Máster Universitario en Turismo Urbano e Xestión de Empresas Turísticas - P3012V01 - 2013/2014

Denominación do título: Máster Universitario en Turismo Urbano e Xestión de Empresas Turísticas

Rama de coñecemento: Ciencias Sociais e Xurídicas

Centro onde se imparte:
Facultade de Económicas e Empresariais
Avda. do Burgo, s/n. Campus Norte
15782
Santiago de Compostela

Data da autorización de implantación do título pola Xunta de Galicia: 245 do 15 de decembro (DOG do 03/01/2012)

Data de publicación no BOE: -

Data da última acreditación:

Responsable do título:

Coordinador do título: VARELA NEIRA, MARIA DE LA CONCEPCION

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Memoria da titulación

Obxectivos

- En primeiro lugar, dotar o alumnado das competencias máis relevantes, tanto desde unha perspectiva teórica como aplicada, da planificación e dirección do turismo urbano e da xestión de empresas no ámbito turístico, proporcionándolle unha visión global e integradora, seguindo os criterios de innovación, eficiencia e sustentabilidade.
- En segundo termo, formar dun modo rigoroso a expertos que orienten a súa carreira cara á investigación e o desenvolvemento do coñecemento no ámbito turístico.

Competencias xerais

COMPETENCIAS XERAIS:

- Adquirir e comprender os coñecementos, a un nivel avanzado, que definen o turismo urbano e a xestión das empresas turísticas, os seus métodos e técnicas.
- Capacidade de aplicar os coñecementos adquiridos á realidade do sector turístico.
- Capacidade de resolver problemas en contornas novas ou pouco coñecidas dentro de contextos máis amplos (ou multidisciplinares) relacionados co turismo urbano e a xestión de empresas turísticas.
- Capacidade de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
- Capacidade de comunicar as súas conclusións –e os coñecementos e razóns últimas que as sustentan- a públicos especializados e non especializados dun modo claro e sen ambigüidades.
- Capacidade de aprendizaxe para continuar estudando dun modo que haberá de ser en gran medida autodirixido ou autónomo.
- Adquirir e comprender os coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación


COMPETENCIAS ESPECÍFICAS:

- Capacidade para dispor dunha visión estratéxica dos problemas empresariais.
- Coñecer as técnicas de xestión empresarial aplicadas ao sector turístico.
- Dirixir e xestionar os distintos tipos de organizacións turísticas.
- Coñecer as tendencias e a dinámica dos mercados turísticos.
- Coñecer as competencias e funcións das diferentes áreas de xestión.
- Coñecer as novas tendencias na xestión de destinos urbanos.
- Coñecer os principios da xestión sostible.
- Diagnosticar necesidades e oportunidades e identificar potencialidades e ameazas do destino urbano.
- Comprender a importancia das redes en que se atopa inmersa a organización e saber situarse nelas.
- Entender o destino turístico como sistema.
- Coñecer as políticas que afectan o destino urbano.
- Aplicar as tecnoloxías da comunicación e a información ao turismo.
- Coñecer e aplicar os principais enfoques de xestión de calidade nas empresas turísticas.
- Aplicar as técnicas de xestión financeira nas empresas turísticas.
- Comprender o marco legal que regula as actividades e destinos turísticos.
- Comprender o marco psicosocial que regula as actividades e destinos turísticos.
- Deseñar produtos e emprender proxectos turísticos.
- Aplicar instrumentos de planificación.
- Aplicar as técnicas para avaliar o impacto económico do turismo urbano.
- Manexar técnicas de recollida e análise de datos.
- Coñecer os fundamentos e aplicar metodoloxías científicas adecuadas.

Saídas

SAÍDAS PROFESIONAIS:

- Dirección de empresas e actividades turísticas
- Planificación e xestión de destinos turísticos en institucións públicas e persoais
- Planificación e xestión de proxectos de aproveitamento dos recursos turísticos
- Investigación de mercados turísticos e desenvolvemento do coñecemento no ámbito do turismo
- Formación e asesoramento no campo turístico
- Emprendimiento de actividades turísticas

Créditos totais: 60.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 20

Demanda do ano anterior:

Perfil de ingreso: Non se contempla

Criterios de acceso e admisión:

Titulacións de acceso por orde de preferencia:
- Titulados universitarios en Turismo
- Outras titulacións universitarias

Consultar a información actualizada en cada convocatoria anual de matrícula.

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster:

Plan de Acción Titorial:

Prácticas en empresas:

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade