G3101321 - Contabilidade Financeira II (Materias Obrigatorias) - Curso 2013/2014

Información

• Créditos ECTS
• Créditos ECTS: 4.50
• Total: 4.5
• Horas ECTS
• Clase Expositiva: 18.00
• Clase Interactiva Seminario: 18.00
• Horas de Titorías: 2.25
• Total: 38.25

Outros Datos

• Tipo: Materia Ordinaria Grao RD 1393/2007
• Departamentos: Economía Financeira e Contabilidade
• Áreas: Economía Financeira e Contabilidade
• Centro: Facultade de Administración e Dirección de Empresas [L]
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
veiga carballido, manuel.	NON

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIS_01	Ordinario	Clase Interactiva Seminario	SI	NON
Grupo CLIS_02	Ordinario	Clase Interactiva Seminario	SI	NON
Grupo CLIS_03	Horarios	Clase Interactiva Seminario	SI	NON
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON
Grupo TI-ECTS03	Ordinario	Horas de Titorías	NON	NON
Grupo TI-ECTS04	Ordinario	Horas de Titorías	NON	NON
Grupo TI-ECTS05	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Coñecer, comprender e aplicar a lexislación mercantil básica necesaria para a contabilización de determinadas operacións societarias, como: constitución de sociedades, ampliación e redución de capital, emisión de empréstitos, operacións relacionadas coa disolución, transformación, fusión e escisión de sociedades así como situacións concursais.
Contidos
1.- Constitución de sociedades.
2.- Modificacións na cifra de capital: ampliación e redución.
3.- Empréstitos.
4.- Disolución, liquidación e situacións concursais.
5.- Transformación, fusión e escisión.


Bibliografía básica e complementaria
Básica:
ROMANO APARICIO, J. (2010): Contabilidad de Sociedades (casos prácticos). Ediciones CEF (6ª edición).

Complementaria:
PLAN GENERAL DE CONTABILIDAD, R.D. 1514/2007 de 16 de noviembre, BOE 20-11-2007
TEXTO REFUNDIDO DE LA LEY DE SOCIEDADES DE CAPITAL, Real Decreto Ley 1/2010 de 2 de julio
PROYECTO DE LEY DE REFORMA DE LA LEY CONCURSAL (Consejo de Ministros 18-3-2011), continuación do Real Decreto-Ley 3/2009, de 27 de marzo, de MEDIDAS URGENTES EN MATERIA TRIBUTARIA, FINANCIERA Y CONCURSAL.
CANTORNA AGRA, S; MASIDE SANFIZ, J.M; VIDAL LOPO, R. Y ALVAREZ DOMINGUEZ, Mª A. (2012): Contabilidad financiera. Casos prácticos resueltos y comentados. Andavira editora. 2ª version revisada.

Competencias
Competencias da titulación ás que contribúe a materia:
-Saber identificar, reunir e interpretar datos relevantes sobre cuestións relacionadas co ámbito empresarial, incorporando na elaboración de xuízos e propostas as consideracións pertinentes sobre a súa dimensión social, científica ou ética.
-Identificar as fontes de información económica relevante e o seu contido.
-Derivar dos datos información relevante difícil de recoñecer por non profesionais.

Competencias específicas da materia:
-Coñecer, comprender e aplicar a lexislación mercantil básica necesaria para a contabilización de determinadas operacións societarias, como: constitución de sociedades, ampliación e redución de capital, emisión de empréstitos, operacións relacionadas coa disolución, transformación, fusión e escisión de sociedades así como situacións concursais.

