P3151109 - Traballo fin de máster (Fin de Máster) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Interactiva Seminario: 95.00
• Horas de Titorías: 285.00
• Total: 380.0

Outros Datos

• Tipo: Traballo Fin de Máster RD 1393/2007
• Departamentos: Economía Financeira e Contabilidade, Organización de Empresas e Comercialización, Organización de Empresas e Comercialización
• Áreas: Economía Financeira e Contabilidade, Comercialización e Investigación de Mercados, Organización de Empresas
• Centro: Facultade de Económicas e Empresariais
• Convocatoria: Traballos Fin de Grao e Máster
• Docencia e Matrícula: Primeiro Curso (1º 1ª vez)

Profesores

Nome	Coordinador

Horarios

Nome	Tipo Grupo	Tipo Docencia	Horario Clase	Horario exames
Grupo /CLIS_01	Ordinario	Clase Interactiva Seminario	NON	NON
Grupo /TI-ECTS01	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Orientacións académica e profesional: O obxectivo principal do traballo fin de máster é que o alumnado aplique dun modo integrado os coñecementos e habilidades adquiridos nas materias do máster.

Orientación investigadora: O obxectivo principal do traballo fin de máster é iniciar ao alumnado na investigación nas áreas de coñecemento de Organización de Empresas, Comercialización e Investigación de Mercados ou Economía Financeira e Contabilidade.

Contidos
Orientacións académica e profesional: O contido específico definirase para cada traballo individual. Pode consistir nunha proposta para a creación dunha empresa ou calquera outro proxecto relacionado coas competencias do máster.

Orientación investigadora: Deseño e realización dunha procura científica nalgunha das áreas de coñecemento implicadas no Máster: Organización de Empresas, Comercialización e Investigación de Mercados e Economía Financeira e Contabilidade. O contido específico definirase para cada traballo individual.

Competencias
Orientacións académica e profesional:
- Capacidade para definir os obxectivos do traballo.
- Capacidade para deseñar as tarefas, organizar os pasos a seguir para acadar os obxectivos e desenvolver o traballo de acordo co plan definido.
- Capacidade de busca e selección da información relevante para o traballo.
- Capacidade para aplicar os coñecementos adquiridos que sexan pertinentes para o traballo, integrándoos coa nova información conseguida.
- Capacidade para organizar e presentar a información de forma estruturada e clara.
- Capacidade para recoñecer as limitacións do traballo e propoñer liñas de investigación futuras.

Orientación investigadora:
Ademais das competencias anteriores, o traballo fin de máster da orientación investigadora desenvolverá as seguintes competencias:
- Capacidade para aplicar os métodos de investigación máis relevantes en dirección de empresas.
- Capacidade para deseñar un traballo de investigación.
- Capacidade para interpretar os resultados e extraer conclusións relevantes.

Metodoloxía da ensinanza
Orientacións académica e profesional: A/o estudante deberá realizar e presentar un traballo no que demostre as competencias adquiridas no máster. Incluirá, como mínimo, tarefas de busca e revisión bibliográfica, lectura e integración de información, elaboración de esquemas, redacción e presentación.

Orientación investigadora: A/o estudante deberá realizar e presentar un traballo no que demostre a súa capacidade para a investigación en dirección de empresas.

Metodoloxía común ás tres orientacións:
Durante o desenvolvemento do traballo fin de máster programaranse sesións de traballo coa/o profesora/r tutora/r, que establecerá a programación das tarefas a realizar e orientará o traballo.
O traballo será defendido oralmente pola/o estudante diante dunha comisión avaliadora nomeada pola Comisión Académica do máster.

Sistema de evaluación
Orientacións académica e profesional: Valorarase o contido, nivel de integración de coñecementos adquiridos en diferentes materias e actividades formativas do máster, achegas persoais, capacidade de análise crítica da información, estrutura, expresión e presentación oral.

Orientación investigadora: A avaliación terá en conta o contido, estrutura, fundamento teórico, adecuación e dominio da metodoloxía aplicada, bibliografía utilizada, relevancia das conclusións e implicacións directivas e capacidade para estimular liñas futuras de investigación.

Común ás tres orientacións:
Así mesmo, terase en conta o compromiso durante a realización do traballo, o seguimento das orientacións do titor/a, o cumprimento da programación de tarefas no desenvolvemento do traballo e a iniciativa.
O traballo, ademais de entregarse por escrito, deberá presentarse oralmente.

Tempo de estudo e traballo persoal
O tempo estimado para a realización do traballo é de 150 horas
Recomendacións para o estudo da materia
Recoméndase o seguimento das orientacións do titor/a, así como o cumprimento dos prazos establecidos.