Grao en Administración e Dirección de Empresas [S] - G3071V01 - 2013/2014

Denominación do título: Grao en Administración e Dirección de Empresas [S]

Rama de coñecemento: Ciencias Sociais e Xurídicas

Centro onde se imparte:
Facultade de Económicas e Empresariais
Avda. do Burgo, s/n. Campus Norte
15782
Santiago de Compostela

Data da autorización de implantación do título pola Xunta de Galicia: Decreto 385/2009 do 27 agosto (DOG 16/09/09)

Data de publicación no BOE: BOE do 5 de marzo de 2010

Data da última acreditación: 22/06/2009

Responsable do título:

Coordinador do título: VAZQUEZ ROZAS, MARIA EMILIA

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE

Obxectivos

A formación de profesionais que sexan capaces de desempeñar labores de xestión, asesoramento e avaliación nas organizacións produtivas. Estes labores pódense desenvolver no ámbito global da organización ou en calquera das súas áreas funcionais: produción, recursos humanos, financiamento, comercialización, investimento, administración ou contabilidade.
O graduado ou graduada debe coñecer a articulación do normal desenvolvemento de todas estas áreas funcionais cos obxectivos xerais da empresa e outras organizacións, no contexto global da economía e estar en condicións de contribuír coa súa actividade ao bo funcionamento e á mellora dos seus resultados. En concreto, debe saber identificar e anticipar oportunidades, asignar recursos, organizar a información, seleccionar e motivar ás persoas, tomar decisións, alcanzar obxectivos propostos e avaliar resultados.

Competencias xerais

a) Posuír e comprender os coñecementos que definen á Administración e Dirección de Empresas como disciplina científica, incluíndo as súas teorías, historia, métodos, técnicas e áreas de aplicación, a un nivel que se apoia nas publicacións máis avanzadas e inclúe algúns dos aspectos máis relevantes que están na vangarda do coñecemento neste campo.
b) Saber elaborar e defender argumentos sobre cuestións económicas a un nivel xeral, así como resolver problemas sobre estas cuestións.
c) Saber identificar, reunir e interpretar datos relevantes sobre cuestións relacionadas co ámbito empresarial.
d) Saber comunicar información, ideas, problemas e propostas de solución a cuestións de índole empresarial tanto a un público especializado como non especializado.
e) Posuír os coñecementos xerais e as habilidades de aprendizaxe necesarias para continuar estudando cun alto grao de autonomía.
f) Abordar a súa actividade profesional desde o respecto e promoción dos dereitos fundamentais das persoas.

Competencias específicas

1. Xestionar e administrar unha empresa ou organización, entendendo a súa localización competitiva e institucional e identificando as súas fortalezas e debilidades.
2. Integrarse en calquera área funcional dunha empresa ou organización e desempeñar con soltura calquera labor de xestión.
3. Valorar a partir dos rexistros relevantes de información a situación e previsible evolución dunha empresa.
4. Emitir informes de asesoramento sobre situacións concretas de empresas e mercados.
5. Redactar proxectos de xestión global ou de áreas funcionais da empresa.
6. Identificar as fontes de información económica relevante e o seu contido.
7. Derivar dos datos información relevante imposible de recoñecer por non profesionais.
8. Usar habitualmente a tecnoloxía da información e as comunicacións en todo o seu desempeño profesional.
9. Aplicar á análise dos problemas, criterios profesionais baseados no manexo de instrumentos técnicos.
10. Comunicarse con fluidez na súa contorna e traballar en equipo.

Saídas profesionais

A profesión regulada relacionada co título é a de Economista. A licenciatura en Administración e Dirección de Empresas é a titulación máis demandada polas empresas. O 85,1% das compañías solicita licenciados/as nesta carreira. Nesta clasificación de expectativas laborais, a diplomatura en Ciencias Empresariais ocupa o cuarto lugar. Entre o 40 e o 42% das empresas españolas decántanse por titulados desta opción.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Recoñecemento actividades transversais:
Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Administración e Dirección de Empresas [pdf - 1556 kb][Actualizado: 9/9/10]

Número de prazas de novo ingreso: 200

Demanda do ano anterior: 6.2 nota de corte en preinscrición curso 2012-2013

Perfil de ingreso: Teñen preferencia para iniciar estudos de Administración e Dirección de Empresas aqueles alumnos que superaron as probas de acceso coas vías de acceso do Bacharelato LOGSE número 1 (Científico-Tecnolóxica), 2 (Ciencias da Saúde) e 4 (Ciencias Sociais).

Dado que non existen outros requisitos formativos previos esixibles, sería desexable que o futuro estudante do Grao en ADE posuíse as seguintes características persoais e académicas:

- Interese pola realidade económica e as súas implicacións para o mundo da empresa
- Compromiso social
- Capacidade analítica
- Capacidade de adaptación a unha contorna cambiante e competitiva
- Competencias lingüísticas en castelán e galego
- Emprego de ferramentas informáticas básicas

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Considérase que as materias troncais, obrigatorias e optativas do título de Diplomado en Ciencias Empresariais pola Universidade de Santiago son suficientes para acreditar as competencias e coñecementos previstos nas materias dos tres primeiros cursos do Grao en ADE.

O Curso Ponte ten pois a mesma estrutura que o 4º curso do Grao en ADE: unha carga de 60 créditos ECTS distribuídos en 2 cuadrimestres; no primeiro cursaríanse 18 créditos de contido obrigatorio e 13,5 optativos, e no segundo 22,5 optativos e o Traballo Fin de Grao cunha carga de 6 créditos. A descrición detallada das materias que o integran estableceuse na memoria verificada.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O traballo de Fin de Grao terá 6 créditos e só poderá inscribirse unha vez superados 150 créditos, entre eles, todos os da primeira metade da titulación.

Prácticas en empresas: Recoñecemento de créditos optativos por realización de prácticas externas máximo 6 créditos.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 66.1
• Taxa de éxito 10-11: 67.3
• Taxa de éxito 11-12: 68.0
• Taxa de rendemento 09-10: 51.8
• Taxa de rendemento 10-11: 54.1
• Taxa de rendemento 11-12: 56.5
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.88 (rango de valoración entre 1 e 7)
• Resultados enquisas 10-11: 4.63 (rango de valoración entre 1 e 7)
• Resultados enquisas 11-12: 3.62 (rango de valoración entre 1 e 5)