P3012107 - Impacto económico do turismo urbano (Materias Obrigatorias) - Curso 2013/2014

Información

• Créditos ECTS
• Créditos ECTS: 3.00
• Total: 3.0
• Horas ECTS
• Clase Expositiva: 9.00
• Clase Interactiva Seminario: 12.00
• Horas de Titorías: 3.00
• Total: 24.0

Outros Datos

• Tipo: Materia Ordinaria Máster RD 1393/2007
• Departamentos: Economía Aplicada
• Áreas: Economía Aplicada
• Centro: Facultade de Económicas e Empresariais
• Convocatoria: 1º Semestre de Titulacións de Grao/Máster
• Docencia e Matrícula: Primeiro Curso (1º 1ª vez)

Profesores

Nome	Coordinador
MARTINEZ ROGET, FIDEL.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIS_01	Ordinario	Clase Interactiva Seminario	SI	SI
Grupo /TI-ECTS01	Ordinario	Horas de Titorías	NON	NON
Grupo /TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Coa materia "Impacto económico do turismo urbano" preténdese que o alumno coñeza os aspectos básicos que deben terse en conta á hora de analizar un mercado turístico, e máis concretamente un mercado a escala subnacional, como pode ser un destino urbano.
En concreto, é preciso que o alumno domine as ferramentas, coñeza as metodoloxías e identifique as bases de datos existentes, que lle permitan a análise da oferta e a demanda turísticas e que o orienten na estimación dos impactos económicos do turismo. Do mesmo xeito tamén se aspira a que saiba interpretar o contexto no que se desenvolve o sector turístico, analizando os cambios socioeconómicos e turísticos experimentados nos últimos anos e as posibles tendencias e retos de cara ao futuro. Para cumprir cos anteriores obxectivos, adoptarase un enfoque de tipo estrutural, que trata de reunir nun mesmo cadro explicativo global, o conxunto de elementos e interdependencias que operan a nivel do mercado turístico e que permiten entender os cambios que, de forma acelerada, veñen caracterizando a evolución recente desta actividade.
Contidos
BLOQUE I: ANÁLISE DO MERCADO TURÍSTICO
Tema 1: Análise da demanda turística
Tema 2: Análise da oferta turística
Tema 3: O marco institucional
Tema 4: Análise do entorno: económico, político, sociocultural e competitivo

BLOQUE II: IMPACTO ECONÓMICO DA ACTIVIDADE TURÍSTICA
Tema 5: Impacto turístico: Concepto e tipos
Tema 6: Metodoloxía para a análise dos impactos económicos do turismo
Tema 7: Impacto económico do turismo en niveis subnacionais
Bibliografía básica e complementaria
BIBLIOGRAFÍA BÁSICA:

COOPER, C.; FLETCHER, J.; FYALL, A.; GILBERT, D.; WANHILL, S. (2007): El turismo. Teoría y práctica. Ed. Síntesis. Madrid.
TRIBE, J. (2000): Economía del ocio y del turismo. Ed. Síntesis. Madrid.
RIVAS GARCÍA, J. (2008): Estructura y economía del mercado turístico. Septem ediciones. Oviedo.

BIBLIOGRAFÍA COMPLEMENTARIA:

BRENT RITCHIE, J. R.; CHARLES, R. (1994): Travel, tourism, and hospitality research : a handbook for managers and researchers. John Wiley & Sons. New York.
DWYER, L.; FORSYTH, P. (Eds.) (2006): International handbook on the economics of tourism. Edward Elgar, cop. Cheltenham
LORENTE DE LAS CASAS, ET AL (2005): Economía y turismo: prácticas. McGraw-Hill. Madrid.
MARTÍNEZ QUINTANA, V. (2006): Ocio y turismo en la sociedad actual: los viajes, el tiempo libre y el entretenimiento en el mundo globalizado. McGraw-Hill. Madrid.
MOCHÓN, F. (2008): Economía y turismo. 2ª Edición. McGraw-Hill. Madrid.

Competencias
1. Competencias da titulación ás que contribúe a materia:
–G2 Aplicar os coñecementos adquiridos á realidade do sector turístico.
–G4 Tomar decisións a partir de información incompleta ou limitada.
–G6 Integrar coñecementos que aporten unha base ou oportunidade de ser orixinais no desenvolvemento e/ou aplicación de ideas.
–E4 Identificar as tendencias e a dinámica dos mercados turísticos.
–E14 Aplicar as técnicas para avaliar o impacto económico do turismo urbano.
–E15 Empregar técnicas de recollida e análise de datos.

2. Competencias transversais:
–T2 Demostrar razoamento crítico.
–T3 Analizar e sintetizar a información.

Metodoloxía da ensinanza
Nas clases expositivas o profesor explicará, apoiándose en programas como o power-point, ou a folla de cálculo excel, os distintos temas da materia. O obxectivo destas explicacións será que o alumno coñeza o funcionamento dun mercado turístico, así como os distintos tipos de impacto xerados polo turismo. Tamén se presentará a metodoloxía existente para a análise do impacto económico do turismo e reflexionarase sobre as súas dificultades para aplicala en niveis subnacionais
Nas clases interactivas o alumno realizará exercicios nos que terá que aplicar os coñecementos e técnicas aprendidas nas clases expositivas e terá que realizar unha análise dun mercado turístico concreto.
Sistema de evaluación
En primeiro lugar e en relación coa asistencia, para superar a materia, o alumno deberá asistir como mínimo ao 80% das actividades docentes presenciais programadas. En canto ao sistema concreto de avaliación, realizarase de dúas formas distintas e complementarias. Por un lado, realizarase un exame final, sobre os contidos da materia. Este exame representará entre o 30% e o 50% da nota final. Por outro lado, realizarase unha avaliación continua que consistirá en dous tipos de probas: a realización por parte do alumno dun traballo, nas clases interactivas, no que terá que analizar un mercado turístico concreto (entre o 30% e o 50% da nota final). A realización de exercicios específicos nos que aplicarán técnicas vistas nas clases expositivas (entre o 10% e o 20% da nota final).



Ponderación mínima Ponderación máxima

Exame 30% 50%
Traballo 30% 50%
Actividades na aula 10% 20%

Tempo de estudo e traballo persoal
A materia equivale a 75 horas de traballo para o alumno, das cales 27 serán de traballo presencial na aula e 48 de traballo persoal.
As horas de traballo persoal distribúense en: estudo autónomo, lecturas, realización de exercicios e traballos, redacción de conclusións e preparación da materia.
Recomendacións para o estudo da materia
Non existen requisitos previos, se ben é recomendable que o alumno repase os coñecementos de análise económica aplicados ao turismo e as principais técnicas de análise estatística. Recoméndase, tamén que teña uns coñecementos mínimos no manexo da folla de cálculo Excel.