo e da capacidade docente do profesorado. A avaliación levará a cabo sobre a base dun informe emitido polo titor.

Plan de Acción Titorial: Entre as accións de apoio e orientación aos estudantes, ten especial importancia a designación dun titor do alumnado que vai efectuar un seguimiento directo e continuado de todas as actividades que realicen e que, ademais, se configura como a canle a través da cal os alumnos van canalizar todas as dúbidas e incidentes que se lles presenten. Esta designación de titor efectuarase en todos e cada un dos módulos que integran o "curso de formación" e para cada un dos períodos de "prácticas externas" que integran o contido formativo do Máster.

Dun xeito máis concreto, cabe indicar que:
a) Período de realización de prácticas en administracións públicas: designación dun titor por cada alumno/s que realiza as prácticas nunha determinada dependencia, ademais do coordinador do equipo de titoría.
b) Período de realización de prácticas en xulgados: designación dun titor por alumno/s designados nun mesmo órgano xudicial, ademais do coordinador do equipo de títoría.
c) Período de realización de prácticas en despachos de avogados: designación dun titor por cada alumno/s designados nun mesmo despacho, ademais do coordinador do equipo de titoría.
c) Período de realización de prácticas de aula: designación dun titor por cada un dos módulos.

No caso das materias do "curso de formación" a designación do titor recaerá, como regra xeral, nalgún dos coordinadores dos módulos.

Prácticas en empresas: As prácticas externas desenvolveranse en asesorías e gabinetes xurídicos de administracións públicas, durante un total de 75 horas, no segundo semestre; do mesmo xeito que en órganos xurisdiccionais e fiscalías, durante un total de 75 horas, no segundo semestre, e en despachos profesionais de avogados, durante un total de 600 horas, no terceiro semestre. En función das dispoñibilidades das institucións receptoras dos alumnos, procurarase que as prácticas realícense con continuidade durante un período de tempo determinado.

A cada alumno asignaráselle un titor na entidade colaboradora para a realización das prácticas, que será designado pola devandita entidade, o cal encargarase do seguimento da aprendizaxe do alumno. Os titores deberán informar mensualmente da actividade, evolución e rendemento do estudante. Ao final do período de formación, cada titor redactará unha memoria explicativa das actividades que levaron a cabo no exercicio das súas funcións, que deberá comprender, entre outros extremos, unha referencia sucinta ás actividades programadas e realizadas polo estudante, á súa evolución e á súa cualificación.

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade