Licenciatura en Dereito - 611V01 - 2013/2014

Directrices Xerais: R.D. 1424/1990 do 26 de outubro (BOE 20 de novembro de 1990)

Plan de estudios:Resolución de 25 de xuño de 2003 (BOE 2 de agosto de 2003).

Corrección de erros:Resolución 1 de setembro de 2004 (BOE 27 de setembro de 2004)

Complementos de formación:

Extinción: 2010/11: 1º curso sen docencia, con dereito a exame. 2011/12: 1º curso sen docencia, último con dereito a exame. 2º curso sen docencia, con dereito a exame. 2012/13: 2º curso sen docencia, último con dereito a exame. 3º curso sen docencia, con dereito a exame. 2013/14: 3º curso sen docencia, último con dereito a exame. 4º curso sen docencia, con dereito a exame. 2014/15: 4º curso sen docencia, último con dereito a exame. 5º curso sen docencia, con dereito a exame. 2015/16: 5º curso sen docencia, último con dereito a exame.

Obxectivos formativos

Formación integral do xurista, proporcionando coñecementos de Dereito positivo e capacidade para a análise e a crítica das normas legais e aplicacións xurisprudenciais e para a busca de solucións aos conflitos xurídicos en defecto de norma aplicable.

Coñecementos e competencias

Adquisición de mentalidade crítica na interpretación e aplicación das normas. Aprendizaxe do razoamento en Dereito. Capacidade de argumentación xurídica de posicións contrapostas. Estudo do Dereito vixente a través das distintas fontes.

Características educativas

Algunhas disciplinas de formación xeral e adquisición de coñecementos básicos no eido do Dereito combínanse con outras materias dedicadas ao estudo do Dereito positivo vixente e desenvolvementos xurisprudenciais e doutrinais deste, con clases teóricas e prácticas.

Saídas profesionais

Exercicio profesional, como avogado ou procurador dos tribunais. Asesoramento de empresas e particulares. Acceso á función pública previa preparación das oposicións correspondentes. Carreira diplomática. Funcionarios da UE. Acceso á xudicatura e ao Ministerio fiscal. Notarías, Rexistros da Propiedade, etc.

Exame final / Título de grao

A obtención de grao de licenciado en Dereito esixe a superación dunha proba na que a Comisión avalía os coñecementos xerais do alumno sobre a base dun programa que recolle os aspectos esenciais das distintas disciplinas da licenciatura.

Programas de intercambio

SICUE con varias universidades españolas. ERASMUS con universidades europeas (alemás, italianas e francesas fundamentalmente). Programas de intercambio con universidades iberoamericanas en base a convenios bilaterais.

Prácticas en empresas

A materia troncal "Prácticum" contempla oitenta horas de prácticas en empresas privadas, institucións públicas, despachos profesionais de avogados e procuradores, Rexistros, Notarías, Xulgados, etc.

Requisitos para a admisión

Titulación en proceso de extinción. Probas de acceso á universidade Non existe limitación de prazas para os alumnos que cursan primeiro curso por primeira vez

Acceso a outros estudos posteriores

Estudos de Terceiro Ciclo Estudos de Posgrao

Requisitos para a admisión

Titulación en proceso de extinción. Probas de acceso á universidade Non existe limitación de prazas para os alumnos que cursan primeiro curso por primeira vez

Acceso a outros estudos posteriores

Estudos de Terceiro Ciclo Estudos de Posgrao

Acceso 2º Ciclo

Formación integral do xurista, proporcionando coñecementos de Dereito positivo e capacidade para a análise e a crítica das normas legais e aplicacións xurisprudenciais e para a busca de solucións aos conflitos xurídicos en defecto de norma aplicable.

Créditos necesarios para obter a titulación