Máster Universitario en Desenvolvemento Rexional e Integración Económica - P3032V01 - 2013/2014

Denominación do título: Máster Universitario en Desenvolvemento Rexional e Integración Económica

Rama de coñecemento: Ciencias Sociais e Xurídicas

Centro onde se imparte:
Facultade de Económicas e Empresariais
Avda. do Burgo, s/n. Campus Norte
15782
Santiago de Compostela

Data da autorización de implantación do título pola Xunta de Galicia: 13/2007 do 1 de febrero (DOG do 08/02/2007)

Data de publicación no BOE: 09/12/2011

Data da última acreditación: 15/04/2010

Responsable do título:

Coordinador do título: Bande Ramudo, Roberto

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Información adicional (memoria, publicación BOE, etc.)

Obxectivos

O programa de DESENVOLVEMENTO REXIONAL E INTEGRACIÓN ECONÓMICA defínese como de orientación mixta, profesional e investigadora, sendo en tal sentido os seus obxectivos específicos os seguintes:

1.-De forma común a ambas as especialidades, facilitar unha formación avanzada en economía e métodos cuantitativos, así como as habilidades precisas para a súa transmisión eficaz mediante ferramentas orais ou escritas. Esta formación debe servir de base tanto para a carreira investigadora como para o exercicio profesional.

2.-Na especialidade de DESENVOLVEMENTO REXIONAL, facilitar un conxunto de coñecementos e competencias para o desempeño profesional en institucións, axencias e empresas dedicadas ao desenvolvemento rexional e local. O itinerario inclúe materias eminentemente aplicadas así como prácticas neste tipo de entidades, que poderían actuar como ponte entre a fase formativa e o traballo posterior dos egresados

3.-Na especialidade de INTEGRACIÓN ECONÓMICA perséguese un obxectivo semellante, pero en institucións internacionais, interrexionais (fronteirizas ou transfronteirizas, como é o caso de Galicia) ou simplemente nacionais interesadas nos ámbitos do desenvolvemento, da integración e da cooperación. As características das materias e a combinación teoría-práctica perseguen idénticos obxectivos que os citados para a outra especialidade.

Competencias xerais

COMPETENCIAS XERAIS:

 Unha excelente formación en economía e métodos cuantitativos.
 Un amplo coñecemento da teoría e das experiencias de desenvolvemento rexional e local ou en economía internacional e integración económica.
 A capacitación para avaliar críticamente as posicións metodolóxicas utilizables para cada investigación concreta e para buscar as fontes e os métodos mais pertinentes para fundamentalas.
 A experiencia práctica durante un breve período de tempo das habilidades adquiridas nas axencias, institucións e empresas coas que o Máster estableceu protocolos de colaboración así como con aquelas outras coas que o fará no futuro.

COMPETENCIAS ESPECÍFICAS:

Orientación profesional

 A realización de tarefas de consultoría nos principais temas tratados no Máster, tanto na liña de especialización de relacións económicas internacionais e integración económica como na de desenvolvemento local e rexional.
 O deseño de estratexias para que as empresas ou institucións nas que traballen os futuros profesionais se poidan adaptar ás condicións de integración económica rexional e global.
 A asesoría en equipos de negociación de procesos de integración económica rexionais.
 O asesoramento a empresas sobre comercio, mercados e investimento externo.
 A tramitación de solicitudes de axuda ao desenvolvemento e a xestión das mesmas.
 A asesoría a empresas e outras institucións en temas financeiros, de tipos de cambio, seguros, etc.
 O diseño de instrumentos de mellora da produtividade e a competitividade.
 O diseño de políticas de crecemento sostible a longo prazo.
 A implementación de políticas que favorezan a redución da desigualdade.
 A intervención en asuntos empresariais e laborais.
 A orientación e guía dos procesos de innovación.

Orientación investigadora

 Adquirir e manexar con soltura diversas metodoloxías de investigación.
 Estar capacitados para valorar criticamente as diferentes posicións metodolóxicas e para aplicar aquelas que consideren máis acaídas a cada investigación concreta.
 Contar con habilidade para a búsqueda, selección, valoración crítica e uso de fontes, tanto cualitativas como cuantitativas.
 Demostrar capacidade de traballo, regularidade e disciplina.
 Adquirir hábitos para a redacción e a elaboración de documentos de traballo, comunicacións e ponencias a congresos e reunións científicas, artigos, monografías, etc.
 Mellorar as habilidades comunicativas.
 Aprender a aceptar as críticas, entendéndoas como elemento esencial para a mellora do traballo investigador. Paralelamente será tamén importante aprender a realizar críticas construtivas ao traballo doutros investigadores.

