Introdución

A localización da Escola Politécnica Superior fai que sexa a portada do Campus de Lugo, entre o Polígono de Fingoi e a Tolda de Castela, xa que a disposición dos pavillóns de laboratorios e despachos é paralela á estrada de Madrid.

A estrutura do complexo da EPS é modular con un deseño orixinal que aporta moitos espazos libres e verdes.

As súas infraestruturas son as seguintes:

• Aulas e Seminarios

• Laboratorios e Naves Taller

• Campos de Prácticas

• Biblioteca

• Aulas de Informática

     

Consta de:

• Catro aularios, os tres primeiros con catro aulas en pendente cada un. No aulario nº4 dúas aulas en pendente e dúas aulas de Expresión Gráfica.

• Os pavillóns I e II, paralelos aos aularios, albergan despachos de profesorado, seminarios e laboratorios de docencia e investigación. No pavillón II están ubicadas dúas das aulas de informática da escola.

• O pavillón III conta con tres aulas, dous seminarios, outras tres aulas de informática, despachos de profesorado, local de alumnos, cafetería e salón de actos con capacidade para 282 persoas. No soto deste pavillón atópanse as naves-taller de prácticas e varios almacéns.

   

• Entre os pavillóns I e II e os aularios levántase o edificio administrativo do Centro. Este edificio alberga os despachos do equipo directivo, as secretarías administrativas, o negociado de asuntos económicos, a unidade de apoio á xestión académica, a conserxería e a fotocopiadora.