Metodoloxía da ensinanza
Dada a situación da materia no terceiro curso da titulación e as características da mesma préstase especial atención ás actividades presenciais. As sesións de aula teñen como obxecto a introdución e explicación dos aspectos básicos de cada tema contido no programa, proporcionando ao alumno a información básica necesaria que permita un adecuado desenvolvemento do proceso do aprendizaxe autónoma.
Tralas exposicións de cada un dos temas, expoñemos diferentes actividades, que deberán resolverse nalgúns casos de forma individual e noutros en grupos reducidos, nas que se tratará de fomentar a cooperación e o traballo en equipo. As actividades propostas pódense agrupar da seguinte forma:
- Procura e lectura de información para a elaboración de pequenos traballos escritos ou resolución de cuestións teóricas relacionadas coa materia.
- Comentario e debate de noticias de prensa sobre cuestións relacionadas coa materia.
- Resolución de exercicios e casos prácticos.
Estas actividades compleméntanse co traballo persoal que o alumno deberá dedicar a cada unha delas: procura de material bibliográfico, lectura do devandito material, elaboración de informes, e traballo autónomo que será guiado polo profesor nas horas destinadas a titorías. Ademais tamén se fai unha estimación sobre o tempo necesario para a asimilación dos contidos da materia.
Todo o material de apoio á docencia, calendario, probas…etc. atópase na aula virtual da asignatura da USC.

Sistema de evaluación
Considérase moi importante a participación activa e continua nas actividades propostas durante o curso xa que, ademais de que a realización adecuada das mesmas é considerada na cualificación final, permitirá ao alumno alcanzar os obxectivos da materia.
A continuación sinálanse os aspectos que se terán en consideración para a avaliación da materia, diferenciando os criterios e os instrumentos para seu calculo, así como o peso que terán na cualificación final:

ASPECTO:Conceptos estudados na materia.
CRITERIO:Dominio dos conceptos teóricos e da súa aplicación práctica.
INSTRUMENTO:Exame teórico-práctico.
PESO:Valor máximo 70%

ASPECTO: Asistencia e participación na clase. Realización de traballos e resolución de exercicios e probas.
CRITERIO: Participación activa nas actividades realizadas na clase. Entrega de documento escrito no que se resolva a actividade proposta. Cumprimento dos prazos de entrega de traballos e probas establecidos. Adecuación do traballo á proposta realizada. Grado de profundidade con que se analizou e calidade da documentación. Estrutura e presentación. Calificación das probas realizadas ao longo do curso, sempre e cando alcancen unha puntuación mínima do 50% do valor da mesma.
INSTRUMENTO: Observación e notas do profesor. Valoración dos traballos, exercicios e probas realizados durante o curso.
PESO: 30%

Nota final: sumando ambos conceptos, o alumno deberá obter para superar a materia 5 puntos sobre 10. Se só ten a cualificación correspondente ao exame teórico-práctico, para superar a materia deberá obter 5 sobre 7. En calquera caso, para os alumnos que sigan a avaliación continua, a nota mínima para poder superar o exame teórico-práctico será de 3.5 sobre 7 (en cada unha das partes, teórica e práctica).

Estes criterios de valoración son os mesmos en cada unha das oportunidades de exame (xaneiro, xullo) e tanto para alumnos de primeira matrícula como repetidores.

Tempo de estudo e traballo persoal
Actividades formativas en horas, metodoloxías de ensino-aprendizaxe e a súa relación coas competencias que debe adquirir o/a estudante:

TRABALLO PRESENCIAL NA AULA
Aulas de pizarra en grupo grande 15h
Aulas de pizarra en grupo reducido 15h
Titorías 10h
Outras sesións con profesor. Avaliación 5h
Total horas traballo presencial na aula: 45h

TRABALLO PERSOAL DO ALUMNO
Estudo autónomo individual ou en grupo 41.5h
Escritura de exercicios, conclusións ou outros traballos relacionados coa materia 20h
Lecturas recomendadas, actividades en biblioteca ou similar 4h
Asistencia a charlas, exposicións ou outras actividades recomendadas 2h
Total horas traballo persoal do alumno 67.5h


Recomendacións para o estudo da materia
Coñecer e entender os coñecementos recibidos nas materias “Introdución á Contabilidade” (Primeiro curso) e Contabilidade financeira I (segundo curso), así como posuír coñecementos de dereito mercantil e economía financeira.
Asistencia e participación activa na aula e titorías.
Estudo continuado da materia dada a estreita ligazón entre os seus distintos contidos.
Consulta das referencias bibliográficas e resolución de casos prácticos alternativos aos resoltos na clase.
Consulta da aula virtual da asignatura da USC.