G4061422 - Ecoloxía e Impacto Ambiental (Materias sen Vinculación) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 36.00
• Clase Interactiva Laboratorio: 12.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Bioloxía Celular e Ecoloxía
• Áreas: Ecoloxía
• Centro: Escola Politécnica Superior
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
Vázquez Castro, María Dolores.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	NON
Grupo /CLIL_01	Ordinario	Clase Interactiva Laboratorio	SI	NON
Grupo /TI-ECTS01	Ordinario	Horas de Titorías	SI	NON
Grupo /TI-ECTS02	Ordinario	Horas de Titorías	SI	NON

Programa

Existen programas da materia para os seguintes idiomas:

Castelán

Galego

Obxectivos da materia
A materia de Ecoloxía contribuirá directamente á consecución de dous dos obxectivos xerais da titulación propostos no plano de estudios:

- Que o alumnado teña capacidade para relacionar e integrar as instalacións e explotacións agrarias así como os espazos relacionados coa xardinería e o paisaxismo co seu entorno, valorando a preservación do medio ambiente.

- Que o alumnado teña capacidade para a redacción e firma de estudios de impacto ambiental de explotacións agrícolas, gandeiras e de espazos relacionados coa xardinería e o paisaxismo.

Os obxectivos específicos da materia inciden en que:

- O alumnado coñeza, comprenda e saiba manexar os principios básicos de ecoloxía. Os cales inclúen o coñecemento da estrutura e a función dos ecosistemas en xeral, así como dos seus compoñentes (organismo, poboación e comunidade), e doutros niveis de organización superiores, como é a paisaxe.

- O alumnado coñeza o procedemento de avaliación de impacto ambiental, aplicado a actividades de tipo agropecuario e de xardinería. Así como os principais efectos que esas actividades poden exercer sobre o medio, en función do tipo de manexo que se realice.

Contidos
Os contidos da materia agruparanse nos seguintes temas:

1: Introdución á Ecoloxía. Sistemas, visión xeral.

2: Factores ecolóxicos. Tipos. Principais factores ecolóxicos nos medios terrestres e acuáticos.

3: Relacións do organismo co seu medio. Homeostasia. Lei da tolerancia.

4: A poboación: características básicas. Demografía.

5: Dinámica das poboacións: modelos de crecemento poboacional.

6: A comunidade: características básicas. Diversidade ecolóxica e biodiversidade.

7: A comunidade: Interaccións entre especies. Sucesión ecolóxica.

8: O ecosistema: circulación de materia e enerxía. Ecosistemas manexados.

9: Da paisaxe á ecosfera. Cambio global.

10: As actividades agropecuarias e o medio.

11: Avaliación de impacto ambiental.

Estes contidos serán desenvoltos tanto durante as horas de teoría como nos seminarios, e apoiándose nas prácticas de campo.


Prácticas de campo
Realizaranse dúas saídas ó campo, nas que se realizarán observacións e se recolleran datos que serán despois analizados, e servirán de base para a realización das memorias correspondentes.


Bibliografía básica e complementaria
Ecoloxía

Freedman, B. (1995 2ª ed.). Environmental ecology. The ecological effects of pollution, disturbance and other stresses. Academic Press, Inc. San Diego.

Begon, M; Harper, J L; Townsend, C R (1999). Ecología: individuos, poblaciones y comunidades. Omega, Barcelona.

Molles M.C. (2006). Ecología: conceptos y aplicaciones. McGraw-Hill. Madrid.

Smith, R L; Smith, T M (2005). Ecología. Pearson Educación, S.A., Madrid

Terradas, J (2001). Ecología de la vegetación. De la ecofisiología de las plantas a la dinámica de comunidades y paisajes. Omega, Barcelona.


Impacto Ambiental
Conesa Fernandez-Vítora, V. (1995). Guía Metodológica para la Evaluación del Impacto Ambiental. Mundi-Prensa. Madrid.

Garmendia, A. e col. (2005). Evaluación de impacto Ambiental.

Gomez-Orea, D. (1994). Evaluación de impacto ambiental. Editorial Agrícola Española. Madrid.

Andrés, M., García, F.A. (2006). La evaluación de impacto ambiental de proyectos y actividades agroforestales.


Competencias
As persoas que teñan cursado a materia serán capaces de:

- Describir a estrutura e a función dos ecosistemas en xeral. Este obxectivo aplícase tamén ós niveis de organización que inclúe o ecosistema: comunidades, poboacións e individuos. Para a consecución deste obxectivo deberá coñecer e manexar axeitadamente os conceptos e a terminoloxía propia da ecoloxía.

- Describir e diferenciar as peculiaridades dos ecosistemas manexados por humanos, en comparación con outro tipo de ecosistemas. Centrándose especificamente nos ecosistemas agrarios.

- Analizar e valorar os efectos ambientais relacionados con actividades do eido agropecuario e da xardinería.


Metodoloxía da ensinanza
Empregaranse clases expositivas para a presentación e desenvolvemento dos contidos teóricos.

Realizaranse seminarios en grupos reducidos na aula, ou na aula de informática para traballar sobre aspectos numéricos e aplicados relacionados coa teoría, e para familiarizarse con ferramentas informáticas de utilidade en ecoloxía.

Realizaranse prácticas de campo que permitiran a observación directa, a toma de datos e a relación cos coñecementos adquiridos en teoría.

Usarase o Campus Virtual para proporcionar materiais do curso, e tamén para a coordinación de actividades e resolución dos problemas que poidan xurdir no traballo persoal do alumnado fóra do centro

Sistema de evaluación
Durante o curso, ó longo das clases teóricas e seminarios realizaranse ou propoñeranse pequenos traballos. Estes traballos puntuarán en conxunto un 20% da nota final da materia.

Durante o curso realizaranse dúas prácticas de campo. O alumnado deberán de presentar e expoñer en clase un informe de cada unha das prácticas realizadas. Este informe será avaliado xunto coa propia participación nas mesmas. A nota de prácticas contará un 30% da nota final da materia.

Ao rematar o semestre haberá un exame final no que se avaliará o coñecemento dos conceptos teóricos sobre os que se traballou no curso. A nota deste exame representará un 50% da nota final da materia.

Tempo de estudo e traballo persoal
Cada hora de traballo presencial requirirá entre dúas e tres horas de traballo de revisión, resolución de exercicios, ou realización de memorias. Incluído neste cómputo global está o tempo de preparación da proba final.
Recomendacións para o estudo da materia
Esta materia inclúe tanto aspectos aplicados, como teóricos nos que se definen termos, se describen estruturas e se analiza o funcionamento dos ecosistemas en diferentes niveis de organización. É importante ser capaz de relacionar e comprender estes coñecementos. Polo tanto, o traballo persoal debe estar orientado á revisión dos conceptos e a poñer en relación o que se vai vendo, tanto na parte teórica como en seminarios e prácticas. É importante manter un traballo continuado, e ir revisando e analizando o material a medida que se vaia presentando, tratando de relacionalo co que xa se ten visto anteriormente.

Deste modo as dúbidas e dificultades que vaian xurdindo poderanse ir resolvendo progresivamente. A este respecto resulta importante a participación nas actividades presenciais, incluíndo as horas de titorías.