Saídas

Este Máster forma a especialistas de alto nivel para desenvolcer carreiras profesionais, tanto no sector público como no privado, xestión de modelos empresariais de desenvolvemento sostible.
- Asesoramento a empresas e outras institucións sobre comercio exterior, mercados e inversión externa.
- Deseño de instrumentos de avance da productividade e da competitividade.
- Planificación de procesos de innovación tecnolóxica.
- Elaboración e tramitación de solicitudes de proxectos a programas de axuda ao desenvolvemento.
- Organización, promoción e xestión de estratexias o programas de actuación
- Deseño, pulo e xestión de políticas de igualdade.
Permítese así ter acceso a unha ampla variedade de postos de traballo tanto nas institucións, axencias e empresas adedicadas ao desenvolvemeto rexional e local como en institucións internacionais, interregionais (fronteirizas, tras fronteirizas, como nocaso de Galicia) ou nacionais interesadas nos ámbitos do desenvolvemento, da integración e da cooperación.A súa doble orientación (académico-profesional e investigadora) permite optar por unha formación na que prime o carácter investigador e que sirva de punto de partida para a continuación de os estudos de doutoramento e, no seu caso, convertirse en futuros investigadores nos centros públicos e privados de investigación en ciencias sociales.

Xustificación

Este Máster céntrase no desenvolvemento económico e na integración dende un prisma institucional, político e socioeconómico, e está ao servizo da necesidade social de formar especialistas en temas de integración e políticas comunitarias, economía exterior, cooperación internacional e desenvolvemento.

Fomentará a mobilidade dos estudantes, posiblemente algúns deles futuros traballadores da Unión Europea, e promoverá a cooperación internacional na educación en materia de calidade, desenvolvendo criterios e metodoloxías homologables, como sucede no caso doutros Másters Europeos similares vixentes na actualidade.

E, por outra banda, contribuirá ao incremento da demanda de persoal especializado no ámbito académico-profesional e investigador que desenvolva o seu traballo no sector empresarial, un dos obxectivos estratéxicos básicos da Universidade de Santiago de Compostela.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 20

Demanda do ano anterior: null

Perfil de ingreso: Non se contempla

Criterios de acceso e admisión:

Titulacións preferentes

a) Titulados en Economía, e Administración e Dirección de Empresas
b) Alumnos procedentes doutras titulacións universitarias.

Consultar a información actualizada en cada convocatoria anual de matrícula.

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O alumno deberá realizar un Traballo de Fin Master individual, cunha asignación de 12 créditos. Este suporá a realización dun proxecto ou estudo en que se apliquen e desenvolvan os coñecementos adquiridos no Máster. Para presentar o Traballo Fin de Máster será requisito superar a totalidade dos créditos obligatorios establecidos no plan de estudos. O traballo deberá permitir avaliar os coñecementos e capacidades adquiridas polos estudantes nos ámbitos de coñecemento do máster, e promover a iniciación en tarefas investigadoras. Será dirixido por un membro do equipo docente do master, que exercerá como titor. Todas as continxencias derivadas do desenvolvemento e avaliación desta materia deberán guiarse pola normativa aplicable, e na súa falta, polas directrices que emanen da Comisión Académica do Master.

Plan de Acción Titorial: Desde o inicio do curso, cada alumno contará cun titor para a orientación personalizada dos seus estudos. Os titores serán asignados pola coordinación do Máster entre docentes do propio máster. Ningún profesor titorizará a máis de dous alumnos.

Prácticas en empresas: O alumno cursará un total de 18 créditos en prácticas externas vinculadas ao ámbito de traballo e ás organizacións con actividades relacionadas coa temática do máster. Estas prácticas posibilitan o desenvolvemento de modos de facer propios do exercicio profesional nestes ámbitos.

O programa de prácticas está aberto a todas as empresas, organizacións e institucións do ámbito do desenvolvemento rexional e a integración económica que queiran participar, pero sempre condicionado ao cumprimento duns niveis de formación adecuados aos contidos do master.

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade